Matthieu 17:20 - Nouveau Testament en Gulay 2004

²⁰ Jésu tel ede de ede nè: – E tede kundekêm le si ke tin lé. Kerɔte kuwe, man m’ede sei ndàt, ke nè á kundekêm le si è tite kum kage Mutarde bè ɓaa, sei asikum kedi mbal nè kedi nè: «Ɔr rai loo ke nè’t kɔke aw i nda nú bè» ɓaa, mbal nè nga à ɔr ra’n se gir son’n bere kaw kuwe tɔ. Nyan karé bè ke à dum si goto.

Matthieu 17:20 Iomraidhean Croise

Matthieu 13:31

Jésu unn gostà karé ke rang ede dooge ɓai ede nè: – Konɓee ke danrán nga tò asenan se kum kage ke ri’n nè Mutarde ke dingem karé unn aw dubu kêm ndɔr’t le’n bè.

Matthieu 14:29

Jésu ede Pierre ede nè: – I ree ke laa. Pierre rise kêm bato’t, njiye dè mann’t kum’n ke ra Jésu’t.

Matthieu 17:17

Jésu tel tam ede de ede nè: – Sei njé kunn mbi dè tà’tge se njéndɔje lɔk-lɔkge. Ké m’a m’ndi se si ndɔ kandang ɓai wa? I reei se ngonn nè nga ke ram’t nè.

Matthieu 17:19

Loo ke Jésu nain se kar’n bere ɓaa, njékuwe-girnge agi meen-meen ke rann’t deji nin edi nè: – Ke bain á tɔg jé ase rɔ ndil ke majelé nè nga kɔke lé wa?

Matthieu 17:9

Loo ke Jésu se njékuwe-girnge in-in dè mbal’t à risi nang ɓaa, Jésu unn ndu’n ade de ede nè: – Nyan ke sei an-in nè nga, i tami tà’n adi doo karé ke rang oo lé sár kade man ke m’ee Ngonn doo m’unde’n loo m’tee’n dann njé ke koo’t.

Matthieu 21:21

Jésu tel ile de dè’t ede nè: – Kerɔte kuwe, man m’ede sei ndàt, ke nè á awi se kundekêm ke get á i naji se ra si dè’t lé ɓaa, a i rai nyan ke m’ra se kage koté nè nga á go karé bere lé, nè ke nè á edi mbal nè edi nè: «Ɔr rai loo ke nè’t i kile oso dann ba’t nú» ɓaa, mbal nè nga à ra titeke bè kuwe tɔ.

Matthieu 8:26

Jésu deje de ede nè: – Ké bain á i ɓeli bè wa? Sei nga kundekêm dè Nube’t le si tin lé! E ɔse nang in ndáng nel se ba-bò. Ke loon’t nè kuwe ká loo tel pà sibik.

Marc 11:22

Jésu ede njékuwe-girnge ede nè: – Undei kêm si dè Nube’t.

Marc 11:23

Kerɔte kuwe, man m’ede sei ndàt, ke nè á doo karé ede mbal nè ede nè: «Ɔr rai loo ke nè’t kɔke aw oso ba ɓaa, d’ade ra nyan nè kade’n kuwe. Nè è tà le kade um kêm’n dè’t bɔk-bɔk m naje se ra’n dè’t lé.

Marc 4:31

Konɓee le Nube nga tò tite kum mbi tar karé ke ri’n nè Mutarde. E mbi tar ke kum’n kide nyeem-nyeem dum kum mbi targe ke rang malang ke dé ndɔr dè nang nè se ɓal-ɓal.

Marc 9:23

Jésu tel deje bɔ ngonn nè nga ede nè: – Ké bain á i tam ede nè: Ke nè á ase ra nyan karè wa? Doo ke unde kêm’n dè Nube’t ɓaa, Nube asekum ra nyan malang tede’n kuwe.

Tà ke Maje ke Luc ndang 1:37

Tede tɔgmong le Nube asekum ra nyan malang.

Tà ke Maje ke Luc ndang 17:6

Kuwe-ɓee tel ile de dè’t ede nè: – Ke nè á kundekêm le si è ndêin-ndêin bè tite kum kage ke ri’n nè Mutarde géa, sei asikum kede kage koté nè kedi nè: «Ɔr rai se ngirei bere mbak aw i nda dann ba’t» ɓaa, kage nè nga à ra nyan ke sei edii.

Tà ke Maje ke Luc ndang 18:27

Jésu ile de dè’t ede nè: – Nyan ke dooge asikum rai lé nga, Nube asekum ra.

Jean 11:40

Jésu tel ede’n ede nè: – Ke nè á unde kêmi dèm’t ɓaa a an tɔgmong le Nube se kumi. Ké kété m’edi bè lé wa?

1 Nje Ke Corinthe 12:9

Ndil ke karé nè kuwe ade doo karé ke nè aw se kundekêm ke ɓar kage a, ade doo karé ke rang nyan-nojege kade aje’n njératurge a tɔ.

1 Nje Ke Corinthe 13:2

Ke nè á m’aw se nyan-noje ke ɔje dè ribe dè tà ke tà Nube’t, m’ase ger nyange malang ke tooi loo ɓɔyɔ de’t éké m’aw se nyanger ke deri éké m’ase le kaw se kundekêm ke deri tede kɔr’n mbal se girson’n bere géa, ke nè á tár nan goto kêm’t ɓaa, m’ee nyan ke karè.

Hebreuge 3:19

Jéi j’an-in titeke ndɔ ke d’asekum kile nja de loo taa kebe’t le Nube nga ndan lé tede kunn mbi dè tà’t le de.