Matthieu 17:27 - Nouveau Testament en Gulay 2004

²⁷ Nè né è bè géa , è tà le kade j’ilei de kage lé. Aw tà ba-bò’t ile kui. Kanje ke desêin ke a uwe’n nga, loo ke a i teen tà’n ɓaa, a inge nar ke kum sile sɔ. Ɔr i ree’n ade de tede le’m a, tede lei a tɔ.

Matthieu 17:27 Iomraidhean Croise

Matthieu 17:26

Pierre ile jésu dè’t ede nè: – E ji dooge ke dɔ’t. Jésu ede Pierre ede nè: – Né è bè ɓaa, ngann njéɓeege ndii dè de pal karè.

Matthieu 18:6

Nanan ke tel ra’n ke jig tuge nja ngonn karé dann njé ke undei kêm de dèm’t ade oso dann kaiya’t ɓaa, è soo’t le tɔ́ kuberi mbal ke bò kɔbenn’t ɓita kunn’n kile’n dunge ba-bò’t kade ndui mann wei kɔke.

Matthieu 18:8

Ke nè á jii éké njai à tugei jig’t le kade oso dann kaiya’t ɓaa, i tuge’n i gang’n ile’n heb. Kawi loo ndikumgajer se non se meti nga, è soo’t dum kade d’ilei se jii éké njai joo mbak dann por ke tò sár se non.

Matthieu 5:29

Ke nè á kumi ke kon ade i ra kaiya ɓaa, uwe’n ɔr’n ile’n piring kɔke. Kade balkum rai karé udu è soo’t dum kile danrai bere mbak dann loo ke tur’t ke kure nyanrai à ɔde kumi tutu labi-labi.

Matthieu 5:30

Ke nè á jikoin ade i ra kaiya ɓaa, i tuge’n i gang’n ile’n piring kɔke. Kade balkum rai karé udu è soo’t dum kade d’ile danrai bere mbak dann loo ke tur ke kure nyanrai à ɔde kumi tutu labi-labi.

Marc 9:42

Doo karé ke ra ngonn ke nain dap ke unde kêm’n dèm’t tite njé ke nè bè ade oso dann majelé’t nga, è soo’t le tɔ kule tu kuberi mbal ke bòi kɔbenn’t, kile’n dunge ba’t.

Marc 9:43

Ke nè á jii karé è nyan ke à tugei jig’t kade oso dann kaiya’t ɓaa, uje’n i gang’n kɔke kade aw danrán loo ndikumgajer se non se meti nga, maje dum kade d’ilei se jii joo mbak loo ke tur’t, dann por’t ke wei ndan lé’t. [

Tà ke Maje ke Luc ndang 17:2

E soo’t le tɔ kuberi mbal kɔbenn’t kile’n dunge ba-bò’t maje dum kade ndi têl è jig tede le njé ke tɔg kundekêm dè Nube’t le de ase lé. Nanan ke asekum koo tà ke man m’ede sei nè nga ɓaa, maje kade nel mbi’n oo’n tà nè nga maje.

Jean 6:61

Jésu ger kêmn’t mbak titeke njékuwe-girnge murin tà ɔji dè tà nè nga. Gir’n ke nè á, è deje’n de ede nè: – Ké tà nè nga tuge sei jig’t ile sei wa?

Nje Ke Rome 14:21

Maje kum kuse dan éké kain yibe lé. Nyan ke rara ke ile ngokoin kage nga, maje kade ɔge rai dè’t.

1 Nje Ke Corinthe 8:13

Gir’n ke nè á, ke nè á m’an titeke nyankuse à ade ngokon’m à oso dann majelé’t ɓaa, mbate kuse dan nè nga njing è soo’t dum kade ngokon’m oso dann majelé’t tede tà le’m.

1 Nje Ke Corinthe 8:9

Sei ndii dè si pal le ra nyan ke kêm si ndige kuwe. Nè né è bè géa, undei kumkunju dè ra si’t le kade ndi dè pal le si tuge njé ke kundekêm le de ɓisir lé ɓai ile de dann majelé’t lé.

2 Nje Ke Corinthe 6:3

Jè ndige kade dooge an-in kule ra jé ke ngarankum nyan. Gir’n ke nè á jè ra’n nyan tede kile’n doo karé géa kage lé.

2 Nje Ke Corinthe 8:9

Sei geri kêmnoje le Kuwe-ɓee le jéi Jésu-Krist nga mbak. Jésu-Krist nga è baw, nè è tel ra’n ke njèndoo tede tà le si. E ra titeke bè tede kade ndoo le’n tel è nyanbaw le si.

1 Nje Ke Thessalonique 5:22

Majelé ke rara géa ɔgi ra si dè’t kɔke.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?