Matthieu 12:42 - Nouveau Testament en Gulay 2004

⁴² Ndɔ gangtà’t nga, ngar ke dinye ke in kêl dè jikon le ɓeekon le Arabege à in le kile tà dè girkoje dooge ke ndii dè nang nè ɗarinè nga, tede kin ke è in ngei ɓee’t nú ree le koo gostà kumkunju le ngar Salomon. An-in! doo karé ke bò dum dè Salomon nda laa.

Matthieu 12:42 Iomraidhean Croise

Matthieu 12:41

Dooge ke kêm ɓee-bò ke Ninive nga ndɔ ke in-in kalang turi hal de se go mber kile le Jonas ke ile ade de. An-in! doo karé ke bò ke dum dè Jonas nda laa. Gir’n ke nè á ndɔ ke Nube à gangtà dè girkoje dooge ke ndii dè nang nè ɗarinè nga ɓaa, njé ke kêm ɓee-bò ke Ninive à in-in le kilei tà dè de’t.

Matthieu 12:6

Nè man m’ede sei, doo karé ke bòi dum dè kei le Nube è laa.

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Matthieu 3:17

An! ke loon’t nè kuwe, ndu doo ɓar danran ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ.

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.