Matthieu 12:50 - Nouveau Testament en Gulay 2004

⁵⁰ Nanan ke ra nyan ke kêm Bɔ’m ke danrán ndige ɓaa, è nè nga è tite ngokon’m ke dingem se kon nann’m se kon’m ke get a tɔ.

Matthieu 12:50 Iomraidhean Croise

Matthieu 12:49

Jésu tel ule ji’n njúng ke dè njékuwe-girnge’t ede nè: – An! kon’m se ngakonmge ke dingem á ndii nè.

Matthieu 13:1

Kêm ndɔn’t nè nga, Jésu unde loo tee kêm ɓee’t aw ndi nang tà ba-bò’t.

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Matthieu 25:45

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke sei mbati rai se ngonn ke ndêin bè karé dann madennge’t nè nga ɓaa, è man kuwe á i rai se’m non tɔ.»

Matthieu 28:10

Jésu ede de ede nè: – I ɓeli lé ta. Awi edi ngakonmge ade awi gar-gar kêm ɓeekon ke Galilée. E á è loo ke à an-in man tutu nú.

Marc 3:35

Nanan ke ra nyan ke kêm Nube ndige ɓaa, è nè nga è ngokon’m, se kon nann’m a tɔ.

Tà ke Maje ke Luc ndang 8:21

Jésu ede dooge malang ede nè: – Dooge malang ke ooi Tà le Nube rai nyan’n nga, ei á m’an de tite kon’m se ngakonmge bè.

Jean 15:14

Ke nè á i rai nyange ke m’unn ndu’m m’ade sei nga ɓaa, sei kotárge le’m kerɔte kuwe.

Jean 20:17

Jésu tel ede Marie ede nè: – Ɔde ra’m lé tede m’in m’aw ra Bɔm’t lé ɓai. Nè i ɓaa, i tel aw ede ngakonmge ede nè m’ndi m’aw ke ra Bɔ’m Nube’t. Bɔ’m Nube nga, è Bɔ si sei a, è Nube le si a tɔ.

Jean 6:29

Jésu tel ile de dè’t ede nè: – Nyan ke kêm Nube ndige nga, è le kade undei kêm si dè è ke Nube ulenn’t nga.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Nyanra Njekawkulege 17:30

Nyanra dooge kêm ndɔge ke kété mari ke geri Nube lé ɓai nga, Nube unn kum’n mbeng dè’t kɔke. Nè ɗarinè è unn ndu’n ade dooge malang se loo malang kade turi hal de.

Nyanra Njekawkulege 26:20

Nè m’ile mber m’ade dooge ke ndii Damas pa ɓita, go’t gugu m’ile mber m’ade njé ke Jérusalem se Juipge malang a, se njé ke ei Juipge lé a tɔ. M’ede de m’ede nè: I turi hal si, ɔsi wan i teli ke ra Nube’t. I rai nyange ke uwe made nan se tur hal si.

Nje Ke Rome 8:29

Njé ke Nube ger de kété ɓita unde nang nè ɓai nga, è ɔje kêmn’t kété mari ke desêin le tel de ke ngann’n le kade tooi asinan se Ngonn kêm’n Jésu. Nube ra titeke bè le kade Ngonn’n ee’n doo ke desêin ke inge riɓar le Nube dann kosdooge’t le Nube.

1 Nje Ke Corinthe 9:5

Ké m’aw se tɔgmong le kaw se kon nann’m karé ke neen’m loo kile mber’t titeke njékawkulege ke rang éké ngakon Kuwe-ɓeege éké Céphas rai nga tɔ lé wa?

2 Nje Ke Corinthe 11:2

M’tár sei ngain. Tár ke m’tár sei nga, ngire’n in ra Nube’t kuwe. Gir’n ke nè á m’ra’n jang dè si’t. Sei i tooi asinan se ngomande ke nal ger dingem ɓai bè. Krist kuwe karé bere luk-luk á è ngaw ke m’uwe dè’n m’ɔje’n dè si. M’tɔje’n go si kade an sei ke neennge.

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

Nje Ke Galatie 6:15

Kuje tà mɔte éké kuje tà mɔte lé nga, è nyan lé. Nyan ke get-get ɓaa, è le tel k’ee doo ke kige le Nube.

Nje Ke Colosses 3:11

Ɗarinè tò gai le Juipge se njé ke ei Juip lé goto, tò gai le doo ke njè kuje tà mɔte’n se è ke nal kuje tà mɔte’n goto. Doo ke dɔ éké doo ke raikarè goto ta. Ɗarinè tò gai le ɓer éké doo ke ndi dè’n pal goto a tɔ. Nè Krist kuwe karé bere á è doo dè dooge malang a, ndi kem̂ de’t malang a tɔ.

1 Timothee 5:2

I ndeje kon dinyege asenan se koinge bè a, i ndeje dinyege ke nain-in mande ɓai titeke i ndeje’n kon nannige bè se tàgir ke unju nyang-nyang.

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.

1 Pierre 4:2

E ebe ra’n dè ra majelé tede le ra nyange ke kem̂ dooge ndige nga ndan lé, nè le ra nyan ke kem̂ Nube á ndige loo ke è ndii’n kumgajer dè nang nè ɓai.

1 Jean 2:17

Nang se ngur nyange le’n malang ke ra dooge’t nga ndii à ndɔti kawi. Nè doo ke ra nyan ke kem̂ Nube ndige ɔr son’n njêt ɓaa à ndi kumgajer sár se non kuwe.

Lookilera’n 22:14

Njé ke togoi kubu le de ke bòi yul-yul nga, ra de à nel de kuwe. Ei asikum kuse kann kage ke doo à ndii’n kumgajer nga a, à asi kingei tà rebe kaw kem̂ ɓee-bò’t nè nga a tɔ.