Matthieu 15:31 - Nouveau Testament en Gulay 2004

³¹ Ndil kosdoo-bulege tee an-in soin-soin. Njé ke tami tà lé unni gir tami tà. Njédɔgemetege teli njiyei ɗáj-ɗáj. Njémetege njiyei awi a, teli a, njékumtɔge géa an-in loo njai-njai a tɔ. Doobulege ɔsi pa ulei ndubra dè Nube’t le Israel.

Matthieu 15:31 Iomraidhean Croise

Matthieu 15:30

Kosdoo-bulege ngain reei rann’t dik-dik. Ei reei se njé njiye metege se njédɔgemetege se njékumtɔge a, se njé ke tami tà lé a tɔ. Kosdoo-bulege nè nga reei se njératurge ke rang bule undei de nang nja Jésu’t ɗêng-ɗêng. E ɔr ratur ra de’t.

Matthieu 18:8

Ke nè á jii éké njai à tugei jig’t le kade oso dann kaiya’t ɓaa, i tuge’n i gang’n ile’n heb. Kawi loo ndikumgajer se non se meti nga, è soo’t dum kade d’ilei se jii éké njai joo mbak dann por ke tò sár se non.

Matthieu 21:14

Njékumtɔge se njémetege reei ra Jésu’t kêm kei le Nube ade ɔr ratur ra de’t.

Matthieu 8:10

Loo ke Jésu oo tà tam doo nè nga bè ɓaa, è an’n ke dɔ ke nang. Taɓai è tur tà’n ede njé ke ndolèi goo’n ede nè: – Kerɔte kuwe, man m’ede sei ndàt, kêm ɓeekon ke Israel nga géa, m’inge njèkunde kêm dè Nube’t titeke bè ndɔ karé lé ɓai.

Matthieu 9:32

Loo ke a in-in le kawi ɓaa, dé ree se dingem karé ke ndil ke majelé ɔge’n tam tà ra Jésu’t.

Matthieu 9:33

Loo ke Jésu rɔ ndil ke majelé kɔke kêm dingem’t nè ɓá ɓaa, ke loon’t nè kuwe dingem nè nga unn gir tam tà yàr-yàr. Ndil doobulege tee an-in soin-soin ade tami edi nè: – Ndɔ karé doo an nyan ke titeke bè kêm ɓeekon ke Israel nga ndan lé ɓai.

Matthieu 9:8

Loo ke kosdoo-bulege an-in bè ɓaa, ɓel unde de ndàt gang dè ade ɗɔyi Nube ke njè kade dooge tɔgmong ke titeke bè nga.

Marc 2:12

Ke loon’t nè kuwe, dingem nè nga ɔse nang in dɔ, ɓir nyan too’n, unde loo tee tàkum dooge’t malang ade teli ndii giw. Dooge malang ulei ndubra dè Nube’t edi nè: – Jè j’an nyan ke titeke bè nja karé ndan lé ɓai.

Marc 7:37

Ndil de tee an-in soin-soin ade dé tam d’ede nè: – N’ra nyange ke dum kum. N’ade njé mbi mbege teli ooi tà ɗarinè a, n’ade njé ke kété asikum tami tà njai lé géa, teli tami tà njai-njai ɗarinè a tɔ.

Marc 9:43

Ke nè á jii karé è nyan ke à tugei jig’t kade oso dann kaiya’t ɓaa, uje’n i gang’n kɔke kade aw danrán loo ndikumgajer se non se meti nga, maje dum kade d’ilei se jii joo mbak loo ke tur’t, dann por’t ke wei ndan lé’t. [

Tà ke Maje ke Luc ndang 14:13

Nè loo ke ade d’ade ra mur tête tà ɓee ɓaa, maje kade i ɓar njéndooge a, njékumtɔge se njédɔgemetege se njé ke kêl ra de wei tonrin a tɔ.

Tà ke Maje ke Luc ndang 14:21

Ngonn njèndi nè nga tel ree ra kuwen’t ɔr go tàge nè malang ade’n. Loo ke kuwe’n oo tàge nè nga bè ɓaa, kêm’n aw biriri-biriri ade ede ngonn njèndi le’n nè nga ede nè: «I tel aw law-law ndá-looge’t i ree se njéndooge se njé ke kêl ra de wei tonrin a, njédɔgemetege a, njékumtɔge a tɔ.»

Tà ke Maje ke Luc ndang 18:43

Ke loon’t nè kuwe kum njèkumtɔ teen ade an’n loo ule’n ndubra dè Nube’t a tɔ. Loo malang ke Jésu aw tutu nga, njèkumtɔ nè aw se’n nan’t-nan’t. Loo ke kosdooge malang an-in bè ɓaa, ei géa, unni gir kule ndubra dè Nube’t tɔ.

Tà ke Maje ke Luc ndang 7:16

Dooge malang ke an-in nyan nè nga, ɓel unde de ndàt gang de ade ulei ndubra dè Nube’t edi nè: – Njèribe-dè-tà ke tà Nube’t karé ke bò unde loo tee dann jéi’t! E Nube kuwe á ree din-in kosdooge le’n!

Jean 9:24

Pharisienge tel ɓari doo ke kété è njèkumtɔ nga dejii tà nja karé ɓai edi nè: – I tam kerɔte non Nube’t. Dingem nè nga, jè ɓaa jè ger titeke è njè ra majelé.