Matthieu 12:17 - Nouveau Testament en Gulay 2004

¹⁷ Tà ke Esaie, njèribe-dè-tà ke tà Nube’t tam kété mari ede nè:

Matthieu 12:17 Iomraidhean Croise

Matthieu 12:16

Jésu on de njanm-njanm le kade d’ade doo karé bè géa ger’n lé.

Matthieu 12:18

«An! ngonn njèndi le’m ke man kuwe m’ɔr’n a, m’tár’n a, ra’m nel’n dènn’t ngain a tɔ. M’a m’ade ndil’m à um dènn’t le kade ile mber nyanra ke se dè naje’n ade dooge ke geri Nube lé.

Matthieu 13:35

E ra titeke bè le kade tà ke njèribe-dè-tà ke tà Nube’t tam kété mari ede nè: «M’a m’ede de tà se gostàge, m’a m’ɔr gir nyange ke tooi loo ɓɔyɔn’t mari loo kunde gir nang’t.» Tà nè nga aw loon’t deĵ.

Matthieu 21:4

Nyan nè nga tee titeke bè le kade tà ke Zacharie njèribe-dè-tà ke tà Nube’t tam kété mari aw’n loon’t deĵ. E tam kété mari ede nè:

Matthieu 8:17

Tà ke Esaie njèribe-dè-tà ke tà Nube’t tam kété mari ede nè: «E kuwe á taa yaige se raturge le jéi um dènn’t.»Tà nè nga aw loon’t deĵ.

Tà ke Maje ke Luc ndang 21:22

Kêm ndɔn’t nè nga, Nube à gangtà dè kosdooge’t le’n tede kade tà ke dé ndang kêm magtub’t kété mari aw’n loon’t deĵ.

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Jean 10:35

Njé ke tà le Nube oso mbi de’t nga, loo ke nange Magtub mann-ra ke mari ɓar de kum gute tà Nube. Tà ke tò kêm Magtub ke tò se ninn’n nga, doo asekum kɔr kile kɔke tuju’n lé.

Jean 12:38

Juipge rai titeke bè le kade tà ke Esaie njèribe-dè-tà ke tà Nube’t tam kété mari aw’n loon’t deĵ. E tam ede nè: «Kuwe-ɓee, ké nange á undei kêm de dè tà’t le jé nga wa? Ké nange á ndɔ ke kété Nube tɔje de tɔgmong le’n wa?»

Jean 19:28

Jésu ger titeke ɗarinè gir nyan malang gang ɓá. Gir’n ke nè á è tam ede nè: – Kunde mann ra’m. E tam titeke bè le kade tà ke tò kêm magtub ke tò se ninn’n aw’n loon’t deĵ.

Nyanra Njekawkulege 13:27

Tede dooge ke ndii kêm ɓee-bò ke Jérusalem se njékɔr non dege giri titeke Jésu è njèkaje dooge lé. Magtubge le njéribe-dè-tàge ke tà Nube’t ke dé tute se ndɔ taa kebege karé-karé malang nga géa, dé ger gir lé a tɔ. Dé gangtà dè Jésu’t d’ade tàge ke tooi kêm magtubge’t le njéribe-dè-tàge ke tà Nube’t aw loon’t deĵ.