Matthieu 12:46 - Nouveau Testament en Gulay 2004

⁴⁶ Loo ke Jésu ndi à ede kosdoo-bulege tà bè-bè ɓai ɓaa, an! kon’n se ngakonnge ke dingem reei ndai nata. Ei sangi le kedi nin tà.

Matthieu 12:46 Iomraidhean Croise

Matthieu 1:18

Koje Jésu-Krist nga è titeke bè. Kon’n Marie nga, è njènong le Joseph. Marie ndann ngonn se go tɔgmong le Ndil-Kêmnda kété ɓita dé se Joseph dé ger nan ke dinye se dingem ɓai.

Matthieu 12:47

Doo karé bè ede Jésu ede nè: – An! koin se ngakoinge ke dingem ndai nata non, sangi le kedi nin tà.

Matthieu 13:55

Ké nan adé tɔgmong á n’ra’n nyankɔbege nè nga wa? Ké n’ee nga n’ee Ngonn le njè ra kule kage karè lé wa? Ké ri konyé è Marie lé wa? Ké Jacques se Joseph, se Simon se Jude nga ei ngakonyége ke dingem lé wa?

Matthieu 2:11

Loo ke d’aw kêm kei d’an ngonn ke kide nè se kon’n Marie ɓaa, d’ɔse keje de nang non ngonn ke kide’t nè nga dé ɗɔi’n a tɔ. Go’t gugu, dé tee se nar-ɔr se nyan ke ete sununn titeke katchatcha a, se nyan karé ke ri’n nè myrrhe kêm sanduge le de d’uwe’n se’n noje.

Matthieu 2:20

– In dɔ, unn ngonn ke kide nè se kon’n, i tel aw se de kêm ɓeekon ke Israel gugu tede njé ke sangi le tɔli ngonn ke kide nè nga weii ɓá ta.

Marc 2:21

– Doo à kunn tà kubu ke kige kile’n kum è ke ndise lé. Ke nè á doo karé unn tà kubu ke kige ile’n kum è ke ndise ɓaa, tà kubu ke kige à uwe è ke ndise le til’n banjáng-banjáng dum ke kété ɓai.

Marc 6:3

Ké n’ee nga n’ee njè tɔl kagege ke n’ee ngonn le Marie nga lé wa? Ké Jacques se Joses se Jude se Simon nga ei ngakonyége lé wa? Ké kon nannége ei dann jéi’t laa lé wa? Kêm dooge ke Nazareth on de ngain dè Jésu’t ade undei kêm de dènn’t lé.

Tà ke Maje ke Luc ndang 1:43

Ké man nga m’ee nan kade Kuwe-ɓee le’m ree ram’t wa?

Tà ke Maje ke Luc ndang 2:33

Loo ke Joseph bɔ Jésu se kon’n Marie ooi tà ke Siméon tam ɔje’n dè ngonn de nè nga ɓaa, tà ige de sêl.

Tà ke Maje ke Luc ndang 2:34

Siméon tɔr tà’n dè de’t ɓaa, è ede Marie ede nè: – An! ngonn nè nga Nube ɔr’n unde’n ke nyan-tɔje. A è gir koso a, à è gir kɔse nang kin le dooge bule ke ɓeekon ke Israel. Ngonn nè nga, à è nyan-tɔje le Nube. Nè dooge à uteii mbeng.

Tà ke Maje ke Luc ndang 2:48

Loo ke njékoje Jésuge an-in nin ɓaa, ndil de tee an-in soin-soin. Kon’n deje’n ede nè: – Ngonn’m, ké bain á i ra se jé ndáng bè wa? An! jè se bɔi joo mbak jè sangi j’ɔr yàl-yàl.

Tà ke Maje ke Luc ndang 2:51

E oo tà tà njékojennge’t tel aw se de ɓéee Nazareth. Kon’n Marie girtà ke kété a, ke gugu a, dè nyange malang ke teei nè nga m ade kêm’n wei nal dè’t lé.

Tà ke Maje ke Luc ndang 8:10

E tel ile de dè’t ede nè: – Sei ɓaa, Nube ɔrgir nyange ke ɔje dè Konɓee le’n ke tò loo ɓɔyɔn’t nga ade sei geri ɓá. Nè dooge ke rang ɓaa, nyange ke tooi loo ɓɔyɔn’t ɔje dè Konɓee le Nube nga, d’a d’ede de se gostà. «Nyan nè nga tee titeke bè le kade d’an se kum de, nè d’an njai lé, le kade d’oo se mbi de, nè geri gir njai lé a tɔ.»

Jean 19:25

Kon Jésu se ngokon’n Marie, dinye le Clopas, se Marie ke ɓee le’n è Magdala ndai ngɔr kɔte kage-ke-dese’t le Jésu.

Jean 2:1

Loo ke Jésu ede Nathanael tà nè nga, ra ndɔ mute go’t ɓaa, dé ra nan taa nan kêm ɓee ke Cana ɓeekon ke Galilée. Kon Jésu è tutu tɔ.

Jean 2:12

Go’t gugu, Jésu in aw se kon’n se ngakonnge kêm ɓee-bò ke Capernaum. Njékuwe-girnge géa awi se’n tɔ. Nè dé ndi tutu ndɔ bule ngain lé.

Jean 2:5

Kon Jesu ede ngann njéra kulege ede nè: – Nyan malang ke n’a n’deje sei nga i rai.

Jean 7:10

Nè né è bè géa, loo ke ngakon Jésuge ke dingem in-in awi loo ra nan kei kamge’t nga ɓá ɓaa, Jésu géa in aw loo ra nan’t nè nga tɔ. E aw se go ngein m aw tàkum dooge’t njung lé.

Jean 7:3

Ngakon Jésuge ke dingem edi nin edi nè: – Ɔte loo ke nè’t kɔke aw kêm ɓeekon ke Judée tede kade njékuwe-girige teri kule raige ke i ndi i ra nga tɔ.

Jean 7:5

Ngakon Jésuge ke dingem ke mbain kuwe géa undei kêm de dènn’t lé.

Nyanra Njekawkulege 1:14

Dé malang d’um kêm de nan’t bɔk, d’aw kum de ke kété-kété dè kɔje tà se Nube’t. Dinyege ke nange tite Marie kon Jésu a, se ngakon Jésuge ndii se de nan’t tutu a tɔ.

1 Nje Ke Corinthe 9:5

Ké m’aw se tɔgmong le kaw se kon nann’m karé ke neen’m loo kile mber’t titeke njékawkulege ke rang éké ngakon Kuwe-ɓeege éké Céphas rai nga tɔ lé wa?

Nje Ke Galatie 1:19

M’an doo ke rang dann njékawkulege’t lé, nè Jacques ngokon Kuwe-ɓee kuwe se kar’n á m’an’n.