Matthieu 13:43 - Nouveau Testament en Gulay 2004

⁴³ Nè njé ra nyan se dè najennge à ndubi ra de tite kàde bè kêm Konɓee’t le Bɔ de. Nanan ke ka mbi’n tò le koo’n tà ɓaa, gar gar è tà le kade ur mbi’n maje oo’n tàge ke m’ndi m’tam nè nga.

Matthieu 13:43 Iomraidhean Croise

Matthieu 11:15

Nanan ke mbi’n tò tutu ɓaa, maje kade ur mbi’n maje oo’n tà ke m’tam nè nga.

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 25:36

Ndɔ ke m’njiye ra’m karè ndát-ndát ɓaa, sei adi man kubu m’tule ram’t. Ndɔ ke ra’m tur’m ɓaa, sei ilei kum si dèm’t. Ndɔ ke m’tò dangai’t ɓaa, sei reei an-in man.»

Matthieu 26:29

Man m’ede sei ndàt, m’a tel kain mann nduu nè gugu ndan lé sár kade ndɔ ke m’an-in’n se si njè ke kige kêm Konɓee’t le Baa.

Marc 4:23

Nanan ke ka mbi’n tò tutu ɓaa, gar-gar maje kade ur mbi’n maje oo’n tà nè nga.

Tà ke Maje ke Luc ndang 12:32

– Sei ke i tooi asinan se nyankulge le’m ke tchɔp bè nga, ebi’t ɓel; tede Bɔ jéi ade sei Konɓee le’n.

Tà ke Maje ke Luc ndang 22:29

Gir’n ke nè á m’uwe’n dè nja Konɓee m’ɔje’n dè si titeke Bɔ’m uwe’n dè nja Konɓee ɔje’n dè’m man nga tɔ.

1 Nje Ke Corinthe 15:58

Titeke bè á, ngakonmge ke m’tár sei ngain, i ndai dè nja si’t njáng m i lengi lé. Awi kum si ke kété-kété dè kule’t le Kuwe-ɓee. Sei geri mbak titeke kule le Kuwe-ɓee ke sei ulei ra si ndibe i rai adi Krist nga à tel k’ee nyan ke raikarè lé.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?