Matthieu 16:1 - Nouveau Testament en Gulay 2004

¹ Pharisienge se Saddusienge reei ra Jésu’t nain kêm’n. Ei deji nin le kade ra nyankɔbe ke gai ke in danrán ade n’an-in tá n’a n’geri titeke è Nube kuwe á ule’n.

Matthieu 16:1 Iomraidhean Croise

Matthieu 12:14

Loo ke Pharisienge undei loo teei ɓaa, awi ɔri nan tà dè nyange ke kum kade adi dé ra le kuwe’n Jésu tɔl’n kɔke.

Matthieu 15:1

Pharisienge se njéndang magtubge in-in Jérusalem reei ra Jésu’t deji nin edi nè:

Matthieu 16:6

Jésu ede de ede nè: – Kêm si dè ra si’t, undei kumkunju dè ra si’t le kade sei njékede gosge tite Pharisienge se Saddusienge bè lé.

Matthieu 19:3

Pharisienge reei ra Jésu’t le ndon tà’n se tà. Ei deji nin edi nè: – Ké dingem asekum mbate neen’n tede tà le nyan ke rara géa wa?

Matthieu 22:15

Pharisienge ɔri nan tà dè nyan ke kum ra le kile’n tà dè Jésu’t se go tà karé ke à tee tànn’t.

Matthieu 22:18

Nè Jésu ger kêmyêr le de mbak ɓá. E tam se de ede nè: – Sei njékede gosge, ké bain á uyei gum nonm’t wa?

Matthieu 22:23

Kêm ndɔn’t nè nga Saddusienge ke njé tam kede nè: dooge à undei loo teei koo ndan lé nga reei ra Jésu’t. Ei deji nin tà karé edi nè:

Matthieu 23:2

– Njékɔrgir gute-nduge se Pharisienge ndii ɔje dè kɔrgir gute-ndu Nube ke Moise ndang.

Matthieu 27:62

Barè lookar’n à è ndɔ ke njè kutu go ndɔ kuwe dè nja nyange. Maw njékuje nyan-mese se Pharisienge ɔsi nja nan awi se ra de ra Pilate’t edi nin edi nè:

Matthieu 5:20

Kerɔte kuwe,man m’ede sei ndàt, ke nè á nyanra si ke se dè naje’n dum dè le njéndang-magtubge se pharisienge lé ɓaa, sei a kilei nja si kêm Konɓee ke danrán nga ndan lé.

Matthieu 9:11

Loo ke Pharisienge an-in titeke bè ɓaa, ei deji njékuwe-gir-Jésuge edi nè: – Ké bain á njè ndó sei nyan use nyan nan’t se njétaa tirge a, se dooge ke d’an de ke njé ra majelége nga wa?

Marc 10:2

Pharisienge ke nange reei ra Jésu’t deji nin edi nè: – Ké gute-ndu inye loo ade dingem kade mbate neen’n wa? Dé deje’n titeke bè le koo’n tà ke se go rebe’n lé ke à tee tànn’t.

Marc 12:15

Nè Jésu ger kede gos le de mbak ɓaa, è deje de ede nè: – Ké bain á ulei kêm’m wa? E ede de ede nè: – I reei se nar kule ke ndɔ karé nga adi man!

Marc 12:18

Saddusienge nga tami edi nè: Doo à kunde loo tee dann njé ke koo’t ndan lé. Njé ke nange dann de’t reei ra Jésu’t deji nin tà karé edi nè:

Tà ke Maje ke Luc ndang 10:25

Njèkɔrgir gute-ndu Nube karé bè ɔse nang in dɔ, unn tà deje Jésu an-in’n kêm’n ede nè: – Njèndó dooge nyan, ké ri á m’a ra ɗarinè le kinge’n ndikumgajer ke à tò se non nga wa?

Tà ke Maje ke Luc ndang 11:16

Njé ke rang ulei kêm Jésu le kade ra nyankɔbe tɔje’n de titeke tɔgmong le’n nga in ra Nube’t danrán kuwe.

Tà ke Maje ke Luc ndang 20:23

Nè Jésu ger loo kede-gos le de mbak ɓaa, è tel deje de ede nè:

Tà ke Maje ke Luc ndang 20:27

Juipge ke nange ke dé ɓar de Saddusienge reei ingei Jésu. Saddusienge nga, ei njé tam kede nè: doo à kunde loo tee dann njé ke koo’t ndan lé. Dé d’ede’n d’ede nè:

Jean 8:6

Dé tam tàge nè nga titeke bè d’an-in’n kêm Jésu tede kile’n tà dènn’t. Nè è ule dè’n nang, tuje nyan nang se ngonn ji’n.

Nyanra Njekawkulege 4:1

Loo ke Pierre se Jean ndai à edi kosdooge tà bè-bè ɓai ɓaa, njékuje nyan-mesege se ngar le njéngonm tà kei le Nube se Saddusienge undei loo teei pan.

Nyanra Njekawkulege 5:17

E ke nè á maw njékuje nyan-mese se dooge malang ke umi go Saddusienge’t nga, kêmkein rusu kêm de njin-njin ade ɔsi nang in-in

1 Nje Ke Corinthe 1:22

Juipge à ɔdi nan deji nyankɔbege, nè njé ke ei Juipge lé à ɔdi nan sangi gos nyanger.