Matthieu 16:21 - Nouveau Testament en Gulay 2004

²¹ Unn gir kêm ndɔn’t nè nga, Jésu-Krist ede njékuwe-girnge ede nè: – Gar-gar m’a m’aw ke kêm ɓee-bò ke Jérusalem. Ngatɔgege se maw njékuje nyan-mesege a, se njéndang magtubge a tɔ, à rai se’m nyantosowur. D’ade tɔl’m nè ndɔ ke njékon’t mute ɓaa, m’a m’unde loo tee dann njé ke koo’t.

Matthieu 16:21 Iomraidhean Croise

Matthieu 12:40

Titeke kété Jonas too’n kêm kanje bò’t ase ndɔ mute nga, man ke m’ee Ngonn doo nga géa le’m à è titeke bè tɔ. M’a m’tò ngaran nang’t ase ndɔ mute tɔ.

Matthieu 16:22

Pierre ɔr Jésu njɔl se kar’n aw se’n in se’n dè tà’t nè ede nè: – Kuwe-ɓee, maje kade Nube ngonmi ade nyan nè nga tee dèi’t lé.

Matthieu 16:28

Kerɔte kuwe, man m’ede sei ndàt, njé ke nange dann dooge ke ndii nè nga à an-in Konɓee le’m man Ngonn doo se kum de pa ɓita à weii ɓai.

Matthieu 17:12

Nè man m’ede sei titeke Elie nga tel ree ɓá ta, nè dooge geri nin lé a, rai se’n nyan titeke kêm de ndige lé a tɔ. Man ke m’ee Ngonn doo nga géa, d’ade ra se’m nyantosowur titeke bè tɔ.

Matthieu 17:9

Loo ke Jésu se njékuwe-girnge in-in dè mbal’t à risi nang ɓaa, Jésu unn ndu’n ade de ede nè: – Nyan ke sei an-in nè nga, i tami tà’n adi doo karé ke rang oo lé sár kade man ke m’ee Ngonn doo m’unde’n loo m’tee’n dann njé ke koo’t.

Matthieu 20:28

E titeke bè á man ke m’ee Ngonn doo nga, m’ree’n dè nang nè. M’ree le kade dooge ei ngann njékulege le’m lé, nè m’ree tede le k’ee ngonn njèkule le dooge a, le kinye ra’m kade yo tede le kuge’n dè de a tɔ.

Matthieu 26:2

– Sei geri titeke nain ndɔ joo ɓaa à è ndɔ ra nan Paque. Man ke m’ee Ngonn doo nga, d’a d’uwe’m kule’m ji dooge ke geri Nube lé tede kàde ɓeri man dɔ kàde kage-ke-dese’t.

Matthieu 26:47

Loo ke tà nain tà Jésu’t ɓai ɓaa, Judas njèkuwe-gir-Jésu ke karé dann njé ke dɔg-gidé-joo’t ɔr non kos njérɔge mbuu tee’n pan. Kos njérɔge nè nga ei se kuye kaskar, se ɗugur kage ji de’t kêl-kêl. E maw njékuje nyan-mesege se ngatɔgege le kosdooge ke Israel á ulei kos njérɔge nè nga.

Matthieu 27:12

Nè tàge ke maw njékuje nyan-mesege se ngatɔgege le kosdooge ke Israel ilei dè Jésu’t nga an mar-mar anje kile de dè’t.

Matthieu 27:63

– Ngar ke maje, kêm jé olé dè tà’t le njè libe kum dooge nè. Kété ke ndii’n se dè’n dɔ ɓai nga, è tam ede nè: «Ndɔ ke njékon’t mute ɓaa, m’a m’unde loo tee dann njé ke koo’t.»

Matthieu 28:6

E goto loo ke nè ta, tede è unde loo tee dann njé ke koo’t titeke è tam’n kété nga. I reei an-in loo ke kété tò tutu nga.

Marc 8:31

Unn gir kêm ndɔn’t nè nga, Jésu ede njékuwe-girnge ede nè: – Man ke m’ee Ngonn doo nga, nyankêmkonge ngain à rai man. Ngatɔgege le Israel se njékɔrgir gute-nduge se maw njékuje nyan-mesege à utei man mbeng a, à tɔli man a tɔ. Ndɔ ke njèkon’t mute ɓaa, m’a m’unde loo tee dann njé ke koo’t.

Marc 9:12

Jésu ede de ede nè: – Elie à tel ree le gɔl nyange malang kade teli tooi loon’t titeke kété pa ɓita. A ɓaa, ké bain á dé ndang tà kêm Magtubge’t d’ɔje’n dè’m man Ngonn doo d’ede nè: Gar-gar nyankêmkonge ngain à ra’m a, d’a d’an’m ke nyan lé a tɔ wa?

Tà ke Maje ke Luc ndang 17:25

Nè kété ɓita kade m’tel m’ree ɓaa, gar-gar nyantosowurge à rai man a, dooge ke ndii dè nang nè ɗarinè à utei man mbeng a tɔ.

Tà ke Maje ke Luc ndang 24:46

Gir’n ke nè á è ede de ede nè: – An-in! dé ndang kêm magtub’t d’ede nè: Man Krist ke Nube ule’m nga, gar-gar d’a d’ade nyantosowur à ra’m kuwe. Nè d’a d’ade m’a m’unde loo tee dann njé ke koo’t ndɔ ke njèkon’t mute.

Tà ke Maje ke Luc ndang 9:31

Moise se Elie undei loo teei dann ndubra’t ndai à ɔji tà se Jésu. E tà ke ɔje dè rebe ke Jésu ayé kɔr’n son kule le’n se yo kêm ɓee-bò ke Jérusalem.