Matthieu 15:27 - Nouveau Testament en Gulay 2004

²⁷ Dinye nè nga ile jésu dè’t ede nè: – Oiyo Kuwe-ɓee, è kum kuwe. Nè ngann bisege nga, nyon-nyon mapa ke toso nang gir table’t le kuwe dege á usei.

Matthieu 15:27 Iomraidhean Croise

Matthieu 15:26

Jésu tel ile dinye nè nga dè’t ede nè: – Kunn mapa le ngann dooge kile kade ngann bisege nga majelé.

Matthieu 15:28

E á Jésu tel ede dinye nè ede nè: – Hai! dinye, kundekêm lei tò ɓel ngain. M’a m’ra nyan ke i deje nga le kadi. Kêm kàdenn’t nè kuwe ra ngonn le dinye nè tel tò karè ndát-ndát.

Matthieu 5:45

Ke nè á i rai titeke bè ɓaa, a teli k’ei ngann Bɔ si Nube ke ndi danrán kuwe. E ade kàde le’n ube dè njé ra nyan majelége se njé ra nyan majege’t a tɔ. E ade ndi ede dè njé ra nyan se dè najennge se dè njé ra nyan se dè naje’n lége a tɔ.

Matthieu 8:8

Njèkan dè njérɔge ke aru karé nè nga tel ile Jésu dè’t ede nè: – Kuwe-ɓee, i i doo ke bò. Man m’ase kade ile njai kêm kei le’m lé. Né i tam tà karé kuwe ɓaa, ratur à ɔr dè ngonn njèndi’t le’m nè nga karè.

Marc 7:28

Dinye nè nga tel ile jésu dè’t ede nè: – Ngar i tam è kum kuwe, nè ngann bisege nga tooi gir table’t le kuse nyon-nyon mur le ngann njéɓeege ke toso nang.

Tà ke Maje ke Luc ndang 16:21

E ndinge ra’n le kade d’ade’n nyon-nyon mur ke toso dè table’t le doo ke è baw nè nga tede tête’n tà ɓo ke ra’n nga rɔk. Nè doo karé bè géa koto ade’n lé. Bisege á agi meen-meen ke rann’t tonni tà dòge le’n.

Tà ke Maje ke Luc ndang 18:13

Njètaa tir nga ɔse nang in nda dɔ gugu nú, è ndige kɔr kum’n kan’n loo ke dɔ lé a tɔ. Nè è unde kàde’n se ji’n ɗi ede nè: «Hei! Nube, ade kêmi tin mbit dèm’t tede man m’ee njèkaiya.»

Nje Ke Rome 10:12

Bè ɓaa, ɗarinè tò gai le Juipge se njé ke ei Juipge lé goto ta. Nube karé bere á è Kuwe-ɓee le de malang. Dooge malang ke ɓari ri’n nga, è uwe se de noje se nyanbawge.

Nje Ke Rome 3:19

Tàge malang ke gute-ndu tam nga, jè ger titeke è tam ɔje’n dè njé ke ndii gir gute-ndu’t. Doo karé à teen tà’n le tam’n tà dè rann’t lé. Dooge malang ke dè nang nè nga, tà uwe dè de non Nube’t.

Nje Ke Rome 3:29

Ké Nube nga è Nube le Juipge kuwe se kar de wa? Ké è Nube le njé ke ei Juipge lé nga tɔ lé wa? Loo naje’n goto, Nube nga è Nube le dooge ke ei Juipge lé nga tɔ.

Nje Ke Rome 3:4

Ke nè á dooge malang ei njé lanmge géa, Nube è njè tam ngarankum tà. Magtub ke tò se ninn’n tam tà ɔje’n dè Nube ede nè: «Maje kade d’an tà tamige ke tà ke se dè naje’n a, loo ke d’ade gangtà dèi’t ɓaa, maje kade uwe de se tà a tɔ.»

Nje Ke Ephese 3:19

Sei a geri titeke tár ke Krist tár jèi nga, è nyanger ke dum dè nyangerge ke rang malang dè nang nè tede kade i geri gel Nube bere mbak a tɔ.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.