Matthieu 13:22 - Nouveau Testament en Gulay 2004

²² Njar ko ke dubu dann konnge’t nga, tò asenan se doo ke oo tà nè, nè kêm’n tò kekek a, nyan sú le nyanbawge ke dè nang nè pujuri dè tà nè nga ade ur kuju.

Matthieu 13:22 Iomraidhean Croise

Matthieu 12:32

Ke nè á doo karé tam tà ke majelé se’m man Ngonn doo ɓaa, d’a kade kêm de tin mbit dè’t ɓai. Nè ke nè á doo karé tam tà ke majelé se Ndil-Kêmnda ɓaa, d’a d’ade kêm de tin mbit dènn’t kêm ɓalge’t ke ɗarinè éké kêm ɓalge’t ke à reei nga lé a tɔ.

Matthieu 13:39

Njèban ke njèdubu jer nga, è sú. Nan sa ko è ndɔ ke ngeinn’t. Njé sa koge nga ei dooge ke danrán.

Matthieu 13:40

Titeke dé rein jer le ró’n poro nga, ndɔ ke ngeinn’t ɓaa d’a ra titeke bè tɔ.

Matthieu 13:7

E ke nange tée toso dann konnge’t ade pujuri dè de.

Tà ke Maje ke Luc ndang 12:15

Taɓai Jésu ede doobulege ede nè: – Kêm si dè ra si’t nè a kadi ngur kebe nyanbawge ke rara dè nang nè ra sei pênn-pênn. Tede ndikumgajer le doo nga, tò ɔje dè nyanbawge le’n ke tò ndaj-ndaj nga lé.

Tà ke Maje ke Luc ndang 12:21

Jésu tel ede de ɓai ede nè: – Doo ke kebe nyankingege ke dè nang nè ɔje’n dè ra’n è kuwe nal kade è baw tàkum Nube’t nga, le’n à è titeke bè tɔ.

Tà ke Maje ke Luc ndang 21:34

Undei kumkunju dè ra si’t nè bainléa nyankuse éké nyankain ke ate se nyange gai-gai ke adi kêm dooge olé bɔt-bɔt à kadi ɓengre si wɔi darr, le kade ndɔ tel ree le’m man ke m’ee Ngonn doo nga ube sei nang bus lé.

Tà ke Maje ke Luc ndang 8:14

Njar ko ke tée toso dè jig-konnge’t nga, ei dooge ke ooi Tà ke Maje, nè inyei loo adi tàgirge ke ɔje dè nyankinge se ngur-nyange gai-gai ke dè nang nè pujuri dè Tà ke Maje nè nga se rebe kɔke nuji.

Nyanra Njekawkulege 8:18

Dooge ingei Ndil-Kêmnda takul kunde ke njékawkulege undei ji de dè dooge’t. Loo ke Simon an titeke bè ɓaa, è din nar ree’n ade Pierre se Jean ede nè:

Nje Ke Rome 12:2

Umi nan’t lêtêt se dooge ke ndii dè nang nè ɗarinè nga lé. Nè inyei Nube adi tel sei ke dooge ke kige a, ade ade sei tàgir ke kige a tɔ. Titeke bè á a i teri nyan ke maje ke kêm Nube ndige a, nyan ke maje ɔr njêt ke à taa kum’n ɗekm a tɔ.

1 Nje Ke Corinthe 1:20

Ké tà ri á njèkumkunju ase tam ɓai wa? Ké tà ri á njèkɔrgir gute-ndu ase tam ɓai wa? Gos nyanger ke dè nang nè nga, Nube tel’n ke nyan mbe.

1 Nje Ke Corinthe 2:6

Nè né è bè géa, Krist kuwe è kumkunju ke j’ile mber’n j’ade njé ke tɔgi dè kundekêm’t le de. Kumkunju nè nga in ra dooge’t éké in ra njékonɓeege’t ke dè nang ɗarinè nè nga lé. Kumkunju ke in ra dooge’t éké ra njékonɓeege’t nga, ndɔ ke rang à undei nang ɓai.

1 Nje Ke Corinthe 2:8

Kumkunju le Nube nga, doo karé bè dann njékonɓeege ke ndii dè nang nè ke ger’n goto. Ke nè á ndɔ ke njékonɓeege ke ndii dè nang nè geri nin ɓaa, né à adi d’ade ɓer Kuwe-ɓee ke njè ndubra kàde kage-ke-dese’t lé.

1 Nje Ke Corinthe 3:18

Maje kade doo karé bè ade kum’n sú’n dè tàge’t nè nga lé. Ke nè á doo karé dann si’t an ra’n ke njèkumkunju ke dè nang nè ɓaa, maje kade tel mbe tá à è njèkumkunju ke get ɓai.

2 Nje Ke Corinthe 4:4

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

Nje Ke Galatie 1:4

Jésu Krist inye ra’n è kuwe ade yo tede kaiyage le jéi. E inye ra’n ade yo tede le kɔr’n jéi wont ji tɔgmong ke majelé le dè nang nè nga se go kem̂ndige le Bɔ jéi Nube.

Nje Ke Ephese 2:2

Kété mari sei njiyei se go nyanrage le dooge ke dè nang nè. Sei ndolèi go ngar le ndilge ke majelé ke njèkonɓee dann danrán’t se nang nè. E nè nga è ndil ke majelé ke ndi sule gir ngann njé dum nange ɗarinè.

1 Timothee 6:17

I ndeje bawge ke ndii dè nang nè ɗarinè le kade tii ra de lé a, le kade undei kem̂ de tchên dè nyanbaw ke à tò mbɔr lé nga lé a tɔ. I ndeje de le kade undei kem̂ de tchên ke dè Nube’t. Nube á è njè kade jèi nyange malang kade tooi ra jéi’t ndàj-ndàj tede kade jè ndii dann ranel’t.

2 Timothee 4:10

Démas sure’m inye’m tede unde nyange ke dè nang nè dann kumn’t ngain. E ɔte aw kem̂ ɓee-bò ke Thessalonique. Crescens ɔte aw kum’n ke ɓeekon ke Galatie a, Tite aw kem̂ ɓeekon ke Dalmatie a tɔ.