Matthieu 13:57 - Nouveau Testament en Gulay 2004

⁵⁷ Jésu tel è jig ke tuge de ile de dann kaiya’t. E ede de nè: – Njèribe-dè-tà ke tà Nube’t nga, njé ke ɓeekon’t le’n se njénojege le’n kuwe karé bere á d’ann’n ke nyan lé.

Matthieu 13:57 Iomraidhean Croise

Matthieu 11:6

Doo ke nyange ke m’ra tuge’n jig’t ile’n lé ɓaa, ra’n à nel’n kuwe.

Matthieu 13:58

E ra nyankɔbege ngain kêm ɓee ke Nazareth lé tede kundekêm le de goto.

Marc 6:1

Jésu in loon’t nè tel aw kêm ɓee ke Nazareth ke ndɔ ke tɔge tutu. Njékuwe-girnge danni nin awi se’n.

Marc 6:14

Ngar Hérode Antipas oo titeke kɔbe Jésu oso se loo mbit-mbit ade dooge ke nange tami edi nè: – E Jean ke ndɔ ke è njèkule dooge manné njonm nè á unde loo tee dann njé ke koo’t. Gir’n ke nè á aw’n se tɔgmong le ra’n nyankɔbege gai-gai.

Marc 6:3

Ké n’ee nga n’ee njè tɔl kagege ke n’ee ngonn le Marie nga lé wa? Ké Jacques se Joses se Jude se Simon nga ei ngakonyége lé wa? Ké kon nannége ei dann jéi’t laa lé wa? Kêm dooge ke Nazareth on de ngain dè Jésu’t ade undei kêm de dènn’t lé.

Marc 6:4

Nè Jésu ede de ede nè: – Njèribe-dè-tà ke tà Nube’t nga d’ile riɓar dènn’t se looge ke rang malang. Nè njé ke ɓee kojenn’t se njé ke girkà’t le’n, se njénojege le’n kuwe karé á ilei riɓar dènn’t lé.

Tà ke Maje ke Luc ndang 4:24

Go’t gugu, Jésu ede de ede nè: – Kerɔte kuwe, man m’ede sei ndàt, njèribe-dè-tà ke tà Nube’t karé bè ke d’oo tà tànn’t ɓee kojenn’t nga goto.

Tà ke Maje ke Luc ndang 7:23

Nanan ke nyange ke m’ra tuge’n jig’t ile’n lé ɓaa, ra’n à nel’n.

Jean 4:44

E Jésu kuwe ndɔ ke tam se tà’n ede nè: «Njèribe-dè-tà ke tà Nube’t nga, d’a d’ile koje dènn’t kêm ɓee kojenn’t lé.»

Jean 6:42

Dé tel d’ede nan d’ede nè: – Ké è nè nga è Jésu ngonn le Joseph ke jè geri bɔ’n se kon’n mbak nè nga lé wa? Dé tam bè tede tà ke Jésu tam kété ede nè: «Mapa ke in danrán nga, è man.»

Jean 6:61

Jésu ger kêmn’t mbak titeke njékuwe-girnge murin tà ɔji dè tà nè nga. Gir’n ke nè á, è deje’n de ede nè: – Ké tà nè nga tuge sei jig’t ile sei wa?