Matthieu 13:33 - Nouveau Testament en Gulay 2004

³³ Jésu unn gostà karé ke rang ede kosdoo-bulege ede nè: – Konɓee ke danrán nga, tò asenan se pululu ke dinye din tênn guru’n dann nduju ke è din kêm ngó mute mboin. Mbɔr ɓaa nduju ke mboin nè nga bere mbak in ti ngiring-ngiring.

Matthieu 13:33 Iomraidhean Croise

Matthieu 13:24

Go’t gugu Jésu unn gostà karé ke rang ede de ede nè: – Konɓee ke danrán nga, è tite doo karé ke unn ko nyan ke maje dubu kêm ndɔr’t le’n.

Marc 13:20

Ke nè á Nube gang tà ndɔge nè dɔ tede le njékêmndage le’n ke è tɔr de lé ɓaa, doo karé ke ayé ndi kumgajer goto. Nè è gang tà ndɔge nè nga dɔ tede njékêmndage le’n ke è tɔr de unde de se ninn de.

Tà ke Maje ke Luc ndang 13:21

Konɓee le Nube nga tò asenan se pululu ke dinye din tênn gur’n nduju ke ɔr kêm ngó mute. Titeke bè á mbɔr ɓaa, nduju nè nga in ti ngiring-ngiring.

Jean 15:2

Balkum nduu ke rara ke ube kàdem’t á ann’n lé ɓaa, d’a tuge’n gang’n kɔke. Nè balkum nduu ke rara ke ann ɓaa, Bɔ’m ra’n náng-náng kade ann ɗàk-ɗàk dum ke kété.

Nje Ke Galatie 5:9

Undei kumkunju dè ra si’t tede pululu è nyan ke ndêin bè, nè ade nduju ke loin bere mbak in ti ngiring-ngiring.

Nje Ke Philippes 1:6

Man m’ger è nè mbak: Nube ke unn gir ra kule ke maje kem̂ si’t nga à ra kɔr son’n njêt sár ndɔ tel ree le Jésu-Krist.

Nje Ke Philippes 1:9

An-in! nyan ke m’kɔ Nube tede le si á nè: Maje kade tár nan le si in dè made’t ke kété-kété a, ade kum si gang dè ngarankum nyanger’t a tɔ.

2 Pierre 3:18

Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.