Matthieu 17:17 - Nouveau Testament en Gulay 2004

¹⁷ Jésu tel tam ede de ede nè: – Sei njé kunn mbi dè tà’tge se njéndɔje lɔk-lɔkge. Ké m’a m’ndi se si ndɔ kandang ɓai wa? I reei se ngonn nè nga ke ram’t nè.

Matthieu 17:17 Iomraidhean Croise

Matthieu 13:58

E ra nyankɔbege ngain kêm ɓee ke Nazareth lé tede kundekêm le de goto.

Matthieu 16:8

Nè Jésu ger mbak, è deje de ede nè: – Sei nga kundekêm le si tin lé. Ké bain á i murin tà kêm si’t edi nè è tede mapa á sei ɔyi ji si’t lé á m’tam’n se si wa?

Matthieu 17:16

M’ree se’n ra njékuwe-girige’t, nè asikum kɔri ratur nè nga rann’t lé.

Matthieu 17:18

Jésu ndáng ndil ke majelé nè nga ade unde loo tee kɔke kêm ngonn’t nè. Kum kàdenn’t nè kuwe, ratur ɔr dè ngonn’t nè nga kɔke.

Matthieu 6:30

Sei ke kundekêm le si tin lé, mu ke walé ke barè d’ade ró’n se por gé ɓai á Nube ade in mande ɓila nè nga, ké Nube asekum kade sei kubu ulei ra si’t lé wa?

Matthieu 8:26

Jésu deje de ede nè: – Ké bain á i ɓeli bè wa? Sei nga kundekêm dè Nube’t le si tin lé! E ɔse nang in ndáng nel se ba-bò. Ke loon’t nè kuwe ká loo tel pà sibik.

Marc 16:14

Loo ke njékuwe-gir-Jésuge ke dɔg-gidé-karé ndii à usei nyan ɓaa, Jésu tee pan kum de’t malang. Jésu in se de ede nè: – Sei njé kunn mbi dè tàge’t se njékêm nderge! Sei mbati kumi kêm si dè tà’t le njè ke an-in man kumgajer loo kunde loo tee’t le’m dann njé ke koo’t.

Marc 9:19

Jésu deje njékuwe-girnge ɓai ede nè: – Sei dooge ke i ndii dè nang nè ɗarinè nga, ké sei doo rige á kundekêm le si goto bè wa? Ké m’a ndi se si dè nang nè ndɔ kandang ɓita kundekêm le si à tò ɓai wa? Ké m’a kile kêm’m dè si’t nja kandang wa? I reei se ngonn nè nga ram’t laa.

Tà ke Maje ke Luc ndang 24:25

E ede de ede nè: – Sei njé kêm tɔ kuju tà lége tur se si ngain le ger gir tà ke njéribe-dè-tàge ke tà Nube’t tami kété mari nga.

Tà ke Maje ke Luc ndang 9:41

Jésu unn tà tam ede nè: – Sei ke njé kunn mbi dè tàge’t se njé ndɔje lɔk-lɔkge ke ɗarinè nga, ké m’a ndi se si dè nang nè ndɔ kandang ɓai wa? Ké m’a kile kêm dè si’t nja kandang ɓai wa? Jésu tel ede dingem nè nga ede nè: – I ree se ngonni nga ke nè.

Jean 20:27

Go’t gugu è tur kum’n dè Thomas ede’n ede nè: – An tà dòge ke jim’t. Ule ngonn jii ke kété nè ɔde’n tà dò ninge ke kêl kàdem’t. Ebe’t kunn mbii dè tà’t lei. Unde kêmi dèm’t.

Nyanra Njekawkulege 13:18

Nube ile kêm’n dè nyanra de’t ase lo kɔr-sɔ kêm dile’t.

Nyanra Njekawkulege 2:40

Pierre ede de ede nè ndukunn nè nga ɔje dè dooge ke ndɔ ke rang Nube à ɓar de ɓai nga a tɔ. Pierre unn tàge ke rang bule ndeje’n de a, ule’n dingem kêm de’t a tɔ, ede nè: – Dooge ke ɗarinè ndii dè nang nè nga, ei njé ra nyan pás-pàsge. Utei ra si mbeng ra de’t kɔke ɓaa, a aji.

2 Nje Ke Corinthe 11:1

M’ndinge kade ilei kêm si pon dèm’t. Tà ke m’a m’ede sei nga, ke nè á è tà mbe géa, ilei kêm si pon dèm’t.