Matthieu 13:21 - Nouveau Testament en Gulay 2004

²¹ Nè tà nè nga ule ngire’n nang rann’t lé, è doo ke nda dè njann’t njáng lé. Loo ke nyantosowurge gai-gai éké nyankumndoo undei loo teei tede tà nè nga ɓaa, ke loon’t nè kuwe, nyan tuge’n ade oso ɓá ta.

Matthieu 13:21 Iomraidhean Croise

Matthieu 10:22

Dooge malang à ɔri sei njêt tede ri’m man. Nè è ke nda dè njann’t njáng sár ndɔ ke ngeinn’t ɓaa, Nube à aje’n.

Matthieu 11:6

Doo ke nyange ke m’ra tuge’n jig’t ile’n lé ɓaa, ra’n à nel’n kuwe.

Matthieu 13:20

Njar ko ke dubu dè her’t nga tò asenan se doo ke oo tà ɓaa, ke loon’t nè kuwe è taa se ranel.

Matthieu 13:57

Jésu tel è jig ke tuge de ile de dann kaiya’t. E ede de nè: – Njèribe-dè-tà ke tà Nube’t nga, njé ke ɓeekon’t le’n se njénojege le’n kuwe karé bere á d’ann’n ke nyan lé.

Matthieu 13:6

Nè loo ke kàde ɔse ramam ɓaa, ko ke ube nga ndolè ade tutu ngarr a tɔ, tede ngire’n aw nang ngain lé.

Matthieu 24:13

Nè nanan ke nda dè njann’t njáng sár ndɔ ke ngeinn’t ɓaa, d’a d’aje’n.

Matthieu 26:31

Jésu ede njékuwe-girnge ede nè: – Dann ndɔɔ nè kuwe, loo ke a an-in nyan ke à tee dèm’t ɓaa, sei malang a i tusi kundekêm le si kinyei. Dé ndang kêm magtub’t d’ede nè: «M’a m’unde njèkul dange kum yoo’n ɓaa, kos batege à an-in sanréi nan karé-karé.»

Matthieu 26:33

Pierre unn tà tam ede Jésu ede nè: – Ke nè á dooge ke rang malang à tusi kundekêm le de kinyei tede nyan ke à tee dèi’t nè nga géa, man ɓaa, m’a m’tusi kinyei ndan lé.

Marc 4:17

Nè Tà ke Maje nè nga ule ngire’n nang dè ɓengre de’t lé, tede ei njé kêm mɔrége. Loo ke nyan ke tur éké nyankumndoo undei loo teei pitring ɔje dè Tà ke Maje ɓaa, ke loon’t nè kuwe ei surei Tà ke Maje nè nga inyei.

Tà ke Maje ke Luc ndang 8:13

Dooge ke nange taai Tà ke Maje nè nga se ranel. Nè tà nè nga ule ngire’n nang dè ɓengre de’t lé. D’um kêm de dè’t mbɔr nè loo ke nyan unde loo tee nan kundekêm le de ɓaa, ke loon’t nè kuwe dé sure go kundekêm le de d’inye.

Jean 6:26

Jésu ile de dè’t ede nè: – Kerɔte kuwe, man m’ede sei ndàt, sei sangi man tede nyankɔbege ke ndɔ ke an-in nga lé, nè tede mapa ke sei usei i ndanni.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

Nje Ke Galatie 6:12

Dooge ke nange ndigi kundei tɔge dè si’t le kade ujei tà mɔte si. Ei rai titeke bè le taa’n kum Juipge karè nè bainléa à kɔri de kororoi tede tà le Krist ke dé tɔl’n kade kage-ke-dese’t. Kɔr ke d’a d’ɔr de kororoi á è nyan karé ke dé ɓel d’unde’n tɔge dè si’t le kade d’uje’n tà mɔte si.

Nje Ke Galatie 6:15

Kuje tà mɔte éké kuje tà mɔte lé nga, è nyan lé. Nyan ke get-get ɓaa, è le tel k’ee doo ke kige le Nube.

Nje Ke Ephese 3:17

M’deje Nube le kade ade Krist urkei dè ɓengre si’t takul kem̂ si ke undei dènn’t. Man m’deje Nube le kade ade ulei ngire si nang janm-janm dè tár ke Krist tár jèi’t nga.

Nje Ke Philippes 1:6

Man m’ger è nè mbak: Nube ke unn gir ra kule ke maje kem̂ si’t nga à ra kɔr son’n njêt sár ndɔ tel ree le Jésu-Krist.

2 Timothee 1:15

I ger mbak titeke njé ke ndii kem̂ ɓeekon ke Asie malang turi gide de adi man. Phygèle se Hermogène ei dann njé tur gide kadi man nga tɔ.

2 Timothee 4:10

Démas sure’m inye’m tede unde nyange ke dè nang nè dann kumn’t ngain. E ɔte aw kem̂ ɓee-bò ke Thessalonique. Crescens ɔte aw kum’n ke ɓeekon ke Galatie a, Tite aw kem̂ ɓeekon ke Dalmatie a tɔ.

Jacques 3:2

Jèi malang jè rai nyange ke se go rebe’n lé nja bule. Ke nè á doo karé ur tà ninge’t salang lé ɓaa, è doo ke maje ɔr njêt kuwe. E doo ke asekum kule aljem̂ tànn’t kan-in’n ngang ra’n garar-garar.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.

Lookilera’n 2:13

Loo ke i ndi tutu nga, m’ger mbak, è kutu-ngar le njèkem̂yêr. Kem̂ ndɔn’t ke ndɔ ke dé tɔl’n Antipas, njèkɔrgo tà le’m ke maje kule dann si’t nga géa, ile ri’m nang lé a, i naje se rai dè kem̂i ke unde dèm’t nga lé a tɔ. Loo ke ndɔ ke dé tɔl Antipas tutu nga, njè kem̂ majelé urkei tutu bajaj.