Matthieu 13:23 - Nouveau Testament en Gulay 2004

²³ Njar ko ke doo dubu dè nang ke maje’t nga tò asenan se doo ke oo tà a, ger gir’n a tɔ. Doo nè nga tò asenan se ko ke unde maje. E ke karé ann aru karé, è ke karé ke rang unde kum’n kɔr-mute-mute, è ke karé ke rang unde kum’n kɔr-mute tɔ.

Matthieu 13:23 Iomraidhean Croise

Matthieu 12:33

Bainléa sei i tami edi nè: Ke nè á ra kage maje ɓaa, kann’n à è ke maje. Ke nè á ra kage majelé ɓaa, kann’n géa à è ke majelé tɔ. Oiyo, kann kage á d’a ger’n ra kage.

Matthieu 13:8

Njar ko ke nange tée toso dè nang ke maje’t. Njar ko karé unde kum’n ase aru karé, njè ke rang unde kum’n ase kɔr-mute-mute, njè ke karé ke rang unde kum’n ase kɔr-mute a tɔ.

Matthieu 3:10

Kunge ke janm tò ngire kagege’t ɓá. Kage ke rara ke ann majelé ɓaa, d’a tuge’n gang’n kile’n poro.

Matthieu 3:8

I turi hal si, i rai nyanrage ke maje.

Marc 10:15

Kerɔte kuwe, man m’ede sei ndàt, nanan ke ndige kade Nube on’n titeke ngonn ra’n lé ɓaa, à ile nja’n kêm Konɓee’t le’n ndan lé.

Marc 4:20

Njar ko ke rang ke nange ke téei tosoi dè nang ke maje’t nga, ei njé ke ooi Tà ke Maje ɓaa, taai se kêmnda káng. Taɓai, an-in dè Tà ke Maje nè nga ade loo ke nange kann’n tò tutu ase kɔr-mute-mute a, aru a tɔ.

Tà ke Maje ke Luc ndang 13:9

Bainléa kal ke rang à ann ɓai. Loo ke nè á n’ann lé njing ɓaa, inye’m ade m’tugé m’gangé ɓai.»

Tà ke Maje ke Luc ndang 8:15

Njar ko ke tée toso dè nang ke maje’t nga, ei dooge ke ooi Tà ke Maje se kêmnda káng ɓaa ngonmi dè ɓengre de’t a, ligri dè’t lagr-lagr sár adi kann de tò tutu.

Tà ke Maje ke Luc ndang 8:8

E ke nange tée toso dè nang ke maje’t ade ubei a, tɔgi a, ɔri dè de maje a tɔ. Dè ko karé-karé malang ide ase njar’n aru. Taɓai Jésu tam se ndu’n ke bòi ede nè: – Ke nè á mbi si tò tutu ɓaa, uri maje ooi tà ke m’ede sei nè.

Jean 15:16

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Jean 8:47

Nanan ke è le Nube ɓaa à ur mbi’n le koo’n tàge le Nube. Nè sei uri mbi si ooi tàge le Nube lé, tede sei sei lennge lé.

Nyanra Njekawkulege 16:14

Dinye karé dann de’t ri’n nè Lydie, è njè ra gate. Dinye nè nga in kêm ɓee le’n ke ri’n nè Thyatire á ree ndi kêm ɓee-bò ke Philippes ige kubuge ke ker perm-perm. Dinye nè è njè ɓel Ndil Nube. Lydie ndi ur mbi’n ke ra jé’t. Gir’n ke nè á Kuwe-ɓee teen’n ngarankêm’n ade ur’n mbi’n ngaw njêt oo’n tàge ke Paul à tam.

Nyanra Njekawkulege 17:11

Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

2 Nje Ke Corinthe 9:10

E Nube ke njè kade ko nyan njèdubu nyan a, ade’n nyankuse’n a tɔ nga, à ade sei ko nyan kade in dè made’t ke kété-kété a tɔ. E kuwe à ade nyanra si ke se dè naje’n à aw kum’n ke kété-kété.

Nje Ke Philippes 1:11

Jésu-Krist à ra se si kade i rai nyange ke se dè naje’n le kade d’ile’n riɓar dè Nube’t a, dé ɗɔi’n a tɔ.

Nje Ke Philippes 4:17

E nyankunde nja á m’sang ra si’t lé, nè le kade kann si in dè made’t ke kété-kété ade sei.

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

Nje Ke Colosses 1:6

Loo malang ke Tà ke Maje nè aw tee tutu nga, ule ngire’n nang a, ann ke kété-kété a tɔ. Sei géa, è titeke bè dann si’t, unn gir kem̂ ndɔ ke sei ooi a, i geri kem̂-maje le Nube se go ngarankum tà a tɔ.

1 Nje Ke Thessalonique 4:1

Ngakon jége, pa njiye ke le taa’n kum Nube nga sei i ndói ra jé’t ɓá. Kerɔte kuwe, sei rai titeke jè ndó’n sei nga ɓá. Nè né è bè géa, jè deje sei a, jè ndeje sei se ri Kuwe-ɓee Jésu a tɔ, le kade awi kum si ke kété-kété ɓai.

2 Nje Ke Thessalonique 2:10

Njè kɔse tà se Nube nè nga à ra nyange ke majelé ke se ri de-ri de le sú’n kum dooge kade tuji. Dooge ke njè kɔse tà se Nube à tuju de nga, ei dooge ke ndigi taai ngarankum tà ke ayé kaje de nga lé.

Hebreuge 4:2

Jèi géa d’ile mber Tà ke Maje d’ade jèi titeke ndɔ ke d’ile’n d’ade kà jéige nga tɔ. Nè tà ke ndɔ ke ei ooi nga, ei taai undei kem̂ de dè’t kade è soo de’t lé.

Hebreuge 6:7

Loo ke nang njibe mann ndi ke ede dɔ-dɔ á go’t gugu tee se kam nyange ke maje ade njéndɔrge ɓaa, Nube tɔr ndu’n dè nang’t a tɔ.

Hebreuge 8:10

Kuwe-ɓee tel tam ede nè: An! kem̂ ndɔge ke à reei non nga, m’a m’mann ra’m kade kosdooge ke Israel. M’a m’ule gute-ndumge dann tàgirge’t le de a, m’a m’ndang gute-ndumge dè ɓengre de’t a tɔ. Man m’a m’ee Nube le de a, d’a dé kosdooge le’m a tɔ.

2 Pierre 3:18

Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.