Matthieu 14:6 - Nouveau Testament en Gulay 2004

⁶ Ndɔ karé bè, Hérode ra nan koje’n. E ɓar dooge bule ngain. Ngonn le Hérodiade ke mande ɔse nang in ndam tàkum dooge’t nè nga ade taa kum Hérode.

Matthieu 14:6 Iomraidhean Croise

Matthieu 14:3

Kété Hérode ade d’uwe Jean, dé tɔ’n d’ile’n dangai’t tede tà le Hérodiade neen ngokon’n Philippe.

Matthieu 14:7

Gir’n ke nè á è unn’n ndu’n se mann-ra ade ngomande nè ede nè: – Nyan malang ke ayé deje’m nga, né riri géa m’a m’adi kuwe.

Matthieu 22:24

– Njèndó dooge nyan, ndɔ ke Moise tam ede nè: «Ke nè á dingem se dinye taai nan, nè oji ngonn ke dingem lé ɓai á dingem wei ɓaa, maje kade ngokon’n ke ndêin taa dinye nè unde’n gute ngokon’n ke wei.»

Marc 6:14

Ngar Hérode Antipas oo titeke kɔbe Jésu oso se loo mbit-mbit ade dooge ke nange tami edi nè: – E Jean ke ndɔ ke è njèkule dooge manné njonm nè á unde loo tee dann njé ke koo’t. Gir’n ke nè á aw’n se tɔgmong le ra’n nyankɔbege gai-gai.

Marc 6:17

Hérode Antipas kuwe ndɔ ke unn ndu’n ade d’uwe Jean dé tɔ’n d’ile’n dangai’t . E ra bè tede le taa’n kum neen’n Hérodiade. Hérodiade nga kété taa Hérode Philippe ngokon Hérode Antipas.

Marc 6:19

Wong ra Hérodiade ngain dè Jean’t ade ndige tɔl’n. Nè è se dè ra’n asekum sule Hérode kade tɔl Jean lé.

Marc 8:15

Jésu ndeje njékuwe-girnge ndej-ndej ede nè: – Undei kumkunju dè ra si’t le gang kɔte pululu’t le Pharisienge éké le Hérode Antipas nga lé.

Tà ke Maje ke Luc ndang 13:31

Kêm ndɔn’t nè nga Pharisienge ke nange reei edi Jésu edi nè: – Unde loo kêm ɓeekon ke Galilée i tee kɔke aw rang tede ngar Hérode Antipas ndige le kade dé tɔli.

Tà ke Maje ke Luc ndang 23:11

Hérode se kos njérɔge le’n t’ulei mbe dè Jésu’t a, ilei rasɔl dènn’t a tɔ. Taɓai Hérode ade d’ule kubu ke ndolé kein-kein rann’t ɓaa tel ule se’n gugu ade’n Pilate.

Tà ke Maje ke Luc ndang 23:7

Loo ke d’ede Pilate d’ade ger maje titeke Jésu è doo ke kêm ɓeekon le ngar Hérode Antipas ɓaa, è unn ndu’n ade d’aw se’n rann’t. Kêm ndɔn’t nè ngar Hérode kuwe géa ree ndi kêm ɓee-bò ke Jérusalem.

Tà ke Maje ke Luc ndang 3:1

Ngar ke bò, Tibère César on ɓee ɓal dɔg-gidé-mi. Ngar Ponce Pilate on ɓee dè nang’t le Juda. Ngar Hérode Antipas on ɓee dè nang ke Galilée. Kêm ɓalnge’t nè nga, ngar Philippe ngokon Hérode Antipas ke tɔg on ɓee dè nang ke Iturée se Trakonite. Ngar Lysanias è njèkonɓee ke dè nang ke Abilène a tɔ.

Tà ke Maje ke Luc ndang 3:19

Nè né è bè géa, Jean in se ngar Hérode dè tà ke ɔje dè Hérodiade, dinye le ngokon’n Philippe nja bule. E in se’n dè nyange ke majelé ke rang malang ke è ra nga a tɔ.

Tà ke Maje ke Luc ndang 8:3

se Jeanne, dinye le Suza njèkan dè nyange le ngar Hérode, se Suzanne a, se njé ke rang bule a tɔ. Dinyege nè malang unni nyankingege le de rai se Jésu se njékuwe-girnge.

Nyanra Njekawkulege 12:1

Kêm ɓaln’t nè nga, ngar Hérode unn gir ra balkum njékebe nange le Nube ke nange ke Jérusalem majelé.

Nyanra Njekawkulege 4:27

Kerɔte kuwe, Hérode Antipas se Ponce Pilate umi nan’t bɔk se dooge ke ei Juipge lé se kosdooge ke Israel ke ndii kêm ɓee-bò’t nè nga, le kin-in se ngonn njèndi lei Jésu ke i kuwe i ndum wubu dènn’t unde’n se ninn’n.