Matthieu 13:11 - Nouveau Testament en Gulay 2004

¹¹ Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Matthieu 13:11 Iomraidhean Croise

Matthieu 13:10

Njékuwe-gir-Jésuge agi ngɔr ke rann’t deji nin edi nè: – Ké bain á unn gostàge tá ede’n dooge tà wa?

Matthieu 16:17

Jésu ede Pierre ede nè: – Simon, ngonn Jonas, rai neli tede è doo ndul á ade kumi gang dè tà’t nè nga lé. Nè è Bɔ’m ke danrán kuwe ade kumi gang dè tà’t nè nga.

Matthieu 19:11

Nè Jésu tel ile de dè’t ede nè: – Dooge malang à geri gir tà nè nga lé, nè njé ke Nube ade de nonkar tá asikum taai tà nè nga.

Matthieu 20:23

– Nyantosowur ke Nube à ade ra’m nga, à ra sei se’m kuwe. Nè tà ke ɔje dè ndi dè jikonm’t éké dè jigelm’t nga, è tà le’m lé. Loo nè nga, njé ke Bɔ’m uwe dè nja ɔje’n dè de á d’a d’inge.

Marc 10:40

Nè tà ke ɔje dè ndi dè jikonm’t éké dè jigelm’t nga, è tà le’m lé. Loo nè nga, è le njé ke Nube uwe dè nja ɔje’n dè de kété.

Marc 4:11

Jésu ede de ede nè: – Sei ɓaa, Nube ade sei nonkar ade i geri nyan ke kété tò loo ɓɔyɔn’t ɔje dè Konɓee le’n. Nè dooge ke nata ɓaa, d’a d’ede de nyange malang se sertàge.

Tà ke Maje ke Luc ndang 8:10

E tel ile de dè’t ede nè: – Sei ɓaa, Nube ɔrgir nyange ke ɔje dè Konɓee le’n ke tò loo ɓɔyɔn’t nga ade sei geri ɓá. Nè dooge ke rang ɓaa, nyange ke tooi loo ɓɔyɔn’t ɔje dè Konɓee le Nube nga, d’a d’ede de se gostà. «Nyan nè nga tee titeke bè le kade d’an se kum de, nè d’an njai lé, le kade d’oo se mbi de, nè geri gir njai lé a tɔ.»

Jean 6:65

Jésu tam ede nè: – Gir’n ke nè á, ndɔ ke m’ede’n sei kété m’ede nè: Doo karé bè asekum kin se dè ra’n ree ram’t lé. Ke nè á doo karé ree ram’t ɓaa, è Bɔ’m kuwe inye rebe ade’n ree ram’t.

Jean 7:17

Ke nè á doo karé ndige ra nyan ke kêm njèkule’m Nube ndige ɓaa, à ger tite nyan-ndó nè nga in ra Nube’t. E man kuwe á m’in se dè’m m’ndó nyan dooge lé.

Nyanra Njekawkulege 16:14

Dinye karé dann de’t ri’n nè Lydie, è njè ra gate. Dinye nè nga in kêm ɓee le’n ke ri’n nè Thyatire á ree ndi kêm ɓee-bò ke Philippes ige kubuge ke ker perm-perm. Dinye nè è njè ɓel Ndil Nube. Lydie ndi ur mbi’n ke ra jé’t. Gir’n ke nè á Kuwe-ɓee teen’n ngarankêm’n ade ur’n mbi’n ngaw njêt oo’n tàge ke Paul à tam.

Nje Ke Rome 11:25

Ngakonmge, man m’ndige le kade i geri nyan ke tò loo ɓɔyɔn’t nè nga maje, nè bainléa a kin-in kan-in ra si ke njékumkunjuge. Kunn mbi dè tà’t le Juipge ke nange nga à tò bè sár kade dooge malang ke ei Juipge lé ingei kaje pa ɓita.

Nje Ke Rome 16:25

Ade j’ilei riɓar dè Nube’t. E aw se tɔgmong le kule’n dingem kêm si’t se go Tà ke Maje le Jésu Krist ke m’ile mber’n nga. Tà ke Maje nè nga kété mari è nyan ke tò loo ɓɔyɔn’t.

1 Nje Ke Corinthe 13:2

Ke nè á m’aw se nyan-noje ke ɔje dè ribe dè tà ke tà Nube’t, m’ase ger nyange malang ke tooi loo ɓɔyɔ de’t éké m’aw se nyanger ke deri éké m’ase le kaw se kundekêm ke deri tede kɔr’n mbal se girson’n bere géa, ke nè á tár nan goto kêm’t ɓaa, m’ee nyan ke karè.

1 Nje Ke Corinthe 15:51

An-in! m’a m’ede sei nyan karé ke tò loo ɓɔyɔn’t: jèi malang j’à j’weii lé, nè jèi malang d’a d’ade ra jéi à tel waks.

1 Nje Ke Corinthe 2:14

Doo ke karé ke Ndil Nube ndi kêmn’t lé ɓaa asekum taa nyan le Ndil Nube lé. Nyan le Ndil Nube tò asenan se nyan mbe tàkumn’t m è asekum ger gir lé. Oiyo, Ndil le Nube è njè kade doo ter nyange ger gir.

1 Nje Ke Corinthe 2:7

Kumkunju le Nube ke kété tò loo ɓɔyɔn’t á m’ile mber’n m’ade sei. Kumkunju nè nga Nube uwe dè nja unde konn tede riɓar le jéi kété mari ɓita unde nang nè ɓai.

1 Nje Ke Corinthe 4:1

Maje kade an-in jè ke ngann njékulege le Krist a, ke njé kan dè nyange le Nube ke tooi loo ɓɔyɔn’t a tɔ.

1 Nje Ke Corinthe 4:7

Ké nan adi i tò gai dann madige’t wa? Ké ri á i kuwe inge se dè rai nal kade Nube kuwe á adi wa? Ke nè á nyan malang ke inge nga è Nube kuwe á adi ɓaa, ké tede ri á unde’n kàdi titeke è i kuwe á inge se dè rai bè wa?

Nje Ke Ephese 1:18

M’deje Nube le kade ade kum ɓengre si gang tchat. Titeke bè á a i geri nyan kundekem̂ tchên dè’t ke è ɓar sei tede nga. Taɓai sei a geri bò ndubra le’n se bò nyan-ndube ke uwe dè nja unde konn tede le njé ke tooi se ninn de.

Nje Ke Ephese 1:9

Nube ade jè geri nyan-maje ke tò loo ɓɔyɔn’t káráng. E uwe dè nja nyan ke tò loo ɓɔyɔn’t nga kété mari se go kem̂ndige le’n è kuwe.

Nje Ke Ephese 5:32

Nyan ke tò loo ɓɔyɔn’t nga, è nyan ke bò. Nè man m’tam tà nè nga m’ɔje’n dè Krist se njékebe nange le Nube.

Nje Ke Ephese 6:19

Man géa, ɔji tà se Nube ngain tede’m tɔ. I rai titeke bè tede kade Nube ule tà tàm’t ade m’ile’n mber Tà ke Maje ke tò loo ɓɔyɔn’t nga se kem̂nda káng.

Nje Ke Colosses 2:2

Man m’ndige kade ɓengre de oso nang pon a, le kade umi nan’t bɔk dè tár nan’t a tɔ. M’ndige kade kumkunju se gos ter nyan ke deri taa ra si pel-pel. Titeke bè á a i geri nyanbaw le Nube ke tò loo ɓɔyɔn’t nga. Nyanbaw le’n ke tò loo ɓɔyɔn’t nè nga è Krist.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

1 Timothee 3:9

Nyan-ndó ke ɔje dè kundekem̂ ke tò loo ɓɔyɔn’t nga, maje kade an-in dè sêw-sêw se tàgir ke unju nyang-nyang ke kem̂ de’t.

Jacques 1:5

Ke nè á doo karé dann si’t nal kumkunju ɓaa, maje kade kɔ Nube. Nube è njè kade dooge malang nyan se kem̂ karé anje ndáng de.

1 Jean 2:20

Nè sei ɓaa, sei dooge ke è Krist kuwe ndum wubu dè si’t unde sei gai. Gir’n ke nè á sei malang i geri Nube ke get.

1 Jean 2:27

Nè sei ɓaa, wubu ke Krist ndum dè si’t nga nain ra si’t ɓai. Gir’n ke nè á sei awi ndoo kade doo karé ndó sei nyange lé ta. Nè Ndil-Kem̂nda le’n ke ade sei nga ndó sei nyange malang. Nyange ke Ndil-Kem̂nda ndó sei nga, ei nyange ke kerɔte m ei tàge ke lanm lé. Bè ɓaa, umi nan’t bɔk se Krist titeke Ndil-Kem̂nda ndó’n sei nga.