Matthieu 16:20 - Nouveau Testament en Gulay 2004

²⁰ Jésu on njékuwe-girnge njanm-njanm le kade edi doo karé tite ke n’ee Krist nga lé.

Matthieu 16:20 Iomraidhean Croise

Matthieu 1:16

Jacob oje Joseph; Joseph ngaw Marie ke njèkoje Jésu ke dé ɓar’n Krist.

Matthieu 16:16

Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.

Matthieu 17:9

Loo ke Jésu se njékuwe-girnge in-in dè mbal’t à risi nang ɓaa, Jésu unn ndu’n ade de ede nè: – Nyan ke sei an-in nè nga, i tami tà’n adi doo karé ke rang oo lé sár kade man ke m’ee Ngonn doo m’unde’n loo m’tee’n dann njé ke koo’t.

Matthieu 8:4

Go’t gugu Jésu ede njèbanje nè nga ede nè: – An tá nè a kade tà nè tee tài’t ade doo ke rang oo. Nè aw ra njèkuje nyan-mese’t i tɔje’n rai ade an ɓita unn nyan-noje ade se go gute-ndu ke Moise ndang kêm magtub’t le kade dé ger’n titeke banje ɔr rai’t ndát-ndát.

Marc 8:30

Jésu ɔge de le kade dé ribe dè’n d’ade doo karé bè géa oo lé.

Marc 9:9

Jésu se njékuwe-girnge ke mute nè in-in dè mbal’t dɔ à risi ke nang ɓaa, è ndeje de ndej-ndej ede nè: – Nyan ke sei an-in nga, ɔri ser’n adi doo karé ke rang bè oo lé sár kade man ke m’ee Ngonn doo m’unde’n loo m’tee’n dann njé ke koo’t ɓita.

Tà ke Maje ke Luc ndang 2:11

Ɓila d’oje njèkaje sei kêm ɓee’t le ngar David. E nè nga à è Kuwe-ɓee a, Krist a tɔ.

Tà ke Maje ke Luc ndang 9:21

Jésu on njékuwe-girnge njanm-njanm ede nè: – I tami tà nè nga adi doo karé bè oo lé.

Tà ke Maje ke Luc ndang 9:36

Loo ke Nube tam tà nè bè ɓá ɓaa, Jésu kuwe se kar’n bere á nain. Njékuwe-girnge ndii tà de mundu. Kêm ndɔn’t nè, d’ɔr ser nyan karé bè ke d’an se kum de nè nga d’ade doo karé bè géa oo lé.

Jean 1:41

André aw inge Simon ngokon’n ke le’n kuwe kété ede’n ede nè: – Jè j’inge Messie ke dé ɓar’n Krist nga ɓá.

Jean 1:45

Philippe aw inge Nathanael ede’n ede nè: – Doo ke magtub gute-ndu le Moise se magtubge le njéribe-dè-tàge ke tà Nube’t tami tà ɔjii dè’n nga, j’inge’n ɓá ta. Doo nè nga è Jésu ke Nazareth ngonn le Joseph.

Jean 11:27

Marthe tel ile jésu dè’t ede nè: – Oiyo Kuwe-ɓee, m’um kêm dè’t titeke i i Krist Ngonn Nube ke ndɔ ke ule’n ade ree dè nang nè nga kuwe mbain.

Jean 20:31

Nè tà nyankɔbege ke dé ndang tà’n kêm Magtub’t nè nga, è tede le kade awi kum si ke kété dè kunde kêm si dè Krist’t titeke è Ngonn Nube nga kuwe. Ke nè á undei kêm si dènn’t ɓaa, a ingei ndikumgajer se non takul ri’n è.

Nyanra Njekawkulege 2:36

Pierre ede kosdoo-bulege ede nè: – Maje kade sei kosdooge ke Israel malang, i geri tà nè maje: Jésu nè ke sei ɓeri nin kàde kage-ke-dese’t nga, Nube tel ade è Kuwe-ɓee a, Krist a tɔ.

1 Jean 2:22

Doo ke naje se ra’n ede nè Jésu è Krist lé nga, ké è njè tà lanm lé ɓai wa? Doo ke titeke bè nga, è njè kɔse tà se Krist tede è naje se ra’n dè Bɔ jéi Nube’t a, dè Ngonnenn’t a tɔ.

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.