Matthieu 13:41 - Nouveau Testament en Gulay 2004

⁴¹ Man ke m’ee Ngonn doo nga m’a m’ule dooge le’m ke danrán kade rein-in njétuge madege jig’t kade osoi dann kaiya’t a, se njékaltà tà ndukunnge’t le Nube malang kum de nata kɔke kêm Konɓee’t le’m.

Matthieu 13:41 Iomraidhean Croise

Matthieu 13:49

Ndɔ ke ngeinn’t nga ɓaa à è titeke bè tɔ. Dooge ke danrán à reei le kɔri kum njékêm majelége dann njé ra nyan se dè najennge’t.

Matthieu 18:7

Sei dooge ke njé tel jig tuge nja madesige kade osoi dann kaiya’t nga, a an-in ɓai! Gar-gar nyange ke à tugei dooge jig’t kade osoi dann kaiya’t à tooi dè nang nè. Nè doo ke njè kunde gir nyange nè nga, à an ɓai!

Matthieu 24:31

M’a m’ule dooge le’m ke danrán se burunju ke à ɓar kase loo nák-nák le kade ɔsi nja dooge le’m ke m’tɔr de m’unde de se ninn’n gai dè nang bere mbak, loo tee’t se loo kur’t le kàde, dè jikon se dè jigel a tɔ.

Matthieu 3:12

Doo nè nga, kéee le’n è jinn’t. A ɔi kêm gar le’n ndát-ndát a, a ɔse nja ko le’n nan’t kêm dam’t a tɔ. Nè a ró tise ko se por ke doo ase tɔl ndan lé.

Matthieu 8:20

Jésu tel ile’n dè’t ede nè: – Njange géa bolè tò de tò tutu a, helge géa ndis tò de tò tutu a tɔ. Nè man ke m’ee Ngonn doo nga, m’inge loo kule dè’m tutu taa kebe lé.

Marc 13:27

Kerɔte kuwe, m’a mule dooge le’m ke danrán kade awi se loo malang dè nang nè ɔsi nja njé ke m’tɔr de dè nan’t neĵ-neĵ.

Nje Ke Rome 2:16

Nyange malang à tooi nata ndái-ndái kêm ndɔ ke Nube à ade Jésu-Krist à gang’n tà dè nyange ke majelé ke dooge rai se go ngein. Tà ke Maje ke m’ile mber’n nga tam bè kuwe.

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?

Lookilera’n 21:27

Nyan ke mine ke rara karé bè géa à aw kem̂ ɓee-bò’t nè nga ndan lé. Doo ke njé ra nyan ke yêr éké njè tam tà lanm se ndɔ’n-ndɔ’n nga à ile nja’n kem̂ ɓee-bò’t nè nga ndan lé a tɔ. Nè njé ke dé ndang ri de kem̂ magtub ndikumgajer’t le Ngonn Bate kuwe karé á à ilei nja de kem̂ ɓee-bò’t nè nga.