Matthieu 13:55 - Nouveau Testament en Gulay 2004

⁵⁵ Ké nan adé tɔgmong á n’ra’n nyankɔbege nè nga wa? Ké n’ee nga n’ee Ngonn le njè ra kule kage karè lé wa? Ké ri konyé è Marie lé wa? Ké Jacques se Joseph, se Simon se Jude nga ei ngakonyége ke dingem lé wa?

Matthieu 13:55 Iomraidhean Croise

Matthieu 27:56

Marie ke ɓee le’n è Magdala se Marie ke kon Jacques se Joseph se kon ngannge le Zébédée géa ei dann dinyege’t nè nga tɔ.

Marc 15:40

Dinyege ke nange ndai heb an-in nyan ke d’ade ra se Jésu nga sêw-sêw. Marie ke ɓee le’n è Magdala, Salomé se Marie ke kon Jacques ke ndêin a, se Joses a tɔ, ei se de nan’t.

Marc 15:47

Marie ke ɓee le’n è Magdala se Marie ke kon Jacques ke ndêin ndai teri loo ke d’unde ninn Jésu tutu nga.

Marc 6:3

Ké n’ee nga n’ee njè tɔl kagege ke n’ee ngonn le Marie nga lé wa? Ké Jacques se Joses se Jude se Simon nga ei ngakonyége lé wa? Ké kon nannége ei dann jéi’t laa lé wa? Kêm dooge ke Nazareth on de ngain dè Jésu’t ade undei kêm de dènn’t lé.

Tà ke Maje ke Luc ndang 1:27

Doo ke danrán nè nga Nube ule’n ra ngomande karé ke è njènong le dingem ke ri’n nè Joseph. Joseph nga è girkà le ngar David. Ri ngomande ke nal ger dingem ɓai nè nga, è Marie.

Tà ke Maje ke Luc ndang 24:10

Marie ke ɓee le’n è Magdala, se Jeanne se Marie kon Jacques, se dinyege ke rang ke awi se de ɔri ser nyange nè adi njékawkulege ooi.

Tà ke Maje ke Luc ndang 3:23

Loo ke Jésu unn gir kule le’n nga, ɓal koje’n ase kɔr-mute. Dooge an-in nin ke ngonn le Joseph. Joseph nga è ngonn le Eli.

Tà ke Maje ke Luc ndang 4:22

Dooge malang d’ɔr go tà le Jésu maje. Tà ige de sêl dè tà kêmnoje le Nube ke tee tann’t ade d’oo. Dé tam tà d’ede nè: – Ké n’ee nga, n’ee ngonn le Joseph karè lé wa?

Tà ke Maje ke Luc ndang 8:20

Doo karé ree ede’n ede nè: – Koin se ngakoinge ndai nata non ndigi kilei kum de dèi’t.

Jean 19:25

Kon Jésu se ngokon’n Marie, dinye le Clopas, se Marie ke ɓee le’n è Magdala ndai ngɔr kɔte kage-ke-dese’t le Jésu.

Jean 6:42

Dé tel d’ede nan d’ede nè: – Ké è nè nga è Jésu ngonn le Joseph ke jè geri bɔ’n se kon’n mbak nè nga lé wa? Dé tam bè tede tà ke Jésu tam kété ede nè: «Mapa ke in danrán nga, è man.»

Jean 9:29

Jè ɓaa, jè ger titeke Moise á ndɔ ke Nube ede’n tà. Nè doo nyan le doo nè nga, jè ger loo ke in tutu lé.

Nje Ke Galatie 1:19

M’an doo ke rang dann njékawkulege’t lé, nè Jacques ngokon Kuwe-ɓee kuwe se kar’n á m’an’n.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.