Matthieu 13:46 - Nouveau Testament en Gulay 2004

⁴⁶ Loo ke è inge mede-ngar karé ke gate’n è ngain ɓá ɓaa, è tel aw ige nyan kingennge ke kété malang aw ndogo’n mede-ngar nè nga.

Matthieu 13:46 Iomraidhean Croise

Matthieu 13:44

Konɓee ke danrán nga è tite nyanbaw ke dé ɓɔyɔ’n kêm ndɔr’t. Nja doo karé tuge’n dè nyanbaw’t nè nga ɓaa, è unn aw ɓɔyɔ ke kété ke le’n. Ra’n nel’n ngain ade aw ige nyanbawge le’n malang tel ndogo’n loo ndɔr nè nga.

Matthieu 13:45

Konɓee ke danrán nga tò asenan se njé ra gate ke aw sang mede-ngarge ke maje ngain.

Matthieu 13:47

Konɓee ke danrán nga tò asenan se bure karé ke d’ile dann ba-bò’t d’ade ɔse nja kanjege ke se ri de-ri de nan’t ree se de nata.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

Nje Ke Galatie 6:14

Man ɓaa, nyan karé bere ke m’unn’n tà ra’m dè de’t nga, è kwei le Krist Kuwe-ɓee le jéi Jésu Krist kade kage-ke-dese’t. M’an nyange le nang nè ke nyange ke tuji tede kwei le Kuwe-ɓee le jéi Jésu-Krist. Man géa dooge ke dè nang nè an-in man ke doo ke wei bè tɔ.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.

Nje Ke Colosses 2:3

Krist nga nyanbawge le kumkunju se le gos nyanger ke se ri de-ri de ɓɔyɔi ra de rann’t sɔk-sɔk.

Lookilera’n 18:12

Nyan gatege ke uri kugu dè nan’t bing-bing: nar-ɔr, nar-nda, herge ke gate de è ngain se mede-ngarge, kubu ke ker perm-perm, kage ke rara ke ɓus’n ete maje, jó-bai ke ra se gɔge kede se kage ke rara ke gate’n è ngain se ninge-kase, nar ke mong, her ke ndang mbin,

Lookilera’n 21:21

Tà rebe geng-bɔr ke dɔg-gidé-joo nga è mede-ngar ke dɔg-gidé-joo. Tà rebe karé tò ɔje dè mede-ngar karé tɔ. Ndá-loo ke kem̂ ɓee-bò’t nè nga dé ra se nar-ɔr ke deri ke ndolé kein-kein tite mede kɔtche bè.