Matthieu 12:25 - Nouveau Testament en Gulay 2004

²⁵ Jésu ger tàgir le de ke kêm de’t mbak, gir’n ke nè á ede’n de ede nè: – Ke nè á dooge ke kêm ɓeekon le ngar karé kuwe in-in kayai nan loo joo ɓaa, ɓeekon nè nga à tel k’ee ndube. Ɓee-bò ke rara ke kaya ra’n danné loo joo ɓaa, à asekum tò lé a, girkoje ke rara ke kaya ra’n danné loo joo ɓaa, à asekum ndi lé a tɔ.

Matthieu 12:25 Iomraidhean Croise

Matthieu 9:4

Jésu ger tàgirge le de ke kêm de’t mbak. Gir’n ke nè á è deje’n de ede nè: – Ké bain á i giri tàge ke majelé titeke bè dè ɓengre si’t wa?

Marc 2:8

Ke loon’t nè kuwe Jésu ger tàgirge le de ke kêm ɓengre de’t mbak. E deje de ede nè: – Ké bain á sei giri tàge ke titeke bè dè ɓengre si’t wa?

Jean 21:17

Jésu deje Simon njèkon’t mute ede nè: – Simon, ngonn le Jean, ké i ndige’m kerɔte kuwe wa? Kêm Pierre on’n tede deje ke Jésu tel deje’n njèkon’t mute ede nè: – Ké i ndige’m kerɔte kuwe wa? Taɓai Pierre tel ede Jésu ede nè: – Kuwe-ɓee, i ger nyange malang ɓá, i ger titeke m’ndigi kerɔte kuwe. Jésu tel ede Simon Pierre ede nè: – Bè ɓaa, ul ngann batege le’m ade’m sei.

1 Nje Ke Corinthe 2:11

Ké nan asekum ger nyange ke tò dè ɓengre doo’t wa? E tàgir le doo ke dè ɓengrenn’t kuwe karé á ger nyange malang ke tò dè ɓengre doo’t. Titeke bè Ndil-Kêmnda le Nube karé á asekum ger nyange malang ke dè ɓengre Nube’t.

Nje Ke Galatie 5:15

Ke nè á ndi dè pal le si aw se si sár ade i ton-in nan a, ujei ngire nan se tà nyanm-nyanm a tɔ ɓaa, undei kumkunju dè ra si’t lé ɓaa a i tuji nan.

Hebreuge 4:13

Nyankunde le Nube karé bè ke ɓɔyɔ ra’n tàkumn’t goto. Nyan malang tò nata ndái-ndái tàkum è ke ndɔn’t j’à tutei go nyanra jéi kadi nin.

Lookilera’n 16:19

Ɓee-bò nga kai ra’n danné loo mute. Ɓee-bòge ke dè ɓeege ke rang malang nga géa, tosoi tuji a tɔ. Kem̂ Nube olé dè kaiyage’t le ɓee-bò ke Babylone. Nube ade’n nyantosowur ke kem̂ bai yibe nduu wong’t le’n an-in.

Lookilera’n 2:23

M’a m’ade yo-kos à tɔl ngannenge kabak. Bè tá njékebe nange le Nube malang à geri titeke man m’ee njè ter tàgir le dooge ke dè ɓengre de’t. Man m’uge nanan géa dann si’t se go kule ra’n.