Matthieu 12:34 - Nouveau Testament en Gulay 2004

³⁴ Sei ke i tooi asinan se li jênênnge ke njékêmyêrge! Ké a asikum tam tàge ke maje loo ke ra’t wa? Nyan rusu kêm ɓengre doo njin-njin ɓita tà’n tee tànn’t ɓai.

Matthieu 12:34 Iomraidhean Croise

Matthieu 12:35

Doo ke maje à tee se nyanra ke maje ke tò kêm ɓengrenn’t ke nata. Doo ke majelé à tee se nyanrage ke majelé ke tò kêm ɓengrenn’t ke nata a tɔ.

Matthieu 15:18

Nyan ke tee tà doo’t nga in dè ɓengrenn’t. E nè á è nyan ke tel doo ke nyan ke mine.

Matthieu 23:33

Sei i tooi asinan se li jênênnge, tà ke d’a gang dè si’t dann loo ke tur’t nga, ké à nal sei titeke bain wa?

Matthieu 3:7

Loo ke Jean an Pharisienge se Saddusienge bule reei rann’t le kade ule de manné njonm ɓaa, è tam se de ede nè: – Sei ke i tooi asinan se li jênênnge, ké nan tɔje sei rebe kan-in wong le Nube ke ndi à ree nga wa?

Tà ke Maje ke Luc ndang 3:7

Kosdoo-bulege reei ra Jean’t le kade ule de manné njonm. E deje de ede nè: – Sei njé ra gos tite jênênnge bè nga, ké nan á tɔje sei rebe kain wong le Nube ke ndi à ree nga wa?

Tà ke Maje ke Luc ndang 6:45

Doo ke ɓengre’n maje ɓaa, à ra nyan ke maje. Doo ke ɓengre’n majelé ɓaa, à ra nyanra ke majelé a tɔ. Nyan ke rusu kêm ɓengre doo njin-njin ɓita al tee tànn’t ɓai.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Nje Ke Ephese 4:29

Adi tà ke ete-se karé bè tee tà si’t lé. Maje kade adi tà ke maje ke à ade kundekem̂ le njé ke rang à ra tɔge ke kété-kété á adi tee tà si’t tede kade njé ke ooi ubei maje’n.

Nje Ke Ephese 5:4

Maje kade adi tà rasɔl se tà mbe a, se tà kule mbe dè nan’t a tɔ, teei tà si’t lé. Nyange nè nga tuwe sei ɗêw lé. Nè è soo’t kade tà ra Nube oiyo tá tee tà si’t.

Jacques 3:2

Jèi malang jè rai nyange ke se go rebe’n lé nja bule. Ke nè á doo karé ur tà ninge’t salang lé ɓaa, è doo ke maje ɔr njêt kuwe. E doo ke asekum kule aljem̂ tànn’t kan-in’n ngang ra’n garar-garar.

1 Jean 3:10

E ke nè á d’a ger’n ngann Nube se ngann le njè kem̂ majelé nga njai-njai. Nanan ke ra nyan ke se dè naje’n lé se ndɔ’n-ndɔ’n ɓaa, è le Nube ndan lé. Nanan ke tár ngokon’n lé ɓaa, è le Nube ndan lé tɔ.