Matthieu 11:5 - Nouveau Testament en Gulay 2004

⁵ Njékumtɔge teli an-in loo a, njédɔge metege teli njiyei mong ɗáj-ɗáj a, banje ɔr ra njébanjege’t ndát-ndát a, njémbi mbege teli ooi tà njai-njai a, dooge undei loo teei dann njé ke koo’t a, Tà ke Maje nga géa d’ile mber’n d’ade njéndooge ɓá a tɔ.

Matthieu 11:5 Iomraidhean Croise

Matthieu 10:8

Ɔri ratur ra njératurge a, adi njé ke weii tɔsi ndeli in-in a, ɔri banje ra njébanjege’t a, i rɔi ndilge ke majelé kêm dooge’t kɔke a tɔ. Man m’ade sei tɔgmong nè nga kade i rai se dooge karè tite man m’ade sei karè nga tɔ.

Matthieu 11:4

Jésu tel ile de dè’t ede nè: – Nyan ke sei ooi tà’n se mbi si a, an-in se kum si a tɔ nga, awi edi tà’n Jean edi nè:

Matthieu 12:13

E á Jésu ede doo ke ji’n wei tonrin nè nga ede nè: – I ndaje jii. Ɓaa doo nè nga ndaje ji’n. Ke loon’t nè kuwe, ji’n ke karé ke wei tonrin nga tel mong maje tite made ke karé.

Matthieu 21:14

Njékumtɔge se njémetege reei ra Jésu’t kêm kei le Nube ade ɔr ratur ra de’t.

Matthieu 5:3

– Njé ke geri kêm de’t titeke ei njéndooge nga, ra de à nel de tede konɓee ke danran è le de!

Matthieu 9:30

Ke loon’t nè kuwe, kum de an loo njai-njai. Jésu ndeje ndej-ndej ede nè: – Adi tà nè nga tee tà si’t ade doo karé bè oo lé.

Marc 7:37

Ndil de tee an-in soin-soin ade dé tam d’ede nè: – N’ra nyange ke dum kum. N’ade njé mbi mbege teli ooi tà ɗarinè a, n’ade njé ke kété asikum tami tà njai lé géa, teli tami tà njai-njai ɗarinè a tɔ.

Marc 9:25

Jésu an kosdoo-bulege têti nan yip à reei ke ra de’t. E unn gir ndáng ndil ke majelé nè nga ede nè: – I ndil ke majelé ke njé kɔge ngonn nè tam tà se koo tà nga, man m’unn ndu’m m’adi, unde loo i tee kêmn’t aw se noin.

Tà ke Maje ke Luc ndang 4:18

– «Ndil Kuwe-ɓee nain se’m. Kuwe-ɓee ɔr’m le kade m’ile mber Tà ke Maje m’ade njéndooge. E ule’m le kade m’ile mber m’ade njé ke tooi dangai’t titeke d’a d’inye de dɔ a, le kade m’ede njékumtɔge titeke d’a tel kan loo gugu a, è ule’m le kade m’ede njé ke dé ra de ndoo titeke Nube à taa de kinye de dɔ ɓai a,

Jean 10:25

Jésu ile de dè’t ede nè: – Tà nè nga m’ede sei kété ɓá, nè unni mbi si dè’t. Nyankɔbege ke Bɔ’m ade’m m’ra se ri’n nga, ɔri go tàge le’m titeke m’ee Krist nga kuwe.

Jean 10:38

Ke nè á undei kêmi si dè’m man’t lé géa, undei kêm si dè nyange ke ndɔ ke m’ra se tɔgmong le Bɔ’m. Titeke bè á a i geri nja karé ke ngang’n titeke Bɔ’m um se’m nan’t bɔk a, man géa m’um se’n nan’t bɔk a tɔ.

Jean 2:23

Loo ke Jésu ndi kêm ɓee-bò ke Jérusalem loo ra nan Paque ɓai nga, dooge bule undei kêm de dènn’t tede nyankɔbege ke è ra ade an-in.

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 5:36

Nè man m’aw se njèkɔrgo tà ke bòi dum Jean. Tede kule ke Bɔ’m ade m’ra m’ɔr son’n nga ɔrgo tà le’m titeke Bɔ’m kuwe ule’m.

Jean 9:7

Go’t gugu Jésu ede njèkumtɔ nè ede nè: – Aw i togo kumi se mann gar ke ri’n nè Siloé (tel se tà koje jéi ɓaa, è njèkawkule le Nube). Njèkumtɔ nga ɔte aw tà mann gar’t togo kum’n. Loo ke à tel ɓaa, an loo.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?