Matthieu 13:51 - Nouveau Testament en Gulay 2004

⁵¹ Jésu deje njékuwe-girnge ede nè: – Ké i geri gir nyan nè nga malang maje kuwe wa? Dé tel d’ile’n dè’t d’ede nè: – Oiyo

Matthieu 13:51 Iomraidhean Croise

Matthieu 13:11

Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Matthieu 13:19

Loo ke doo oo tà ke ɔje dè Konɓee le Nube nè ger gir tà nè nga lé ɓaa, njèkêmyêr ree ɔr tà ke dé dubu dè ɓengrenn’t nga wont kɔke. Doo nè nga tò asenan se njar ko ke dubu ngang rebe’t bè.

Matthieu 13:50

Dooge ke danrán à umi njékêm majelége nè nga pɔtɔk dann por ke nunge palang. E loo ke a noin wuwi tutu ɗêl-ɗêl a, a toin tà de tutu vbat-vbat a tɔ.

Matthieu 13:52

Jésu ede de ede nè: – Gir’n ke nè á njèkɔrgir gute-ndu ke rara ke ndó nyange ke ɔje Konɓee ke danrán ɓaa tò asenan se kuwe-kei ke ɔr nyanbawge le’n ke kige se ke konn unde nata.

Matthieu 15:17

Nyan malang ke in nata aw kêm tà doo’t nga, tuge gang aw jebelenn’t ade aw ede’n yide. Ké sei geri bè lé wa?

Matthieu 16:11

Ma m’ede sei m’ede nè: Undei kumkunju dè ra si’t le kade sei njékede gosge tite Pharisienge se Saddusienge lé á m’tam bè m m’tam se si tede mapa ke sei ɔyi ji si’t lé nga lé. Ké bain á kum si gang dè tà’t nè nga lé sár wa?

Matthieu 24:15

Ndɔ karé a an-in Njè tuju loo à al ɗáng ndi loo ke tò se ninnen’t. Doo nè nga, Daniel njèribe-dè-tà ke tà Nube’t tam tà le’n kété. Maje kade nanan ke tute magtub nè ɓaa, gir tà nè nga maje le ger.

Marc 4:34

Jésu unn gostà ede’n doobulege tà. Nè loo ke è ndi se kar’n se njékuwe-girnge ɓaa, è ɔrgir gostàge nè malang ade de.

Marc 7:18

E ede de ede nè: – Sei géa ké kêm si tɔ kuju tà lé titeke bè tɔ wa? Nyan ke doo use nga à tel’n ke doo ke mine lé.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.