Matthieu 15:11 - Nouveau Testament en Gulay 2004

¹¹ Nyan ke in nata aw kêm doo’t á tel’n ke doo ke mine lé, nè nyan ke in kêm doo’t tee tànn’t á ke nyan ke ade doo tel mine’n.

Matthieu 15:11 Iomraidhean Croise

Matthieu 15:10

Go’t gugu Jésu ɓar doobulege ade reei rann’t. E ede de ede nè: – Uri mbi si ooi tà nè maje le kade i geri gir’n.

Matthieu 15:12

Njékuwe-gir-Jésuge reei rann’t edi nin edi nè: – Tà ke i tam á Pharisienge ooi nga tuge de jig’t, nè ké i ger bè lé wa?

Marc 7:15

Nyan ke doo use nga, è karé bè ke à tel’n ke doo ke mine goto. Nè nyan ke in ɓengre doo’t á à tel’n ke doo ke mine. [

Nje Ke Rome 14:14

Kuwe-ɓee Jésu ndó’m ade m’ger kêm’t maje titeke nyan karé bè géa mine se dè ra’n lé. Ke nè á doo karé gir kêmn’t titeke nyan karé mine ɓaa, mine tede le’n è kuwe.

Nje Ke Rome 14:17

Kerɔte kuwe, konɓee le Nube nga tò tede nyankuse éké nyankain lé. Konɓee le Nube nga tò ɔje dè nyanra ke se dè naje’n a, se kêmlom a, se ranel ke Ndil-Kêmnda ade jèi.

Nje Ke Rome 14:20

I dookunde le Nube nga, an! tá nè à tuju ɔje dè nyankuse ke kêmi’t karè. Kerɔte kuwe, nyankusege malang maje kum kuse, nè ke nè á nyankuse ke kêmi’t à ade ngokoin à ra majelé ɓaa, maje lé.

1 Timothee 4:3

Dé nè nga d’ɔge dooge taa nan a, d’ede de le kade ɔgi ra de dè nyankusege ke nange a tɔ. Nè nyankusege nè nga è Nube á unde le kade njétaakem̂-Kristge ke geri ngarankum tà usei rai nin oiyo.

Tite 1:15

Njé ke unji nyang-nyang nga, nyan malang è ke unju nyang-nyang tede le de. Nè njé ke minei se njé ke unni mbi de dè tà’t nga, nyan karé bè ke unju nyang-nyang tede le de goto. Gos nyanger se tàgir ke kem̂ de’t è ke mine tanm-tanm.

Hebreuge 13:9

Inyei loo adi njéndó dooge nyan ke se ri de-ri de ke rang libi kum si lé. Nyan ke soo’t ɓaa, è noje ke Nube uwe se jéi á ule dingem kem̂ jéi’t m è ndukunnge ke ɔje dè nyankusege lé. Nè dooge ke ilei koje dè ndukunnge ke ɔje dè nyankuse nè nga, nyan karé ke è soo de’t tutu goto sár.

2 Pierre 2:18

Njé tête tà kunde tà Nube’t nè nga leŝi dooge ke nange ilei de dann ngur nyange ke pás-pàs se tàge ke raikarè ke oji nan tà de’t pɔt-pɔt. Njé ke dé leŝe de d’ile de dann ngur nyange ke pás-pàs nè nga, ei dooge ke ɔri ra de dann njé ndemge’t ngɔr nè ɓai.