Matthieu 12:32 - Nouveau Testament en Gulay 2004

³² Ke nè á doo karé tam tà ke majelé se’m man Ngonn doo ɓaa, d’a kade kêm de tin mbit dè’t ɓai. Nè ke nè á doo karé tam tà ke majelé se Ndil-Kêmnda ɓaa, d’a d’ade kêm de tin mbit dènn’t kêm ɓalge’t ke ɗarinè éké kêm ɓalge’t ke à reei nga lé a tɔ.

Matthieu 12:32 Iomraidhean Croise

Matthieu 11:19

Nè loo ke man ke m’ee Ngonn doo nga m’ree ɓaa, m’use nyan a, m’an-in nyan a tɔ ɓaa, dooge tami edi nè: «An-in! doo nyankuse se doo nyankain. E uwe made nan se njétaa tirge se njé ra majelége.» Nè loo ke doo an nyange ke Nube ra se kumkunju le’n ke deri nè ɓaa, à ger titeke Nube ndige kaje jèi kuwe.

Matthieu 12:31

Gir’n ke nè á man m’ede sei ndàt, kaiya ke rara ke dooge rai nga, d’a kade kêm de tin mbit dè’t ɓai a, nede ke dooge nedi Nube nga géa, d’a kade kêm de tin mbit dè’t ɓai a tɔ. Nè nede ke dooge nedi Ndil-Kêmnda nga, d’a kade kêm de tin mbit dè’t ndan lé.

Matthieu 12:8

Oiyo, man Ngonn doo nga, m’ee ngar dè ndɔ taa kebe.

Matthieu 13:22

Njar ko ke dubu dann konnge’t nga, tò asenan se doo ke oo tà nè, nè kêm’n tò kekek a, nyan sú le nyanbawge ke dè nang nè pujuri dè tà nè nga ade ur kuju.

Matthieu 13:39

Njèban ke njèdubu jer nga, è sú. Nan sa ko è ndɔ ke ngeinn’t. Njé sa koge nga ei dooge ke danrán.

Matthieu 13:40

Titeke dé rein jer le ró’n poro nga, ndɔ ke ngeinn’t ɓaa d’a ra titeke bè tɔ.

Matthieu 13:55

Ké nan adé tɔgmong á n’ra’n nyankɔbege nè nga wa? Ké n’ee nga n’ee Ngonn le njè ra kule kage karè lé wa? Ké ri konyé è Marie lé wa? Ké Jacques se Joseph, se Simon se Jude nga ei ngakonyége ke dingem lé wa?

Matthieu 8:20

Jésu tel ile’n dè’t ede nè: – Njange géa bolè tò de tò tutu a, helge géa ndis tò de tò tutu a tɔ. Nè man ke m’ee Ngonn doo nga, m’inge loo kule dè’m tutu taa kebe lé.

Marc 10:30

doo nè nga à inge nyange malang ke kété inye tede tà le’m a, tede Tà ke Maje a tɔ nga, à inge made dè’t nja aru ɗarinè se kumndoo. Tá kêm ndɔnge ke à reei, à inge ndikumgajer se non ɓai.

Marc 3:28

Kerɔte kuwe, man m’ede sei ndàt, kaiyage malang ke dooge rai se tàge ke majelé ke dooge tami dɔ-dɔ se Nube nga, Nube à ade kêm’n à tin mbit dè’t ɓai.

Marc 3:29

Nè nanan ke nede Ndil-Kêmnda nga, Nube à ade kêm’n à tin mbit dè’t ndan lé sár se non.

Tà ke Maje ke Luc ndang 12:10

Nanan ke tam tà le’m man Ngonn doo nga majelé ɓaa, Nube à ade kêm’n tin mbit dènn’t ɓai. Nè nanan ke taje Ndil-Kêmnda ɓaa, Nube à ade kêm’n à tin mbit dènn’t ndan lé.

Tà ke Maje ke Luc ndang 16:8

Kuwe njèkan-dè-nyange ke njègos nè nga ede nè: «I ger nyan ngain kuwe.» E ke nè á ke nyan ra dooge ke ei le nang nè ke rai se nan dum njé ke dé le lookar.

Tà ke Maje ke Luc ndang 18:30

à inge nyange ngain dum nyange malang ke è inye kêm ndɔ ke ɗarinè a, à inge ndikumgajer se non kêm ndɔ ke à ree a tɔ.

Tà ke Maje ke Luc ndang 23:34

Nè Jésu tam ede nè: – Bɔ’m i tin kêmi mbit dè de’t, tede nyan ke dé ra nga kum de gang dè’t lé. Dé tur jala dè kubuge le’n ke rann’t ɓita dé kai nan ɓai.

Tà ke Maje ke Luc ndang 7:34

Nè loo ke man ke m’ee Ngonn doo nga m’ree dè nang nè ɓaa, m’use nyan a, m’an-in a tɔ. Nè sei i tami edi nè: «An-in! doo nyankuse se gon nyankain, taɓai è made njétaa tirge se njé ra majelége a tɔ.»

Jean 7:12

Doobulege naji nan tà ngain dann de’t ɔji dè Jésu. Njé ke karége tami edi nè: – Jésu è doo ke njèra maje. Njé ke nange tami edi nè: – Ḿ-m̀, Jésu è njè libe kum doobulege.

Jean 7:39

E tam tà nè nga titeke bè ɔje’n dè Ndil-Kêmnda ke njé ke undei kêm de dènn’t ayé kingei. Kêm ndɔn’t nè nga Ndil-Kêmnda ree lé ɓai tede d’ule ndubra dè Jésu’t lé ɓai.

Jean 7:52

Dé deje Nicodème d’ede nè: – Ké i kuwe géa i tel rai doo ke Galilée tɔ wa? Ke nè á i nder gir tà kêm Magtub’t le Nube maje an ɓaa, njèribe-dè-tà ke tà Nube’t à in kêm ɓeekon ke Galilée lé. [

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

Nje Ke Ephese 1:21

Titeke bè Nube unn Krist mbeng unde’n dè njé kunde gir gute-nduge se njétɔgmong-ge se njé kàde bòge se kuwe-ɓeege ke danrán éké ke dè nang nè malang, éké ri ke rara malang ke d’a ɓar dann dooge ɗarinè éké ke ndɔ ke rang nga, Krist dum dè de malang.

1 Timothee 1:13

Man nga, kété m’ee njè kile rasɔl dè rinn’t a, m’ee njè kɔr’n kororoi se njè taje’n a tɔ. Nè Nube ra se’m kem̂kanm tede nyan ke m’ra kété nga, m’ra dè mbe’t nal kundekem̂ dè Krist’t.

1 Timothee 1:15

Tà nè nga è tà kerɔte ke le kade nanan géa taa um kem̂’n dè’t bɔk-bɔk: Jésu-Krist ree dè nang nè le kaje njé ra majelége. Man nga kuwe m’ee ke desêin sàk-sàk le njé ra majelége.

1 Timothee 4:8

Ndaje ngire ra è nyan ke maje kuwe, nè maje tede le nyange malang lé. Nè kile koje dè Nube’t ɓaa, maje tede nyange malang. Takul kile koje dè Nube’t nga, j’inge’n kunn-ndu ke ɔje dè ndikumgajer ɗarinè a, kem̂ ndɔge ke à reei ɓai a tɔ.

1 Timothee 6:17

I ndeje bawge ke ndii dè nang nè ɗarinè le kade tii ra de lé a, le kade undei kem̂ de tchên dè nyanbaw ke à tò mbɔr lé nga lé a tɔ. I ndeje de le kade undei kem̂ de tchên ke dè Nube’t. Nube á è njè kade jèi nyange malang kade tooi ra jéi’t ndàj-ndàj tede kade jè ndii dann ranel’t.

2 Timothee 4:10

Démas sure’m inye’m tede unde nyange ke dè nang nè dann kumn’t ngain. E ɔte aw kem̂ ɓee-bò ke Thessalonique. Crescens ɔte aw kum’n ke ɓeekon ke Galatie a, Tite aw kem̂ ɓeekon ke Dalmatie a tɔ.

Tite 2:12

Kem̂noje le Nube nè nga ndó jèi loo mbate nyange ke uwe made nan se le Nube lé a, se ngur nyange ke ɔje dè dè nang nè a tɔ. Nè kem̂noje nè nga ndó jèi rebe kunde kumkunju dè ra’t dann dooge ke ndii dè nang nè ɗarinè. Kem̂noje le Nube nga ndó jèi nyanra ke se dè naje’n ke uwe made nan se kile koje dè Nube’t.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.