Matthieu 11:8 - Nouveau Testament en Gulay 2004

⁸ Edi man. Ké ri á sei awi le kan-in wa? Ké awi le kan-in doo ke tule kubuge ke ndolé rann’t wa? An-in! njé ke tulei kubuge ke ndolé ra de’t nga ndii kêm kei ndi ngarge’t.

Matthieu 11:8 Iomraidhean Croise

Matthieu 11:7

Loo ke pajage le Jean ɔti awi ɓá ɓaa, Jésu unn gir ndeje kosdoo-bulege tà ke ɔje dè Jean ede nè: – Ké ri á awi kêm dile’t kan-in wa? Ké awi le kan-in walè tuwe-mann ke nel mbir’n mbar-mbar nga karè wa?

Matthieu 11:9

Nè ké ri á sei awi le kan-in kêm dile’t wa? Ké awi le kan-in njèribe-dè-tà ke tà Nube’t karé bè wa? Oiyo, man m’ede sei ndàt, doo ke sei awi le kan-in nga, dum dè njèribe-dè-tà ke tà Nube’t ɓai.

Matthieu 3:4

Jean ule Kubu ke d’ojo se bin lugman rann’t. E dɔ ɓede’n se ndar. Bêteĝe se wubu tuju ke walé á è nyankuse’n se ndɔ’n-ndɔ’n.

Tà ke Maje ke Luc ndang 7:25

Nè ké ri á awi le kan-in kêm dile’t wa? Ké sei awi le kan-in dingem karé ke ule kubu ke bin maje rann’t wa? An-in! njé ke ulei kubu ke ndolé nga ndii dann maje’t kêm kei ndi ngarge’t.

1 Nje Ke Corinthe 4:11

Sár ɓila, ɓo ndi ra kum jé ndoo, kunde mann ndi tɔl jè a tɔ. Sár ɗarinè, j’aw mbur jé sutur, dé tunde jè d’ade oso ra jé’t ade j’ile dɔ gam-gam.

2 Nje Ke Corinthe 11:27

M’ule ra’m ndibe loo kule’t, m’ɔr yàl-yàl a, dɔ-dɔ ɓi ɔde kum’m lé a tɔ. Nja bule ɓo se kunde mann tɔli man a, m’ɔge ra’m dè nyankuse’t se dè kain mann’t a tɔ. Nja bule m’ndi dann kul’t a, kubu kule ram’t goto a tɔ.

Lookilera’n 11:3

M’a m’ade tɔgmong njékɔrgo tàge le’m ke joo nè nga kade ilei mber se ri Nube ase ndɔge aru dɔg gidé-joo se kɔr-mute-mute. Njékɔrgo tàge le’m ke joo nè à tulei kubu-sile ra de’t.»