Matthieu 17:22 - Nouveau Testament en Gulay 2004

²² Ndɔ karé bè njékuwe-gir-Jésuge ɔsi nja nan kêm ɓeekon ke Galilée ɓaa, è ede de ede nè: – Man ke m’ee Ngonn doo nga, nain ngɔr kade d’uwe’m d’ule’m ji dooge’t.

Matthieu 17:22 Iomraidhean Croise

Matthieu 16:21

Unn gir kêm ndɔn’t nè nga, Jésu-Krist ede njékuwe-girnge ede nè: – Gar-gar m’a m’aw ke kêm ɓee-bò ke Jérusalem. Ngatɔgege se maw njékuje nyan-mesege a, se njéndang magtubge a tɔ, à rai se’m nyantosowur. D’ade tɔl’m nè ndɔ ke njékon’t mute ɓaa, m’a m’unde loo tee dann njé ke koo’t.

Matthieu 16:28

Kerɔte kuwe, man m’ede sei ndàt, njé ke nange dann dooge ke ndii nè nga à an-in Konɓee le’m man Ngonn doo se kum de pa ɓita à weii ɓai.

Matthieu 17:12

Nè man m’ede sei titeke Elie nga tel ree ɓá ta, nè dooge geri nin lé a, rai se’n nyan titeke kêm de ndige lé a tɔ. Man ke m’ee Ngonn doo nga géa, d’ade ra se’m nyantosowur titeke bè tɔ.

Matthieu 17:23

Dooge à tɔli man nè ndɔ ke njèkon’t mute ɓaa, m’a m’unde loo tee dann njé ke koo’t. Tà nè nga ade njékuwe-gir-Jésuge kêmkon ngain.

Matthieu 17:9

Loo ke Jésu se njékuwe-girnge in-in dè mbal’t à risi nang ɓaa, Jésu unn ndu’n ade de ede nè: – Nyan ke sei an-in nè nga, i tami tà’n adi doo karé ke rang oo lé sár kade man ke m’ee Ngonn doo m’unde’n loo m’tee’n dann njé ke koo’t.

Matthieu 24:10

Gir’n ke nè á, dooge bule à tusi kundekêm le de kinyei a, à unni dè nan a tɔ.

Matthieu 26:16

Unn gir kêm ndɔn’t nè nga, è sang loo ke kanm le kule’n ji de’t.

Matthieu 26:46

In-in dɔ ade j’awi, tede njékule’m ji dooge’t nga à ree non.

Marc 8:31

Unn gir kêm ndɔn’t nè nga, Jésu ede njékuwe-girnge ede nè: – Man ke m’ee Ngonn doo nga, nyankêmkonge ngain à rai man. Ngatɔgege le Israel se njékɔrgir gute-nduge se maw njékuje nyan-mesege à utei man mbeng a, à tɔli man a tɔ. Ndɔ ke njèkon’t mute ɓaa, m’a m’unde loo tee dann njé ke koo’t.

Tà ke Maje ke Luc ndang 24:26

Krist ke Nube ule’n nga, gar-gar nyantosowur à ra’n ɓita à ɔte kur kák kaw dann ndubra’t le’n ɓai. Ké sei geri bè lé wa?

Tà ke Maje ke Luc ndang 24:46

Gir’n ke nè á è ede de ede nè: – An-in! dé ndang kêm magtub’t d’ede nè: Man Krist ke Nube ule’m nga, gar-gar d’a d’ade nyantosowur à ra’m kuwe. Nè d’a d’ade m’a m’unde loo tee dann njé ke koo’t ndɔ ke njèkon’t mute.

Tà ke Maje ke Luc ndang 9:22

Taɓai è ede de ede nè: – Man ke m’ee Ngonn doo nga, gar-gar m’a m’inge nyantosowur. Ngatɔgege le juipge se maw njékuje nyan-mesege a, se njékɔrgir gute-nduge à adi d’ade ɓer’m kàde kage-ke-dese’t. Nè ndɔ ke njèkon’t mute ɓaa, m’a m’unde loo tee dann njé ke koo’t.

Tà ke Maje ke Luc ndang 9:43

Ndil doobulege malang tee an-in soin-soin dè tɔgmong ke bò le Nube nga. Tà ige doobulege nè sêl dè nyange malang ke Jésu ra ade teli ndii giw. E ede njékuwe-girnge ede nè:

Nyanra Njekawkulege 7:52

Ké njèribe-dè-tà ke ra dann madennge’t á kà sige nali rai kum’n ndoo wa? Ei tɔli njé ke kété ilei mber ree le njè ra nyan se dè naje’n ke karé luk-luk. E nga ɗarinè sei teli sei njé kunn dènnge se njé tɔlnge.

1 Nje Ke Corinthe 11:23

Nyan ke m’ndó sei nga, m’inge ra Kuwe-ɓee’t. Dann ndɔ ke d’a d’ule Kuwe-ɓee Jésu ji dooge’t kade tɔli nin nga, è unn mapa karé uwe jinn’t.