Matthieu 15:13 - Nouveau Testament en Gulay 2004

¹³ Jésu ile de dè’t ede nè: – Kage ke rara ke Bɔ’m ke danrán man’n lé ɓaa, d’ade d’ɔr’n se ngire’n bere ɓarak kile’n kɔke.

Matthieu 15:13 Iomraidhean Croise

Matthieu 15:12

Njékuwe-gir-Jésuge reei rann’t edi nin edi nè: – Tà ke i tam á Pharisienge ooi nga tuge de jig’t, nè ké i ger bè lé wa?

Jean 15:1

– Man nga m’ee kage nduu ke get. Bɔ’m è kuwe-ndɔr nduu.

Jean 15:2

Balkum nduu ke rara ke ube kàdem’t á ann’n lé ɓaa, d’a tuge’n gang’n kɔke. Nè balkum nduu ke rara ke ann ɓaa, Bɔ’m ra’n náng-náng kade ann ɗàk-ɗàk dum ke kété.

Jean 15:6

Ke nè á doo nanm kàde’m lé ɓaa, d’a d’ile’n nata kɔke tite balkum nduuge bè kade tutu. Balkum kage nduuge ke tutu nga, d’a d’ɔi de korè dè nan’t le ró de rák-rák.

1 Nje Ke Corinthe 3:9

Jè jè njémade kulege le Nube, nè sei sei ndɔr le Nube a, kei le Nube a tɔ.

Jude 1:12

Dé nè nga dé d’asenan se her ke à tuge sei kile sei tà nyankuse’t tár nan’t le si nga. D’on mur se si se go dege non dege anje ɓel d’ul’n ra de dé kuwe. Dé tò d’asenan se ndi ke in ngiring-ngiring ke nel ɔr’n aw se’n ade ede lé bè. Dé d’asenan se kagege ke anni lé a, dé tite kagege ke nel dann-ɔr-made tɔr de se ngire’n bere mbak ade weii njanm-njanm.