Matthieu 17:9 - Nouveau Testament en Gulay 2004

⁹ Loo ke Jésu se njékuwe-girnge in-in dè mbal’t à risi nang ɓaa, Jésu unn ndu’n ade de ede nè: – Nyan ke sei an-in nè nga, i tami tà’n adi doo karé ke rang oo lé sár kade man ke m’ee Ngonn doo m’unde’n loo m’tee’n dann njé ke koo’t.

Matthieu 17:9 Iomraidhean Croise

Matthieu 12:16

Jésu on de njanm-njanm le kade d’ade doo karé bè géa ger’n lé.

Matthieu 17:12

Nè man m’ede sei titeke Elie nga tel ree ɓá ta, nè dooge geri nin lé a, rai se’n nyan titeke kêm de ndige lé a tɔ. Man ke m’ee Ngonn doo nga géa, d’ade ra se’m nyantosowur titeke bè tɔ.

Matthieu 17:20

Jésu tel ede de ede nè: – E tede kundekêm le si ke tin lé. Kerɔte kuwe, man m’ede sei ndàt, ke nè á kundekêm le si è tite kum kage Mutarde bè ɓaa, sei asikum kedi mbal nè kedi nè: «Ɔr rai loo ke nè’t kɔke aw i nda nú bè» ɓaa, mbal nè nga à ɔr ra’n se gir son’n bere kaw kuwe tɔ. Nyan karé bè ke à dum si goto.

Matthieu 17:22

Ndɔ karé bè njékuwe-gir-Jésuge ɔsi nja nan kêm ɓeekon ke Galilée ɓaa, è ede de ede nè: – Man ke m’ee Ngonn doo nga, nain ngɔr kade d’uwe’m d’ule’m ji dooge’t.

Matthieu 17:23

Dooge à tɔli man nè ndɔ ke njèkon’t mute ɓaa, m’a m’unde loo tee dann njé ke koo’t. Tà nè nga ade njékuwe-gir-Jésuge kêmkon ngain.

Matthieu 17:8

Loo ke ei ɔri dè de dɔ ɓaa, ei an-in Jésu kuwe se kar’n bere á nda.

Matthieu 8:20

Jésu tel ile’n dè’t ede nè: – Njange géa bolè tò de tò tutu a, helge géa ndis tò de tò tutu a tɔ. Nè man ke m’ee Ngonn doo nga, m’inge loo kule dè’m tutu taa kebe lé.

Matthieu 8:4

Go’t gugu Jésu ede njèbanje nè nga ede nè: – An tá nè a kade tà nè tee tài’t ade doo ke rang oo. Nè aw ra njèkuje nyan-mese’t i tɔje’n rai ade an ɓita unn nyan-noje ade se go gute-ndu ke Moise ndang kêm magtub’t le kade dé ger’n titeke banje ɔr rai’t ndát-ndát.

Marc 8:30

Jésu ɔge de le kade dé ribe dè’n d’ade doo karé bè géa oo lé.

Tà ke Maje ke Luc ndang 8:56

Njékoje ngonn ke dinye nè nga tà ige de sêl, nè Jésu ndeje de le kade dé tam tà nyan ke tee nè nga d’ade doo karé bè géa oo lé.

Tà ke Maje ke Luc ndang 9:36

Loo ke Nube tam tà nè bè ɓá ɓaa, Jésu kuwe se kar’n bere á nain. Njékuwe-girnge ndii tà de mundu. Kêm ndɔn’t nè, d’ɔr ser nyan karé bè ke d’an se kum de nè nga d’ade doo karé bè géa oo lé.