Matthieu 15:28 - Nouveau Testament en Gulay 2004

²⁸ E á Jésu tel ede dinye nè ede nè: – Hai! dinye, kundekêm lei tò ɓel ngain. M’a m’ra nyan ke i deje nga le kadi. Kêm kàdenn’t nè kuwe ra ngonn le dinye nè tel tò karè ndát-ndát.

Matthieu 15:28 Iomraidhean Croise

Matthieu 14:31

Ke loon’t nè kuwe, Jésu ule ji’n uwe’n Pierre, taɓai deje’n ede nè: – Ké i doo ri á kundekêm lei ii lé bè wa? Ké bain á i naje se rai bè wa?

Matthieu 15:27

Dinye nè nga ile jésu dè’t ede nè: – Oiyo Kuwe-ɓee, è kum kuwe. Nè ngann bisege nga, nyon-nyon mapa ke toso nang gir table’t le kuwe dege á usei.

Matthieu 8:10

Loo ke Jésu oo tà tam doo nè nga bè ɓaa, è an’n ke dɔ ke nang. Taɓai è tur tà’n ede njé ke ndolèi goo’n ede nè: – Kerɔte kuwe, man m’ede sei ndàt, kêm ɓeekon ke Israel nga géa, m’inge njèkunde kêm dè Nube’t titeke bè ndɔ karé lé ɓai.

Matthieu 8:13

Go’t gugu Jésu ede njèkan dè njérɔge ke aru karé nè nga ede nè: – I tel aw ɓéee, nyan ke i unde kêmi dè’t nga, a inge nyan’n kuwe. Kêm kàdenn’t nè kuwe ratur ɔr dè ngonn njèndi’t nè nga.

Matthieu 9:22

Loo ke Jésu tur goo’n an’n ɓaa, ede’n ede nè: – Yaa, i nda kêmi káng tede kundekêm lei aji ɓá ta. Ke loon’t nè kuwe ratur le dinye nè nga ɔr dènn’t.

Marc 5:34

Nè Jésu ede dinye nè nga ede nè: – Yaa, ratur lei ɔr dèi’t ɓá tede kêmi ke unde dèm’t. Aw se kêmlom, ratur nè nga à tel rai gugu ndan lé ta.

Tà ke Maje ke Luc ndang 17:5

Njékawkulege edi Jésu edi nè: – Ade kundekêm le jé in dè made’t ke kété-kété.

Tà ke Maje ke Luc ndang 7:50

Jésu tel ede dinye nè ede nè: – Nube ɔri ji ɓer’t le kaiya ɓá tede kêmi ke unde dèm’t. Ɗarinè, aw se kêmlom.

Tà ke Maje ke Luc ndang 7:9

Loo ke Jésu oo tàge le njèkan dè njérɔge nè bè ɓaa, tà ige’n sêl. Taɓai è tel ra’n ke dè doobulege’t ke ndolèi goo’n, è ede de ede nè: – Man m’ede sei ndàt, doo nè nga unde kêm’n dèm’t kerɔte kuwe. Kêm ɓeekon ke Israel nga, m’an gar kundekêm ke titeke bè ndan lé ɓai.

2 Nje Ke Thessalonique 1:3

Ngakon jége, gar-gar jè ra Nube oiyo se ndɔge malang tede si. Ra ke jè ra’n oiyo bè nga, è loon’t kuwe tede kundekem̂ dè Nube’t le si se tár ke sei malang i tári nan nga in dè made’t ke kété-kété.