Matthieu 13:32 - Nouveau Testament en Gulay 2004

³² Kage Mutarde nga è nyan ke kum’n kide dum kage nyange ke rang malang. Nè loo ke kum’n ube ɓá ɓaa, tɔge dum mbi-kamge ke rang malang tel ule yir-yir. Balkumnge tɔ pel-pel ade helge ke walé reei rai ndisge le de dè’t.

Matthieu 13:32 Iomraidhean Croise

Marc 4:30

Jésu tel deje de kuwe ɓai ede nè: – Ké ri á j’à kuwe kɔje’n Konɓee le Nube wa? Ké gostà ri á j’à kunn kɔje’n dè Konɓee le Nube nga wa?

Marc 4:32

Nè loo ke dé dubu’n ɓá ɓaa, ube tɔge yir-yir dum mbi targe ke rang malang. Balkumnge tɔ pel-pel ade helge ke walé asikum rai ndisge le de dè’t.

Tà ke Maje ke Luc ndang 13:18

Jésu unn gostà ke rang ede nè: – Ké Konɓee le Nube nga tò tanan bain wa? Ké nyan ri á m’a kunn tɔje’n sei kade i geri maje wa?

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 21:20

Loo ke ngatɔgege ooi tàge nè nga bè ɓaa, ei ulei ndubra dè Nube’t, taɓai edi Paul edi nè: – Ngokon jé an! Juipge aru dɔg loo bule teli ei njétaakêm-Kristge. Nè né è bè géa, ei malang uwei gute-ndu ji de joo.

Lookilera’n 11:15

Taɓai doo ke danrán ke njèkon madennge’t ji sejimute kɔl burunju. Ke loon’t nè kuwe, ndu dooge ɓar danrán beng-beng edi nè: «Tɔgmong konɓee ke dè nang nè oso ji Kuwe-ɓee Nube’t le jéi se Krist le’n a tɔ. Kuwe-ɓee à on ɓee sár se non.»