Matthieu 14:27 - Nouveau Testament en Gulay 2004

²⁷ Ke loon’t né kuwe, Jésu ede de ede ne: – I ndai kêm si káng, i ɓeli lé è man kuwe.

Matthieu 14:27 Iomraidhean Croise

Matthieu 14:28

Pierre tel ede Jésu ede nè: – Kuwe-ɓee, ke nè á è i kerɔte ɓaa, unn ndui ade m’in m’njiye dè mann’t m’aw rai’t.

Matthieu 17:7

Jésu ree ngɔr ke ra de’t ule de yêk-yêk ede nè: – I ɓeli lé, in-in dɔ.

Matthieu 28:10

Jésu ede de ede nè: – I ɓeli lé ta. Awi edi ngakonmge ade awi gar-gar kêm ɓeekon ke Galilée. E á è loo ke à an-in man tutu nú.

Matthieu 28:5

Doo ke danrán ke Kuwe-ɓee ule’n nga ede dinyege ede nè: – Sei ɓaa, i ɓeli lé. Ma m’ger titeke sei sangi Jésu ke dé ɓer’n kàde kage-ke-dese’t nga.

Matthieu 9:2

An! d’unn dingem karé ke ra’n wei tonrin se tuwe dé ree se’n d’ile’n nang non Jésu’t. Loo ke è an kundekêm le dooge nè bè ɓaa, è ede dingem ke ra’n wei tonrin nga, ede nè: – Basa, i nda kêmi káng, tede Nube ade kêm’n tin mbit dè kaiyage’t lei ɓá ta.

Marc 6:50

Tede loo ke d’an’n ɓaa, ndil de tee an-in soin-soin. Ke loon’t nè kuwe, Jésu tam se de ede nè: – Ebi’t ɓel, è man Jésu kuwe.

Tà ke Maje ke Luc ndang 1:13

Nè doo ke danrán ke Kuwe-ɓee ule’n nga ede Zacharie ede nè: – Ebe rai ɓel, Zacharie, ndinge ndoo lei oso mbi Nube’t. Dinye lei Elisabeth à oje ngonn ke dingem. I a kile ri’n nè Jean.

Tà ke Maje ke Luc ndang 1:30

Doo ke danrán ke Kuwe-ɓee ule’n nga ede Marie ede nè: – Marie, ebe rai ɓel tede Nube tári ngain.

Tà ke Maje ke Luc ndang 12:32

– Sei ke i tooi asinan se nyankulge le’m ke tchɔp bè nga, ebi’t ɓel; tede Bɔ jéi ade sei Konɓee le’n.

Tà ke Maje ke Luc ndang 2:10

Nè doo ke danrán nè nga, ede de ede nè: – Ebi ra si ɓel, tede m’ree le kede sei Tà ke Maje. Tà ke maje nè nga è gir kalra le kosdooge malang ke Israel.

Tà ke Maje ke Luc ndang 5:10

Jacques se Jean ngann le Zébédée ke njémade-kulege le Simon nga géa, ɓel unde de ndàt gang de tɔ. Gir’n ke nè á, Jésu ede Simon ede nè: – Ebe’t ɓel, unn gir’n ɗarinè, à i njèndon kanjege lé ta, nè a i njèndon dooge.

Jean 16:33

Man m’ede sei tàge nè nga titeke bè tede kade ingei kêmlom umi se’m nan’t bɔk. A ingei nyantosowur dè nang nè kuwe, nè oréi tà si njak tede man nga m’tête rɔ njé ke dè nang nè ɓá ta.

Jean 6:20

Nè Jésu ede de ede nè: – Ebi’t ɓel, è man kuwe.

Nyanra Njekawkulege 23:11

Ndɔ ke njèkutu go made Kuwe-ɓee tee dè Paul’t pan dann ndɔɔ, ede’n ede nè: – Paul oré tài njak! Kété ndɔ ke ede dooge ke kêm ɓee-bò Jérusalem nè tà le’m. Gar-gar, ede dooge ke kêm ɓee-bò ke Rome tà le’m titeke ndɔ ke ede’n dooge ke kêm ɓee-bò Jérusalem nga tɔ.