Matthieu 16:16 - Nouveau Testament en Gulay 2004

¹⁶ Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.

Matthieu 16:16 Iomraidhean Croise

Matthieu 1:16

Jacob oje Joseph; Joseph ngaw Marie ke njèkoje Jésu ke dé ɓar’n Krist.

Matthieu 14:33

Loo ke njé ke ndii kêm bato’t an-in bè ɓaa, ei ɗɔyi Jésu edi nè: – Kerɔte, i i Ngonn Nube nga kuwe.

Matthieu 16:15

Jésu tel deje kuwe ɓai ede nè: – A ɓaa sei, ké i tami edi nè man m’ee nan wa?

Matthieu 26:63

Nè Jésu an’n mar-mar anje kile de dè’t. Maw njèkuje nyan-mese tel deje Jésu ede nè: – Man m’deji se ri Nube ke njèndi kumgajer le kade ede jè ndàt: ké i nga i Krist Ngonn Nube kuwe wa?

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Matthieu 4:3

E á njèkule kêm dooge age meen-meen ke rann’t ede nè: – Ke nè á i Ngonn le Nube kerɔte ɓaa, ade kuberi herge nè nga teli mapa ade use.

Marc 14:61

Nè Jésu ndi an’n mar-mar anje kile maw njèkuje nyan-mese dè’t. Maw njèkuje nyan-mese tel deje Jésu ede nè: – Ké i nga kuwe á i Krist, Ngonn le Nube le jé ke jè ɗɔi’n nè nga wa?

Tà ke Maje ke Luc ndang 2:11

Ɓila d’oje njèkaje sei kêm ɓee’t le ngar David. E nè nga à è Kuwe-ɓee a, Krist a tɔ.

Jean 1:49

Nathanael tel tam ede nè: – Kuwe jé, i i Ngonn Nube a, i i Ngar le dooge ke kêm ɓeekon ke Israel a tɔ.

Jean 11:27

Marthe tel ile jésu dè’t ede nè: – Oiyo Kuwe-ɓee, m’um kêm dè’t titeke i i Krist Ngonn Nube ke ndɔ ke ule’n ade ree dè nang nè nga kuwe mbain.

Jean 20:31

Nè tà nyankɔbege ke dé ndang tà’n kêm Magtub’t nè nga, è tede le kade awi kum si ke kété dè kunde kêm si dè Krist’t titeke è Ngonn Nube nga kuwe. Ke nè á undei kêm si dènn’t ɓaa, a ingei ndikumgajer se non takul ri’n è.

Jean 6:57

Bɔ’m ke njèkule’m nga ndi kumgajer. Man m’ndi kumgajer takul’n è. Doo ke use danran’m ɓaa à ndi kumgajer titeke bè tɔ takul’m man.

Jean 6:68

Simon Pierre tel ilé dè’t ede nè: – Kuwe-ɓee, ké nan le jé á j’ayé kinyei kaw rann’t ɓai wa? I kuwe se kari bere á aw se tàge ke doo à ndii’n kumgajer sár se non.

Jean 6:69

Jè ɓaa, j’unde kêm jé dèi’t tede jè ger titeke i i doo ke Nube ɔri undei se ninn’n gai.

Nyanra Njekawkulege 14:15

–Made jége, ké bain á i rai nyange ke titeke bè wa? Jè géa, jè doo ndul made sige tɔ. Tà ke maje á jè ree j’ile mber’n j’ade sei kade inyei go magege ke raikarè, ɔsi wan i teli ke ra Nube ke njèndi kumgajer. Nube ke njèndi kumgajer nga kuwe á unde danran se nang, se ba-bò kate a, se nyange malang ke tooi tutu a tɔ.

Nyanra Njekawkulege 8:36

Dé joo mbak d’uwe rebe le de ɗêk-ɗêk d’a d’aw. Nè mbɔr ɓaa, dé ree dé tee tà mann karé’t pan. Ke loon’t nè kuwe, doo ke Ethiopie nga tam se Philippe ede nè: – An! mann á tò nè. Ké ri á à ɔgi kule’m manné njonm wa? [

Nyanra Njekawkulege 8:37

Philippe tel ede njèkuju nè nga ede nè: – Ke nè á i um kêmi dè tà’t nè bɔk-bɔk kerɔte ɓaa, nyan ke à ɔgi loo’n goto. Njèkuju tel ile Philippe dè’t ede nè: – Oiyo, m’um kêm’m dè Jésu-Krist’t titeke è nga è Ngonn Nube kerɔte.]

Nyanra Njekawkulege 9:20

Ke loon’t nè kuwe, è unn gir kile mber tà le Jésu kêm kei kebe nange’t titeke Jésu nga è Ngonn le Nube kerɔte kuwe.

Nje Ke Rome 1:4

Dé ger’n ke Ngonn le Nube se go Ndil-Kêmnda. Nube ade’n tɔgmong ade unde’n loo tee’n dann njé ke koo’t.

2 Nje Ke Corinthe 1:19

Tede Jésu-Krist Ngonn Nube, ke man a, Silas a, Timothée a tɔ, j’ile mber tà le’n dann si’t nga, è njè kum tà minye’t joo lé. Ke nè á tam ede nè: «ḿ-m̀» ɓaa, è «ḿ m̀». Ke nè á tam ede nè : «oiyo» ɓaa, è «oiyo». Jésu-Krist è njè tam ngarankum tà se ndɔge malang.

2 Nje Ke Corinthe 3:3

Sei ɓaa, sei magtub le Krist ke è ndang ade tò nata ndái-ndái. E jè á jè njé ree se magtub nè nga kade sei. Magtub nè nga è ade jè ndang se mann nyan ndang magtub lé, nè se Ndil le Nube ke njèndi kumgajer. Magtub nè nga jè ndang dè begre her’t lé, nè dè ɓengre dooge’t.

2 Nje Ke Corinthe 6:16

Ké gile kei ke tò se ninn’n le Nube se kei mage polége à umi nan’t titeke bain wa? Jèi jèi gile kei ke tò se ninn’n le Nube ke Njèndi kumgajer. Nube kuwe tam ede nè: «M’a m’ndi dann de’t a, m’a m’ringe dann de’t a tɔ. M’a m’ee Nube le de, dé géa d’a dé kosdooge le’m a tɔ.»

1 Nje Ke Thessalonique 1:9

Loo ke ndɔ ke j’aw ɓéee le si nga, sei uwei jè ke ra si’t. Sei turi gide si adi mage polége ɔsi wan i teli ke ra Nube’t tede le ra kule kade’n è Nube ke get ke njèndi kumgajer. Nyange nè malang ke ndɔ ke i rai nga, dooge à ɔdi nan kɔr ser’n ɓai.

1 Timothee 3:15

Ke nè á m’aw m’ingei kalang lé ɓai géa, magtub nè kuwe à tɔji rebe njiye dann njékem̂keige le Nube. Njékem̂keige le Nube ke njèndi kumgajer nga ei njékebe nange le’n; ei kage ngaw-dann kei ke gete ngarankum tà.

1 Timothee 4:10

Ke nè á j’ule ra jé ndibe loo kule’t a, jè ra rɔ maje a ɓaa, è tede kem̂ jé ke j’unde tchên dè Nube’t ke njèndi kumgajer. Nube ke njèndi kumgajer nga è njèkaje dooge malang, nè njé ke undei kem̂ de dènn’t tá è njèkaje de ke get ɓai.

Hebreuge 10:31

Koso ke doo à nal pater koso ji Nube ke njèndi kumgajer’t nga, è nyan ke tò ɓel ngain.

Hebreuge 12:22

Nè sei ɓaa, i reei ngɔr ke dè mbal ke ri’n nè Sion, ɓee-bò le Nube ke njèndi kumgajer. Ɓee-bò nè nga è Jérusalem. E loo ke dooge ke danrán ke kɔr de dum mbɔje ɔsi nja de nan’t ndai rai ranel.

Hebreuge 3:12

Ngakonmge, undei kumkunju dè ra si’t le kade doo karé bè géa dann si’t ndi se kem̂ majelé éké kunn mbi dè tà’t tede kade ɓengre’n tel tur gide’n ade Nube ke njèndi kumgajer nga lé ta.

Hebreuge 9:14

Nè Krist inye ra’n ade Nube ke nyankuje-mese ke maje ɔr njêt takul Ndil ke njèndisenon. Mese Krist nga ɔr se-tàgir le jéi ke majelé ndát-ndát dum le mese dange ɓai. Mese’n ɔr jèi unde jèi se ninn’n tede kade jè rai kule j’adi Nube ke njèndi kumgajer.

1 Jean 4:15

Ke nè á doo karé tam ndàt ede nè Jésu è Ngonn Nube ɓaa, Nube um se’n nan’t bɔk a, è géa um nan’t bɔk se Nube a tɔ.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.

1 Jean 5:5

Ké nan á è doo ke asekum tête rɔ dooge ke ei le nang nè nga wa? Doo ke unde kem̂’n dè Jésu’t titeke è Ngonn Nube kerɔte kuwe á asekum tête rɔ dooge ke ei le nang nè.

Lookilera’n 7:2

Taɓai m’an doo ke danrán karé ke rang in loo tee’t le kàde. E uwe nyankorji le Nube njèndi kumgajer jinn’t. E tam tà se ndu’n ke bòi beng ede madennge ke sɔ ke d’ade de tɔgmong le tuju’n nang se ba-bò ede nè: