Matthieu 16:14 - Nouveau Testament en Gulay 2004

¹⁴ Dé d’ile’n dè’t d’ede nè: – Njé ke nange tami edi nè: i i Jean ke njèkule dooge manné njonm, njé ke nange tami edi nè: i i Elie, njé ke nange ke rang edi nè: i i Jérémie éké njèribe-dè-tà ke tà Nube’t karé.

Matthieu 16:14 Iomraidhean Croise

Matthieu 14:2

E ede ngann njéndige le’n ede nè: – Doo nè nga, è Jean ke njé kule dooge manné njonm á tɔse ndel in dann njé ke koo’t. Gir’n ke nè á è aw’n se tɔgmong le ra’n nyankɔbege.

Matthieu 16:15

Jésu tel deje kuwe ɓai ede nè: – A ɓaa sei, ké i tami edi nè man m’ee nan wa?

Matthieu 17:10

Njékuwe-gir-Jésuge deji nin edi nè: – Ké bain á njéndang magtubge tami edi nè: Gar-gar Elie à tel ree kété ɓita Krist Ngonn doo à tel ree ɓai wa?

Matthieu 3:1

Kêm ndɔnge’t nè nga, Jean ke njèkule dooge manné njonm unde loo tee aw kêm dile’t ke ɓeekon ke Judée ile mber ede nè:

Marc 6:15

Dooge ke nange tami edi nè: – E Elie. Njé ke nange ke rang tami edi nè: – E njèribe-dè-tà ke tà Nube’t ke tite made’n karé dann njéribe-dè-tàge ke kété mari á unde loo tee dann njé ke koo’t.

Marc 8:28

Dé d’ede’n d’ede nè: – Doo ke nange tami edi nè: I Jean ke ndɔ ke è njèkule dooge manné njonm; njé ke nange edi nè: I Elie; njé ke nange ke rang edi nè: I njéribe-dè-tà ke tà Nube’t karé dann njéribe-dè-tàge’t le’n ke mari.

Tà ke Maje ke Luc ndang 9:8

Njé ke nange tami edi nè: – E Elie njèribe-dè-tà ke tà Nube’t á unde loo tee hɔi. Njé ke rang edi nè: – E doo karé ke dann njéribe-dè-tàge ke tà Nube’t ke kété mari á unde loo tee dann njé ke koo’t.

Jean 1:21

Dé tel dé deje’n d’ede nè: – A ɓaa ké i nan ta wa? Ké i Elie wa? Jean ile de dè’t ede nè: – Man m’ee è lé. Dé tel dé deje’n d’ede’n nè: – A ɓaa ké i njèribe-dè-tà ke tà Nube’t wa? Jean ile de dè’t kuwe ɓai ede nè: – Ḿ-m̀, man m’ee è lé ɓai.

Jean 7:12

Doobulege naji nan tà ngain dann de’t ɔji dè Jésu. Njé ke karége tami edi nè: – Jésu è doo ke njèra maje. Njé ke nange tami edi nè: – Ḿ-m̀, Jésu è njè libe kum doobulege.

Jean 9:17

Pharisienge teli deji doo ke kété è njèkumtɔ nga edi nè: – Njè kade kumi teen ade an’n loo nga, ké tà ri á i tam ɔje’n dè’n wa? Dingem ke kété è njèkumtɔ tel ile de dè’t ede nè: – E njèribe-dè-tà ke tà Nube’t kerɔte kuwe.