Matthieu 15:17 - Nouveau Testament en Gulay 2004

¹⁷ Nyan malang ke in nata aw kêm tà doo’t nga, tuge gang aw jebelenn’t ade aw ede’n yide. Ké sei geri bè lé wa?

Matthieu 15:17 Iomraidhean Croise

Matthieu 15:16

Jésu deje Pierre ede nè: – Sei géa, ké ɗarinè i geri gir gostà nè nga lé ɓai tɔ wa?

Matthieu 15:18

Nyan ke tee tà doo’t nga in dè ɓengrenn’t. E nè á è nyan ke tel doo ke nyan ke mine.

Marc 7:19

Kerɔte kuwe, nyan ke doo use nga aw kêm ɓengrenn’t lé, nè aw kêm jebelenn’t ade go’t gugu ɓaa, è aw ede’n yide. Jésu tam tà nè nga titeke bè tede è tel nyankuse malang ade è ke unju tede le njétaa-kêmnge.

Tà ke Maje ke Luc ndang 6:45

Doo ke ɓengre’n maje ɓaa, à ra nyan ke maje. Doo ke ɓengre’n majelé ɓaa, à ra nyanra ke majelé a tɔ. Nyan ke rusu kêm ɓengre doo njin-njin ɓita al tee tànn’t ɓai.

1 Nje Ke Corinthe 6:13

Sei i tami edi nè: «Nyankuse tò tede kêm doo a, kêm doo tò tede nyankuse a tɔ.» E kum kuwe, nè né è bè géa ndɔ karé kuwe Nube à tuju de joo mbak. Nè danra doo nga Nube ra’n ɔje dè tò se nan ke kaiya’t lé. Danra doo nga tò tede Kuwe-ɓee a, Kuwe-ɓee géa ndi tede le danra doo a tɔ.

Jacques 3:6

Ndon doo nga géa tò asenan se por bè tɔ. Ndon doo nga è kei ndi le nyanrage ke pás-pàs. Ndon jéi nga ube dann balkum ra jéige’t, nè ra ade danra jéi bere mbak tel mine tanm-tanm. Ndon doo nga è njè tee se tàge ke majelé tuju’n dookundege le Nube titeke kɔr por oso’n loo’t ró’n bè. Tàge ke majelé ke ndon doo tuju’n dooge nga in loo ke tur ke dooge à non-in se mann non kum de’t tutu.