Matthieu 13:24 - Nouveau Testament en Gulay 2004

²⁴ Go’t gugu Jésu unn gostà karé ke rang ede de ede nè: – Konɓee ke danrán nga, è tite doo karé ke unn ko nyan ke maje dubu kêm ndɔr’t le’n.

Matthieu 13:24 Iomraidhean Croise

Matthieu 13:19

Loo ke doo oo tà ke ɔje dè Konɓee le Nube nè ger gir tà nè nga lé ɓaa, njèkêmyêr ree ɔr tà ke dé dubu dè ɓengrenn’t nga wont kɔke. Doo nè nga tò asenan se njar ko ke dubu ngang rebe’t bè.

Matthieu 13:25

Nè loo ke dooge tooi ɓi sibik ɓaa, njèban le’n ree dubu jer danné ɓaa, ɔte ɗák aw.

Matthieu 13:31

Jésu unn gostà karé ke rang ede dooge ɓai ede nè: – Konɓee ke danrán nga tò asenan se kum kage ke ri’n nè Mutarde ke dingem karé unn aw dubu kêm ndɔr’t le’n bè.

Matthieu 13:33

Jésu unn gostà karé ke rang ede kosdoo-bulege ede nè: – Konɓee ke danrán nga, tò asenan se pululu ke dinye din tênn guru’n dann nduju ke è din kêm ngó mute mboin. Mbɔr ɓaa nduju ke mboin nè nga bere mbak in ti ngiring-ngiring.

Matthieu 13:37

E tel ile de dè’t ede nè: – E ke njè dubu njar ko ke maje nga, è man ke m’ee Ngonn doo nga.

Matthieu 13:47

Konɓee ke danrán nga tò asenan se bure karé ke d’ile dann ba-bò’t d’ade ɔse nja kanjege ke se ri de-ri de nan’t ree se de nata.

Matthieu 18:23

Gir’n ke nè á, Konɓee ke danrán nga tò asenan se ngar karé bè ke ndige kade ngann njéndige le’n mbɔji go nyange le’n ke um ji de’t adi oo.

Matthieu 20:1

Konɓee ke danrán nga tò asenan se kuwe-kei ke tee se ndɔgé ɓat tede kɔi dooge kade rai kule kêm ndɔr nduu’t le’n bè.

Matthieu 21:33

Jésu ede dooge ede nè: – Uri mbi si ooi sertà karé ke rang ɓai. Doo karé bè è kuwe-kei. E uwe loo ndɔr nduu. E ɔr gali gan’n dè a, è nder bolè le kade dé mboré’n mann nduu tutu a, è ra kei ndi ngonm ndɔr tutu a tɔ. E ɓar dooge um kule’n ji de’t ɓaa, è ɔte ɗák aw mba’t.

Matthieu 22:2

– Konɓee ke danrán nga tò asenan se ngar karé bè ke ade dé koré mur tête tà ɓee le ngonn’n ke dingem.

Matthieu 25:1

Konɓee ke danrán nga tò asenan se sertà le ngamandege ke dɔg ke anji geri dingem ɓai. Ei otoi lampege le de ji de’t teei awi tilei non njè taa dinye kige.

Matthieu 3:2

– I turi hal si tede Konɓee ke danran nain ngɔr ta.

Matthieu 4:23

Jésu aw se loo-loo kêm ɓeekon ke Galilée bere mbak ndó dooge nyan kêm kei kebe nange’t le de ile mber Tà ke Maje ɔje dè konɓee le Nube a, ɔr ratur ke rara ra njératurge dann kosdooge’t a, se njè ke kêl ra de wei tonrin a tɔ.

Tà ke Maje ke Luc ndang 13:18

Jésu unn gostà ke rang ede nè: – Ké Konɓee le Nube nga tò tanan bain wa? Ké nyan ri á m’a kunn tɔje’n sei kade i geri maje wa?

Tà ke Maje ke Luc ndang 13:20

Taɓai Jésu tel tam ede nè: – Ké nyan ri á m’a kunn tɔje’n sei kade i geri maje wa?

Nje Ke Colosses 1:5

Sei undei kem̂ si tchên dè nyan ke Nube uwe nja tede le si kem̂ ɓeekon ke danrán. Mber ngarankum Tà ke Maje ke ndɔ ke d’ile d’ade sei nga á è gir kundekem̂ tchên le si kuwe.

1 Pierre 1:23

Sei nga dé tel d’oje sei kige. Koje ke d’oje sei kige nè nga in ra kà sige ke njékweige lé; dé tel d’oje sei gugu kige takul tà le Nube ke njèndi kumgajer sár se non.