Matthieu 17:5 - Nouveau Testament en Gulay 2004

⁵ Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Matthieu 17:5 Iomraidhean Croise

Matthieu 12:18

«An! ngonn njèndi le’m ke man kuwe m’ɔr’n a, m’tár’n a, ra’m nel’n dènn’t ngain a tɔ. M’a m’ade ndil’m à um dènn’t le kade ile mber nyanra ke se dè naje’n ade dooge ke geri Nube lé.

Matthieu 17:6

Loo ke njékuwe-gir-Jésuge ooi tà nè nga bè ɓaa, ɓel unde de ndàt gang de ade tosoi, sebi kum de nang.

Matthieu 3:17

An! ke loon’t nè kuwe, ndu doo ɓar danran ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ.

Marc 1:11

Ndu Nube ɓar danran nú ede nè: – I i Ngonn’m ke m’tári ngain, i nyan ranel le’m a tɔ.

Marc 9:7

Bum ree utu dè de lêt, Nube tam tà dann bum’t nè ede nè: – E nè nga è Ngonn’m ke m’tár’n ngain, ooi tà tànn’t.

Tà ke Maje ke Luc ndang 3:22

Ndil-Kêmnda ree uwe dènn’t ade d’an tò asenan se der-nda bè. Ndu Nube ɓar danrán nú ede nè: – I nga i ngonn’m ke m’tári ngain. Ra’m nel’m dè kɔr ke m’ɔri’t nga ngain a tɔ.

Jean 3:16

Nube tár dooge malang ke dè nang nè, gir’n ke nè á ule’n Ngonn’n ke dagi le kade nanan ke unde kêm’n dènn’t ɓaa à udu lé nè à ndi kumgajer se non.

Jean 3:35

Bɔ Ngonn tár ngonn’n ngain. E tel se nyange malang um jinn’t.

Jean 5:37

Bɔ’m ke njèkule’m nga è kuwe ɔrgo tà ɔje’n dè’m. Sei ooi ndu’n nja karé éké sei an-in kum’n nja karé ndan lé ɓai.

Nyanra Njekawkulege 1:9

Loo ke è ede de tàge nè nga bè ɓá ɓaa, è in tàkum de’t aw danrán. Loo ke dé nda d’an goo’n sikm ɓaa, ke loon’t nè kuwe, bum utu dè’n lêt ade d’an’n lé sár.

Nyanra Njekawkulege 7:37

E Moise nè nga kuwe á ndɔ ke ede kosdooge ke Israel ede nè: «Ndɔ ke rang Nube à ɔr njéribe-dè-tàge ke tànn’t ke tite’m man bè kade sei. Doo nè nga a è ngokon si ke dann si sei’t kuwe.»

Nje Ke Ephese 1:6

Ade jè ɗɔyi Nube tede noje le’n ke maje dum ke è uwe se jéi. Nube uwe se jéi noje nè nga takul kotár le’n Krist kuwe karé luk-luk.

Nje Ke Colosses 1:13

E uwe jèi wont ji tɔgmong’t le tilkus ɔr jèi ree se jéi kem̂ Konɓee’t le Ngonn’n ke è kotár le’n.

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.

Lookilera’n 14:14

Loo ke m’unn kum’m ke dɔ ɓaa, m’an kil ndi ke nda káng-káng. Doo karé ke tanan se Ngonn doo ndi dann kil’t le ndi nè nga. E ule jɔkɔ ke ra se nar-ɔr dènn’t, uwe ngɔrong ke ate pem̂ jinn’t a tɔ.