Matthieu 16:18 - Nouveau Testament en Gulay 2004

¹⁸ Nè man m’edi titeke i i Pierre, dè kuberi her ke m’an m’unde njékebe nange le’m dè’t. Tɔgmong le yo ase ra se de nyan karé lé.

Matthieu 16:18 Iomraidhean Croise

Matthieu 10:2

Njékawkulege ke dɔg-gidé-joo nga ri de á tò nè: E ke desêin è Simon ke dé ɓar’n Pierre se ngokon’n André, Jacques ngonn Zébédée se ngokonn Jean,

Matthieu 11:23

Sei dooge ke kêm ɓee-bò ke Capernaum, ké sei i giri kêm si’t edi nè Nube à kunn sei kunde sei dɔ ɗáng wa? Ḿ-m̀ è bè lé. Nè Nube à tel kaw se si sár ɓee le njé ke koo. Kerɔte kuwe, nyankɔbege ke Nube ra dann si’t nga, ke nè á ndɔ ke ra titeke bè ade njé ke Sodome an-in ɓaa, bainléa ɓee-bò ke Sodome à tò tutu sár tee ɓila ɓai.

Matthieu 18:17

Ke nè á è mbate koo tà le dooge nè nga ɓai ɓaa, aw ede tà’n njékebenange le Nube. Ke nè á njékebenange le Nube kuwe è mbate koo tà le de ɓai ɓaa, maje kade an’n tite doo ke ger Nube lé a, ke njètaa tir karè a tɔ.

Matthieu 4:18

Ndɔ karé bè, Jésu njiye se tà ba ke Galilée. E an ngakon nange joo: Simon ke dé ɓar’n Pierre se André ndai ilei bure dann ba’t tede ei mbawge ke njékɔse kanjege.

Matthieu 7:24

Nanan ke ree ram’t ur mbi’n oo’n tàge le’m ra nyan’n ɓaa, tò asenan se doo karé ke njè kêm tɔ kuju tà ke unde gir kei le’n dè kuberi herge’t bè.

Jean 1:42

E ɔr’n aw se’n ra Jésu’t. Loo ke Jésu tête kum’n pan an’n ɓaa, è tam ede nè: – I i Simon ngonn le Jean. D’a ɓari Céphas (tel se tà koje jéi è kuberi her ke mong).

Nyanra Njekawkulege 2:47

Dé pite Nube a, dé taa kum dooge ɗekm a tɔ. Njé ke ingei kaje nga, Kuwe-ɓee ade kɔr de in dè made’t se ndɔge malang dann njékebe nange’t le Nube.

Nyanra Njekawkulege 20:28

Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

Nyanra Njekawkulege 8:1

Nè Saul ndige se de dè tɔl ke dé tɔl Etienne. Kêm ndɔn’t nè kuwe, d’unn gir kɔr njékebe nange le Nube ke kêm ɓee-bò ke Jérusalem kororoi. Njétaakêm-Kristge malang yali nan karé-karé se kêm ngann ɓeege ke ɓeekonge ke Judée se Samarie a tɔ. Nè njékawkulege kuwe á nain-in kêm ɓee-bò ke Jérusalem.

1 Nje Ke Corinthe 15:55

Yo, ké ndubra lei nga è ra wa? Yo, ké nyankate lei nga è ra wa?»

Nje Ke Galatie 2:9

Jacques se Céphas se Jean ke ndɔ ke d’an de ke kage ngadann kei nga, loo ke an-in noje ke Nube uwe se’m ɓaa, ulei jikon de adi jè se Barnabas umi se jé nan’t bɔk. Gir’n ke nè á man se Barnabas jee’n njékaw kile mber Tà ke Maje kade njé ke ei Juipge lé, nè ei ɓaa ei njékaw kile mber Tà ke Maje kade Juipge tɔ.

Nje Ke Ephese 3:10

Nè ɗarinè, takul njékebe nange le Nube á njékɔr non dooge se njétɔgmong-ge ke kem̂ danran’t dɔ geri kumkunju le Nube ke se ri’n-ri’n nga.

Nje Ke Ephese 5:32

Nyan ke tò loo ɓɔyɔn’t nga, è nyan ke bò. Nè man m’tam tà nè nga m’ɔje’n dè Krist se njékebe nange le Nube.

Nje Ke Colosses 1:18

E doo dè njékebe nange le Nube. Njékebe nange le Nube ei danra’n. Krist è ngire ndikumgajer se non. E doo ke desêin ke unde loo tee dann njé ke koo’t tede le dum’n dè nyange malang se loo malang.

1 Timothee 3:15

Ke nè á m’aw m’ingei kalang lé ɓai géa, magtub nè kuwe à tɔji rebe njiye dann njékem̂keige le Nube. Njékem̂keige le Nube ke njèndi kumgajer nga ei njékebe nange le’n; ei kage ngaw-dann kei ke gete ngarankum tà.

1 Timothee 3:5

Ke nè á doo ger rebe kɔr non njékem̂keige le’n ke kinge’n maje lé ɓaa, ké à ger tɔse kum’n dè njékebe nange’t le Nube titeke bain wa?

Hebreuge 12:28

Ade jè rai oiyo Nube tede ɓeekon ke j’ingei nga è ɓeekon ke à yei ndan lé. Taɓai ade jè rai nyan ke taa kum’n a, j’ilei koje dènn’t a, jè ɓeli ndil’n a tɔ.

Lookilera’n 11:15

Taɓai doo ke danrán ke njèkon madennge’t ji sejimute kɔl burunju. Ke loon’t nè kuwe, ndu dooge ɓar danrán beng-beng edi nè: «Tɔgmong konɓee ke dè nang nè oso ji Kuwe-ɓee Nube’t le jéi se Krist le’n a tɔ. Kuwe-ɓee à on ɓee sár se non.»

Lookilera’n 21:14

Geng-bɔr le ɓee-bò nè nga, d’unde gir’n dè mbalge ke dɔg-gidé-joo. Dé ndang ri njékawkulege ke dɔg-gidé-joo le Ngonn bate dè mbalge’t nè nga karé-karé malang.