Matthieu 14:36 - Nouveau Testament en Gulay 2004

³⁶ Dé ra ndoo ra Jésu’t le kade inye loo ade d’ɔde tà kubu ke rann’t lêm. Dooge malang ke ɔdi tà kubu ke rann’t lêm nga, ra de tel tò karé ndát-ndát.

Matthieu 14:36 Iomraidhean Croise

Matthieu 14:35

Dooge ke kêm ɓeekon’t nè nga geri Jésu maje. Ei ulei kule se kêm ɓeege malang ke an-in dè de adi dooge otoi njératurge reei se de.

Matthieu 23:5

Nyan ra de malang è tede kunde’n ra de kum dooge’t karè. Gir’n ke nè á ei tɔri gute-nduge ke nange ei têti lanyange ke laa pe-pe tɔi kil ji de’t se nat-non de’t. Taɓai ei rai ji kubuge le de ade laai ber-ber a tɔ.

Marc 3:10

Jésu ɔr ratur ra dooge’t bule kêm ndɔn’t nè nga. Gir’n ke nè á njé raturge malang nanri nan loo tede kɔde ra’n lêm.

Marc 6:56

Se looge malang ke Jésu aw tutu, kêm ngann ɓeege se ɓee-bòge éké loo ndɔrge géa, dooge otoi njératurge umi de nang rip-rip ndá-loo’t. Dé ndête Jésu le kade inye njératurge ade ɔdi tà kubu ke rann’t lêm. Gir’n ke nè á, njératurge malang ke ɔdi tà kubu ke rann’t ɓaa, ratur le de in dè de’t kengeng.

Marc 8:22

Jésu se njékuwe-girnge reei kêm ɓee ke ri’n nè Bethsaida. Dooge ɔri non dingem karé ke njèkumtɔ reei se’n ra Jésu’t. Dé ndête Jésu le kade ule ji’n ɔde’n ra dingem nè nga lêm.

Tà ke Maje ke Luc ndang 6:19

Nanan géa dann de’t sang le kɔde ra’n lêm tede tɔgmong kaje njératurge tee rann’t aje de malang.

Jean 6:37

Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Jean 7:23

Sei ujei tà mɔte doo se ndɔ taa kebe tede kile’n koje dè gute-ndu Moise’t. A ɓaa, ké bain á i rai wong se’m tede kaje ke ndɔ ke m’aje danra doo bere mbak se ndɔ taa kebe nga wa?

Nyanra Njekawkulege 3:16

Njèdɔgemete ke nda nè nga, sei an-in nin a, sei geri nin a tɔ. Takul ri Jésu ke unde kêm’n de’t á nja’n mong’n ɗaj-ɗaj ade an-in malang.