Matthieu 14:23 - Nouveau Testament en Gulay 2004

²³ Loo ke è inye kosdoo-bulege ade awi ɓá ɓaa, è al aw dè mbal’t nú le kɔje tà se Nube. Nain ngɔr ɓaa kàde à ur, nè Jésu nain se kar’n bere dè mbal’t nè.

Matthieu 14:23 Iomraidhean Croise

Matthieu 26:36

Jésu ree tee se njékuwe-girnge kêl loo ke dé man kagege tutu. Loo nè nga ri’n nè Gethsémané. E ede de ede nè: – I ndii nang loo ke nè’t sár adi m’aw nú m’ɔje tà se Nube ɓita.

Matthieu 6:6

Nè i , loo ke a ɔje tà se Nube ɓaa, aw kêm kei lei utu tàbit kei lei dèi’t ɓita ɔje tà se Bɔi ke ndi loo ngeinn’t. Titeke bè á Bɔi ke njè kan nyan ke tò loo ngeinn’t nga, à tel kuge dè jii ɓai.

Marc 1:35

Tà gir loo’t, loo ke loo ar lé ɓai, Jésu in gir ɓi’t unde loo tee kêm kei aw ngang loo’t nata. E unn gir kɔje tà se Nube.

Marc 6:46

Loo ke è inye de ade d’aw ɓá ɓaa, è ɔte aw kum’n ke dè mbal’t tede kɔje tà se Nube.

Tà ke Maje ke Luc ndang 3:21

Loo ke Jean ule kosdooge malang manné njonm ɓá ɓaa, Jésu géa ree ade ule’n manné njonm tɔ. Loo ke Jésu nda ɔje tà se Nube bè-bè ɓai ɓaa, kum danran teen ngalal.

Tà ke Maje ke Luc ndang 5:16

Nè Jésu ɔr ra’n dann de’t aw ngang loo’t ɔje tà se Nube titeke è ra’n dɔ-dɔ.

Tà ke Maje ke Luc ndang 6:12

Kêm ndɔn’t nè nga, Jésu aw dè mbal’t le kɔje tà se Nube. E ɔje se’n tà dann ndɔ sár ade loo ar yerer.

Tà ke Maje ke Luc ndang 9:18

Ndɔ karé bè, Jésu aw ngang loo’t nata ndi ɔje tà se Nube se kar’n. Nè njékuwe-girnge ndii kɔtenn’t. E unn tà karé deje de ede nè: – Man nga, ké dooge tami edi nè man nan wa?

Tà ke Maje ke Luc ndang 9:28

Jésu ede dooge tà kwei le’n se tà kunde loo tee le’n dann njé ke koo’t. Loo ke ra ndɔ sɔsɔ ɓaa, è ɔr Pierre se Jean se Jacques aw se de dè mbal’t tede kɔje tà se Nube.

Nyanra Njekawkulege 6:4

Nè jè ɓaa, j’à j’aw kum jé ke kété de kɔje tà se Nube’t a, se dè kile mber tà’t le Nube a tɔ.