Matthieu 11:3 - Nouveau Testament en Gulay 2004

³ – Ké è i nga kuwe á kété d’ede nè: gar-gar a i ree éké jè ndi jè ngine doo ke rang ɓai wa?

Matthieu 11:3 Iomraidhean Croise

Matthieu 11:10

Doo nè nga, dé ndang tà kêm Magtub’t le Nube d’ɔje’n dè’n d’ede nè: «An! man m’ule ngonn njèkule le’m noin’t kété, è à gɔl rebe lei noin’t kété.»

Matthieu 11:4

Jésu tel ile de dè’t ede nè: – Nyan ke sei ooi tà’n se mbi si a, an-in se kum si a tɔ nga, awi edi tà’n Jean edi nè:

Matthieu 21:5

«Edi dooge ke kêm ɓee-bò ke Jérusalem edi nè: An-in! ngar le si à ree ke ra si’t. Ngar le si nga è doo ke aw lom-lom, è al dè kon koro’t. E al dè ngonn koro ke dingem tɔ.»

Matthieu 21:9

Doobulege ke njiyei non Jésu’t kété a, se njé ke njiyei goon’t a tɔ rai nyan beng-beng edi nè: – Maje kade dè mong kang-kang nain se Ngonnkà David. E ke ree se ri Kuwe-ɓee nga, maje kade ndutɔr nain se’n. Njèndi sêm danran’t nga, maje kade dè’n mong kang-kang.»

Marc 11:9

Dooge ke nonn’t kété se njé ke goon’t gugu rai nyan jik-jik edi nè: – Ngar ke Kuwe-ɓee Nube ule’n nga, maje kade ndutɔr le Nube nain se’n ade dè’n mong káng-káng.

Tà ke Maje ke Luc ndang 19:38

– Maje kade Kuwe-ɓee Nube tɔr ndu’n dè ngar ke è kuwe ule’n. Jè j’inge kêmlom ke ra Nube’t. Gir’n ke nè á jè j’ule’n ndubra dènn’t dè nang nè.

Jean 11:27

Marthe tel ile jésu dè’t ede nè: – Oiyo Kuwe-ɓee, m’um kêm dè’t titeke i i Krist Ngonn Nube ke ndɔ ke ule’n ade ree dè nang nè nga kuwe mbain.

Jean 12:13

Dooge têti balkum kage marge ji de’t kêl-kêl tilei kum’n gide ɓee-bò’t nata. Dé ra nyan bòi beng-beng d’ede nè: – I ɗɔyi Nube! Ngar le Israel ke ree se ri Kuwe-ɓee nga, maje kade dè’n mong kang-kang.

Jean 16:14

E nè nga à ule ndubra dèm’t tede à taa tàge le’m kaw’n kede sei.

Jean 4:21

Jésu tel ile dinye nè dè’t ede nè: – Dinye, um kêmi dè tà’t le’m, kàde’n ree kade awi dè mbal’t nè éké Jérusalem tá a kɔji tà se Nube tutu lé.

Jean 6:14

Loo ke dooge nè an-in nyankɔbe ke Jésu ra nga bè ɓaa, ei tami edi nè: – Doo nè nga è ngarankum njèribe-dè-tà ke tà Nube’t ke ndɔ ke ayé kule’n kade ree dè nang nè nga kuwe gar-gar á nda nè.

Jean 7:31

Dooge ngain dann doobulege’t umi kêm dè Jésu’t. Ei tami edi nè: – Loo ke ndɔn’t Krist à ree nga, ké à ra nyankɔbege ngain dum ège ke doo nè ra nga wa?

Hebreuge 10:37

Magtub le Nube ke tò ninn’n tam ede nè: «E ke ndi à ree nga, mbɔr ɓaa, è à ree kuwe m à tile mbɔr lé.