Matthieu 14:19 - Nouveau Testament en Gulay 2004

¹⁹ Taɓai è unn ndu’n ade kosdoo-bulege ade têti ra de ndii nang dè walè’t. E oto mapage ke mi se tutu kanjege ke joo nè nga, an loo ke danrán ra Nube oiyo. Go’t gugu è tête mapa nè nga danné ade njékuwe-girnge, taɓai in-in ke kété noboi kosdoo-bulege tɔ.

Matthieu 14:19 Iomraidhean Croise

Matthieu 14:18

Jésu tel ede njékuwe-girnge ede nè: – I reeii laa adi man.

Marc 6:39

Jésu unn ndu’n ade njékuwe-girnge ede nè: – Adi dooge malang ndii nang. Adi mate de ke karé ndii dè walè ke tebe’t nè a, adi mate de karé ke rang ndii dè walè ke tebe’t nú a tɔ.

Marc 6:41

Jésu unn mapa ke mi se tutu kanjege ke joo nè nga jinn’t. E an loo ke danrán, ra Nube oiyo ɓita tête danné ade njékuwe-girnge le kade kayai awi undei non mate dooge malang. Go’t gugu, Jésu kai kanje ke joo nè nga kosdooge malang.

Marc 7:34

Go’t gugu Jésu an loo ke dɔ danrán, ile kêm’n puun ɓaa, è ede njè mbi mbe nè ede nè: – Ephrata! tel se tà koje jéi ɓaa, è «Ka mbi dingem i gang reng.»

Tà ke Maje ke Luc ndang 22:17

Loo ke Jésu taa nyankain mann-nduu nè nga ɓá ɓaa, è ra Nube oiyo kété ɓita è tam ede nè: – I taai umi pêrm-pêrm adi nan gute.

Tà ke Maje ke Luc ndang 22:19

Loo ke è unn mapa nè ɓá ɓaa, è ra Nube oiyo kété ɓita uwe tête danné ade de ede nè: – Mapa nè nga è danra’m ke m’a m’inye kade tede le si. I têti nan usei adi kêm si olé’n dèm’t.

Tà ke Maje ke Luc ndang 24:30

Loo ke è ndi se de tà nyankuse’t ɓaa, è unn mapa karé ra Nube oiyo pa ɓita uwe tête danné ade de ɓai.

Tà ke Maje ke Luc ndang 9:14

Kɔr dingemge malang nga è aru dɔg loo mige bè. Jésu ede njékuwe-girnge ede nè: – Uwei de dè nan’t ase kɔr-mi, kɔr-mi.

Tà ke Maje ke Luc ndang 9:16

Jésu koto wal-mur ke mi se tutu kanjege ke joo nè, an loo ke danrán, ra Nube oiyo ɓita è kai ade njékuwe-girnge kade noboi doobulege nè nga ɓai.

Jean 11:41

Dé ndubri kuberi her ke bòi nga d’ile rang. Jésu an loo ke dɔ danrán tam ede nè: – Bɔ’m, m’rai oiyo tede i oo ndu kɔ le’m.

Jean 6:23

Nè né è bè géa, ngann batoge ke rang in-in kêm ɓee-bò ke Tibériade reei. Dé ree ngɔr kɔte loo ke tagela Jésu ra’n Nube oiyo pa ɓita ade dooge mapa usei ɓai nga.

Nyanra Njekawkulege 27:35

Loo ke Paul tam tàge nè nga titeke bè ɓá ɓaa, è unn mapa uwe jinn’t. E ra Nube oiyo tàkum de’t malang ɓita è tête danné unn gir kuse.

Nje Ke Rome 14:6

Doo ke ɔr ndɔ karé ke ndɔ ke bò dum madege nga, è ra tede ɗɔi’n Kuwe-ɓee. Doo ke use nyan malang nga géa ra tede le ɗɔi’n Kuwe-ɓee a tɔ, tede è kuwe géa ra Nube oiyo dè nyankusenn’t tɔ.

1 Nje Ke Corinthe 10:16

Jè ra Nube oiyo tede nyankain ke jè deje ndutɔr le Kuwe-ɓee dè’t nga. Ké è nè nga è nyan ke um jéi nan’t bɔk se mese Krist nga lé ɓai wa? Mapa ke jè tête nga, ké è nyan ke um jéi nan’t bɔk se danra Krist nga lé ɓai wa?

1 Nje Ke Corinthe 10:31

Ke nè á usei nyan éké an-in nyan, éké i rai nyange ke rang gai-gai géa, i rai nyan malang kade Nube inge’n riɓar.

1 Nje Ke Corinthe 11:24

E ra Nube oiyo pa ɓita uwe tête danné ede nè: «E ke nè è danra’m ke m’a m’inye kade dé tɔl tede tà le si. Usei adi kêm si olé’n dèm’t.»

Nje Ke Colosses 3:17

Nyan ke rara ke a i rai, né è tà tam si éké nyanra si géa, i rai se ri Kuwe-ɓee Jésu. I rai Bɔ jéi Nube oiyo se takul’n è Krist.