Matthieu 14:33 - Nouveau Testament en Gulay 2004

³³ Loo ke njé ke ndii kêm bato’t an-in bè ɓaa, ei ɗɔyi Jésu edi nè: – Kerɔte, i i Ngonn Nube nga kuwe.

Matthieu 14:33 Iomraidhean Croise

Matthieu 14:32

Loo ke Jésu se Pierre ali kêm bato’t ɓá ɓaa, nel gang ɗás.

Matthieu 15:25

Nè dinye nè nga ree ɔse keje’n non Jésu’t ede’n ede nè: – Kuwe-ɓee, kɔkrɔ karè i ra se’m kuwe.

Matthieu 16:16

Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Matthieu 2:11

Loo ke d’aw kêm kei d’an ngonn ke kide nè se kon’n Marie ɓaa, d’ɔse keje de nang non ngonn ke kide’t nè nga dé ɗɔi’n a tɔ. Go’t gugu, dé tee se nar-ɔr se nyan ke ete sununn titeke katchatcha a, se nyan karé ke ri’n nè myrrhe kêm sanduge le de d’uwe’n se’n noje.

Matthieu 26:63

Nè Jésu an’n mar-mar anje kile de dè’t. Maw njèkuje nyan-mese tel deje Jésu ede nè: – Man m’deji se ri Nube ke njèndi kumgajer le kade ede jè ndàt: ké i nga i Krist Ngonn Nube kuwe wa?

Matthieu 27:43

N’unde kêmé dè Nube’t tchên. Ke nè á tur’n tedé kerɔte ɓaa, maje kade taayé tà yo’t ɗarinè ade j’an, tede ndɔ ke n’tam n’ede nè: «Man m’ee Ngonn Nube.»

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Matthieu 28:17

Loo ke d’an’n ɓá ɓaa, d’ule dè de nang dé ɗɔi’n, nè kêm njé ke nange nda geng dènn’t ɓai.

Matthieu 28:9

Jésu unde loo tee pan ke ra de’t ede de ede nè: – M’ra sei lapya. Dinyege nè agi ngɔr reei rann’t uwei nja’n, ɗɔyi nin.

Matthieu 4:3

E á njèkule kêm dooge age meen-meen ke rann’t ede nè: – Ke nè á i Ngonn le Nube kerɔte ɓaa, ade kuberi herge nè nga teli mapa ade use.

Marc 1:1

Tà ke Maje le Jésu-Krist, Ngonn le Nube nga unn gir’n titeke bè.

Marc 14:61

Nè Jésu ndi an’n mar-mar anje kile maw njèkuje nyan-mese dè’t. Maw njèkuje nyan-mese tel deje Jésu ede nè: – Ké i nga kuwe á i Krist, Ngonn le Nube le jé ke jè ɗɔi’n nè nga wa?

Marc 15:39

Njèkan dè njérɔge ke aru karé ke nda tàkum Jésu’t an’n loo ke tà’n tête’n nyonk nga, è tam ede nè: – Loo naje’n goto, doo nè nga è Ngonn Nube ke dagi kerɔte kuwe.

Tà ke Maje ke Luc ndang 24:52

Loo ke dé ɗɔi’n ɓá ɓaa, dé tel se ranel ke bò ke ɓéee Jérusalem gugu.

Tà ke Maje ke Luc ndang 4:41

Ndilge ke majelé géa undei loo teei kêm dooge’t bule se non tà de’t beng-beng edi nè: – I i Ngonn le Nube. Jésu on de njanm-njanm ɔge de tam tà, tede dé ger’n mbak titeke è Krist.

Tà ke Maje ke Luc ndang 8:28

Loo ke è tête kum’n an Jésu ɓaa, è oso nang njann’t, taɓai unn gir tam tà se ndu’n ke bòi beng ede nè: – Jésu, Ngonn le Nube ke njèdum dè nyange malang, ké ri lei á i sang ram’t wa? Kɔkrɔ karè, i ra kum ndoo lé.

Jean 1:49

Nathanael tel tam ede nè: – Kuwe jé, i i Ngonn Nube a, i i Ngar le dooge ke kêm ɓeekon ke Israel a tɔ.

Jean 11:27

Marthe tel ile jésu dè’t ede nè: – Oiyo Kuwe-ɓee, m’um kêm dè’t titeke i i Krist Ngonn Nube ke ndɔ ke ule’n ade ree dè nang nè nga kuwe mbain.

Jean 17:1

Loo ke Jésu ede njékuwe-girnge tàge nè gir gang ɓá ɓaa, è unn kum’n ke danrán ede nè: – Bɔ’m, kàde’n ree ɓá ta. Ile riɓar dè ngonni’t, tede kade ngonni géa ile riɓar dèi’t tɔ.

Jean 19:7

Juipge teli ilei Pilate dè’t edi nè: – J’aw se gute-ndu karé. Se go gute-ndu le jé nè nga ɓaa, d’a tɔlé gar-gar. Tede n’ee nga n’ra rayé ke Ngonn Nube kuwe njing.

Jean 6:69

Jè ɓaa, j’unde kêm jé dèi’t tede jè ger titeke i i doo ke Nube ɔri undei se ninn’n gai.

Nyanra Njekawkulege 8:36

Dé joo mbak d’uwe rebe le de ɗêk-ɗêk d’a d’aw. Nè mbɔr ɓaa, dé ree dé tee tà mann karé’t pan. Ke loon’t nè kuwe, doo ke Ethiopie nga tam se Philippe ede nè: – An! mann á tò nè. Ké ri á à ɔgi kule’m manné njonm wa? [

Nje Ke Rome 1:4

Dé ger’n ke Ngonn le Nube se go Ndil-Kêmnda. Nube ade’n tɔgmong ade unde’n loo tee’n dann njé ke koo’t.