Matthieu 11:7 - Nouveau Testament en Gulay 2004

⁷ Loo ke pajage le Jean ɔti awi ɓá ɓaa, Jésu unn gir ndeje kosdoo-bulege tà ke ɔje dè Jean ede nè: – Ké ri á awi kêm dile’t kan-in wa? Ké awi le kan-in walè tuwe-mann ke nel mbir’n mbar-mbar nga karè wa?

Matthieu 11:7 Iomraidhean Croise

Matthieu 11:8

Edi man. Ké ri á sei awi le kan-in wa? Ké awi le kan-in doo ke tule kubuge ke ndolé rann’t wa? An-in! njé ke tulei kubuge ke ndolé ra de’t nga ndii kêm kei ndi ngarge’t.

Matthieu 12:20

Tuwe mann ke gudu ngoin-ngoin nga à uwe’n tête’n danné lé, tà kubu ke à su sa ɓai nga, è à tɔl’n lé sár kade ade nyanra ke se dè naje’n unn’n banga.

Matthieu 21:25

Ké kule ke Jean ule dooge manné njonm nga, gir’n in ra wa? Ké gir’n in ra Nube’t éké in ra dooge’t wa? Dé murin tà kêm de’t d’ede nè: – Ke nè á j’edi nè: «Gir’n in danran» ɓaa, n’a tel deje jèi kede nè: «A ɓaa, bain á umi kêm si dènn’t lé wa?»

Matthieu 3:5

Dooge ke kêm ɓee-bò ke Jérusalem se njé ke ɓeekon ke Judée bere mbak se njé ke ngann ɓeege’t ke gan dè ba ke Jourdain malang reei rann’t.

Tà ke Maje ke Luc ndang 8:18

Undei kumkunju dè ra si’t dè tà ke ooi’t nga. Nanan ke aw se nyan jinn’t lé ɓaa, nyan ke ndêin bè ke è gir kêmn’t ede nè è nyan le’n nga, Nube à uwe taa jinn’t wont kɔke.

Jean 1:38

Jésu mer goo’n. Loo ke è an de d’unn rebe goon’t ɓaa, è deje de ede nè: – Ké i sangi ri wa? Dé tel d’ile’n dè’t d’ede nè: – Rabbi (tel se tà koje jéi ɓaa, è Kuwe jé) ké loo ndii è ra wa?

Jean 5:35

Jean nga kété è tite lampe ke on ndogó kotong. Nè sei ndigi kali ra si dann lookar’t le’n nè nga ndêin.

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

Jacques 1:6

Nè gar-gar, maje kade i deje’n nyan se kundekem̂ m i naje se rai lé. Doo ke naje se ra’n nga è doo ke kem̂’n è joo. Doo ke kem̂’n è joo nga tò asenan se kɔr mann ke tal bungus-bungus ke nel ɔr’n aw se’n yo-yo, nè-nè bè.