Matthieu 12:41 - Nouveau Testament en Gulay 2004

⁴¹ Dooge ke kêm ɓee-bò ke Ninive nga ndɔ ke in-in kalang turi hal de se go mber kile le Jonas ke ile ade de. An-in! doo karé ke bò ke dum dè Jonas nda laa. Gir’n ke nè á ndɔ ke Nube à gangtà dè girkoje dooge ke ndii dè nang nè ɗarinè nga ɓaa, njé ke kêm ɓee-bò ke Ninive à in-in le kilei tà dè de’t.

Matthieu 12:41 Iomraidhean Croise

Matthieu 12:39

Nè Jésu ile de dè’t ede nè: – Sei njékêm majelége ke njé tur gide si kade Nube ke ɗarinè i ndii dè nang nè nga, i sangi le kan-in nyankɔbe. Nè nyankɔbe karé bè ke rang géa a an-in lé. Nè Jonas njèribe-dè-tà ke tà Nube’t ke ndɔ ke è nyankɔbe ke an-in kété ɓá non kuwe ase.

Matthieu 12:42

Ndɔ gangtà’t nga, ngar ke dinye ke in kêl dè jikon le ɓeekon le Arabege à in le kile tà dè girkoje dooge ke ndii dè nang nè ɗarinè nga, tede kin ke è in ngei ɓee’t nú ree le koo gostà kumkunju le ngar Salomon. An-in! doo karé ke bò dum dè Salomon nda laa.

Matthieu 12:45

E ɔse wan tel aw ɔr ndilge ke majelé ngain dumi è ɓai ji sejimute ree se de ade awi ndii se’n kêm kei nè nga tɔ. Doo nè nga, kêm’n tel majelé ngain dum è ke kété. Girkoje dooge ke njékêm majelége ke ndii dè nang nè ɗarinè nga géa le de à è titeke bè tɔ.

Matthieu 12:6

Nè man m’ede sei, doo karé ke bòi dum dè kei le Nube è laa.

Matthieu 16:4

Sei dooge ke njé kêm majelége se njétur gide si kade Nube ke ɗarinè i ndii dè nang nè nga, i sangi le kan-in nyankɔbe. Nè nyankɔbe karé ke rang géa a an-in lé. Jonas njèribe-dè-tà ke tà Nube’t ke è nyankɔbe ke ndɔ ke an-in kété ɓá non kuwe ase. Loo ke Jésu tam tà nè nga bè ɓaa, è inye de ɔte aw.

Matthieu 17:17

Jésu tel tam ede de ede nè: – Sei njé kunn mbi dè tà’tge se njéndɔje lɔk-lɔkge. Ké m’a m’ndi se si ndɔ kandang ɓai wa? I reei se ngonn nè nga ke ram’t nè.

Matthieu 23:36

Kerɔte kuwe, man m’ede sei tà nyange nè nga à uwe dè girkoje dooge ke ndii dè nang nè ɗarinè nga.

Tà ke Maje ke Luc ndang 11:32

Dooge ke kêm ɓee-bò ke Ninive nga, loo ke ndɔ ke Jonas njèribe-dè-tà ke tà Nube’t ile mber ade de ɓaa, dé tur hal de. Ndɔ gangtà’t ɓaa, dé nè kuwe d’a d’in kile tà dè dooge ke ei dèkasnange ke ndii dè nang nè ɗarinè. An-in! doo karé ke bò dum Jonas è dann si’t laa.

Jean 3:31

E ke in danrán nga dum dè nyange malang. E ke girkoje’n in dè nang nè tam tà ɔje’n dè nyange ke dè nang nè. E ke in danrán dum dè dooge malang.

Jean 4:12

Kà jé Jacob se ngannenge a, se nyankulge le’n kuwe an-in mann nè kété ɓita inyei adi jè nga, ké i bòi i dum dè’n wa?

Nje Ke Rome 2:27

I i Juip ke d’uje tà mɔti kuwe. I ndi se magtub gute-ndu ke dé ndang jii’t kuwe. Nè né è bè géa, ke nè á al tà tà gute-ndu’t ɓaa, doo ke d’uje tà mɔte’n lé ke an dè gute-ndu sêw-sêw nga à gangtà dèi’t gar-gar.

Hebreuge 11:7

Nyange ke ndɔn’t ayé teei ɓai nga, ndɔ ke Nube ribe dè de ede Noé kété ade oo takul kundekem̂. Noé ile koje dè tà ke Nube ede’n, è in ra bato ade njé ke kem̂ kei le’n awi kem̂é ajii. Ra ke Noé ra titeke bè nga è ile’n tà dè dooge ke dè nang nè. Taɓai, takul kundekem̂ á ndɔ ke Nube ɔr’n tà dè Noé’t ade tel ee’n njè ra nyan se dè naje’n.