Matthieu 17:19 - Nouveau Testament en Gulay 2004

¹⁹ Loo ke Jésu nain se kar’n bere ɓaa, njékuwe-girnge agi meen-meen ke rann’t deji nin edi nè: – Ke bain á tɔg jé ase rɔ ndil ke majelé nè nga kɔke lé wa?

Matthieu 17:19 Iomraidhean Croise

Matthieu 17:18

Jésu ndáng ndil ke majelé nè nga ade unde loo tee kɔke kêm ngonn’t nè. Kum kàdenn’t nè kuwe, ratur ɔr dè ngonn’t nè nga kɔke.

Matthieu 17:20

Jésu tel ede de ede nè: – E tede kundekêm le si ke tin lé. Kerɔte kuwe, man m’ede sei ndàt, ke nè á kundekêm le si è tite kum kage Mutarde bè ɓaa, sei asikum kedi mbal nè kedi nè: «Ɔr rai loo ke nè’t kɔke aw i nda nú bè» ɓaa, mbal nè nga à ɔr ra’n se gir son’n bere kaw kuwe tɔ. Nyan karé bè ke à dum si goto.

Marc 4:10

Loo ke Jésu ɔr ra’n ra kosdoo-bulege’t aw ndi mbeng se kar’n ɓaa, njékuwe-girnge se njékawkulege ke dɔg-gidé-joo a tɔ, deji nin gir sertà nè nga.

Marc 9:28

Jésu tel aw ɓéee. Loo ke njékuwe-girnge ndii se’n se kar de bere ɓaa, ei deji nin edi nè: – Ké gir’n è ri á jè j’aw se tɔgmong le rɔ’n ndil ke majelé nè nga kɔke lé wa?